Connect with us

Банки

Комерцијална банка донираше земјиште на Општина Центар за изградба на јавна зелена површина

Објавено

пред 8 месеци

на

За поздрава и почиста околина и за поквалитетен живот на граѓаните Комерцијална банка донираше имот на Општина Центар за изградба на јавна зелена површина. Благодарејќи на оваа донација жителите на улицата „Киро Крстевски Платник“ близу поликлиниката Идадија ќе добијат зелено и уредено катче за разонода и одмор и непречен пристап до нивните домови.

Како општествено одговорна компанија, која постојано придонесува за изградба на модерно и напредно општество, кое граѓаните и нивните потреби ги има во прв план, Банката овој пат излезе во пресрет на потребите на Општина Центар и на нејзините жители. Со цел решавање на децениски проблем, Банката донираше имот, кој го има стекнато како преземено средство врз основ на ненаплатени побарувања.

„Целта на оваа донација е граѓаните да добијат мирно и зелено место за одмор, каде ќе уживаат во друштво на своите деца, внуци, пријатели… Во трката со секојдневните обврски сите ние сакаме на момент да здивнеме, да ја почувствуваме убавината на зелената околина и да се забавуваме со најмилите. Ни претставува задоволство што им овозможивме на жителите на Општина Центар во срцето на градот да добијат зелено катче“, изјави Илија Илоски, Главен оперативен директор и Член на Управниот одбор на Комерцијална банка.

Градоначалникот на Општина Центар, Горан Герасимовски, се заблагодари на донацијата од Комерцијална банка, со која е решен долгогодишен проблем и општината ќе добие ново урбано зелено катче.

Комерцијална банка во духот на своето корпоративно мото „Полесно е заедно“ постојано придонесува за подобри и поквалитетни услови за живеење, како со своите производи и услуги, така и со својата општествена одговорност.

Комерцијална банка е една од водечките банки во земјава, национално и меѓународно препозната како доверлив и стабилен партнер во областа на банкарството и како компанија во која општествената одговорност и солидарност се високо вкоренети во корпоративните вредности.

Слични Теми:

Банки

Средба на гувернерката со генералниот директор на Директоратот за соседство и проширување на ЕК

Објавено

пред 13 минути

на

Гувернерката Анита Ангеловска-Бежоска оствари средба со Герт Јан Копман, директорот на Директоратот за соседство и проширување и Елена Флорес, заменичката на генералниот директор на Директоратот за економски и финансиски прашања, којашто се одржа во Брисел, Белгија. Тема на средбата беше еден од приоритетите на Планот за раст на Западен Балкан, односно барањето на земјава за членство во Единствената област за плаќање во евра (СЕПА). Нашето официјално барање за членство во СЕПА беше поднесено во јули оваа година и следеше по обемната измена на законската и подзаконската регулатива во сферата на платежните услуги, банкарскиот систем и спречувањето перење пари, заради усогласување со европската правна рамка.

Со оглед на тоа дека конечната одлука за членството на земјите во СЕПА ја носи Извршниот одбор на Европскиот совет за плаќања, врз основа на мислење од Европската комисија, беше остварена средба и со генералниот директор на Советот, Џорџо Андреоли. На средбите, на кои присуствуваа и други гувернери од регионот на Западен Балкан, беше искажана поддршка за заложбите на централните банки за усогласување на националната правна рамка со европската, што е предуслов за пристапување кон СЕПА.

Со членството во СЕПА се создаваат услови за техничко поврзување на давателите на платежните услуги (банките и останатите небанкарски даватели на платежните услуги) и на платните системи со платната инфраструктура на Европската Унија, што ќе овозможи значително намалување на трошоците за прекуграничните плаќања во евра, а воедно ќе се поедностави постапката и ќе се скрати времето за нивно извршување, односно плаќањата би се извршувале на истиот начин како и плаќањата во ЕУ.

По одобрувањето на нашето барање, очекуваме дека банките активно ќе ја искористат оваа можност со приклучување кон европските системи, заради намалување на трошоците и зголемување на брзината на плаќањата за граѓаните и компаниите. 

Продолжи со читање

Банки

Борислав Атанасовски привремено ќе биде член на Управен одбор на Стопанска банка а.д. Битола

Објавено

пред 2 часа

на

Нова промена во органите на управување на Стопанска банка а.д. Битола.

„До финализирање на постапката за комплетирање на целосен состав на Управниот Одбор, со Одлука од Надзорниот одбор за вршител на должност – член на Управен одбор на Стопанска банка а.д. Битола од редот на членовите на Надзорниот одбор на Банката се именува м-р Борислав Атанасовски“, информира Стопанска банка а.д. Битола преку ценовно чувствителна информација објавена на Македонска берза.

Продолжи со читање

Банки

Блаж Бродњак поднесе оставка од функцијата Претседател на Надзорниот Одбор на НЛБ Банка АД Скопје

Објавено

пред 20 часа

на

НЛБ Банка АД Скопје известува дека на ден 10.10.2024 година, Г-дин Блаж Бродњак, поднесе оставка од функцијата Претседател на Надзорниот Одбор на НЛБ Банка АД Скопје.

До добивање на согласност од Гувернерот на Народната Банка на Република Северна Македонија за именување на нов член на Надзорниот одбор на Банката, г-дин Блаж Бродњак ќе продолжи да ја извршува својата функција како Претседател на Надзорниот Одбор на НЛБ Банка.

Членови на Надзорниот одбор на НЛБ Банка:

Блаж Бродњак – Претседател на Надзорен одбор

Боштјан Ковач – Заменик претседател на Надзорен oдбор

Зоран Јовановски – Втор заменик претседател и независен член на Надзорен одбор

Андреја Стражишар – Член на Надзорен одбор

Кристина Ковачич Бјелајац – Член на Надзорен одбор

Наташа Пукл – Независен Член на Надзорен одбор

Продолжи со читање

Популарно