Во време кога финансискиот притисок врз граѓаните расте, еден од најголемите финансиски субјекти во Обединетото Кралство – Nationwide Building Society – изненади милиони свои клиенти со еднократен бонус од 50 фунти. Овој потег претставува дел од нивната стратегија за враќање на добивката назад кај членовите.

Nationwide започна со исплата на еднократни бонуси од 50 фунти на приближно 3.85 милиони свои членови како дел од иницијативата „Fairer Share“ (Пофер расподелба). Овие бонуси се наменети само за оние клиенти кои имаат и штедна и трансакциска сметка (current account) со активност во последните 2 месеци, и кои се активни членови најмалку од 31 март 2024 година.

Од Nationwide изјавија дека ова е втор пат по ред да спроведуваат ваква иницијатива – минатата година беа исплатени бонуси од вкупно 340 милиони фунти. Според извршниот директор на институцијата, Деби Кросби, овој потег е доказ за нивниот модел на заемна сопственост и посветеност на членовите.

„Како заемна институција, ние не им одговараме на акционери, туку на нашите членови. Кога имаме добри финансиски резултати, природно е дел од тие средства да се вратат назад кај луѓето што ја прават оваа институција силна,“ изјави Кросби.

Исплатите ќе се вршат автоматски до 28 јуни 2025 година и клиентите не треба да аплицираат или да преземаат дополнителни чекори. Овој пристап се гледа како модел кој може да инспирира и други финансиски институции, особено во период кога довербата во банките е под постојан тест.

Во време кога граѓаните ширум светот се соочуваат со високи банкарски провизии, една нигериска банка го привлече вниманието на јавноста со револуционерна понуда – 100% укинување на надоместоците за трансакции. Овој потег предизвика вистинска бура од интерес и долги редици пред филијалите на банката.

Како што пренесува „Legit.ng“, голем број Нигеријци почнаа масовно да отвораат нови сметки во банката по нејзината објава дека ќе ги укине сите надоместоци за трансакции, вклучувајќи префрлувања, плаќања и повлекувања. Овој потег не само што ја засили конкуренцијата во банкарскиот сектор, туку и постави нови очекувања кај клиентите. Банката изјави дека целта е да се олесни пристапот до финансиски услуги, особено за оние кои досега избегнувале формални банкарски услуги поради високите трошоци. Експертите очекуваат овој тренд да го охрабри и дигиталното банкарство, како и да поттикне други банки да ги преиспитаат своите тарифници.

Sterling Bank е банката што ги укина сите трансакциски трошоци, што резултираше со зголемен број на новоотворени сметки од страна на граѓаните на Нигерија. 

„Веруваме дека секој граѓанин треба да има пристап до основни финансиски услуги без дополнителен товар. Укинувањето на трансакциските трошоци е наш начин да ја покажеме таа посветеност,“ изјави претставник на банката, додавајќи дека ваквите чекори се дел од поширока стратегија за дигитална инклузија.

Реакцијата на јавноста покажува дека клиентите сè повеќе очекуваат флексибилност и фер услови од финансиските институции. Додека оваа банка во Нигерија поставува нови стандарди, останува да се види дали слични иницијативи ќе бидат преземени и од други банки во регионот и светот. Финансиската достапност станува сè поважен фактор во градењето доверба и лојалност меѓу клиентите.

Владата ќе продолжи со дискусиите со администрацијата на САД за воспоставување слободна трговија, изјави министерката за финансии на Економскиот форум во Делфи, каде што централна тема беа најновите одлуки на САД за царините.

„Клучно е што Европа е подготвена и смирена. Тука присуствуваат претставници од Светската банка, ММФ и ЕБОР, и забележувам смиреност кај нив. Верувам дека работите ќе се стабилизираат во скоро време. Дискусијата со високите царински стапки беше актуелна вчера, но денес веќе се однесува на нешто што американската економија може да го поднесе. Не очекувам значително влошување, особено за македонската економија. Според заклучоците на економистите на форумот, глобализацијата како процес е на крај, а сите се согласуваат дека САД ќе биде најпогодена, со очекуван пораст на инфлацијата и бавен економски раст“, изјави Димитриеска-Кочоска.

Таа најави дека следната недела ќе патува во Вашингтон на Пролетните средби на ММФ и Светската банка, каде ќе има можност за средба во Трезорот на САД.

„Зошто да не се обидеме да ја искористиме ситуацијата во наша полза? Дискусијата за слободна трговија продолжува и тука не се повлекуваме“, додаде министерката.

Според неа, најголеми последици ќе има американската економија. „Ако продолжат со оваа политика, може да се случи стагфлација, што значи намален раст, а можеби и негативен раст, со сигурна инфлација на нивна територија. Сето тоа ќе се одрази на Европа, но со одложување“, истакна Димитриеска-Кочоска.

Министерката Димитриеска-Кочоска учествува на 10. Економски форум кој се одржува во грчкиот град Делфи.