Доколку имаш желба за работа во динамична, квалитетна и пријатна работна средина, каде приоритет се личниот развој и професионалниот напредок, сега е вистинскиот момент да се пријавиш на огласот на Силк Роуд Банка за FULL STACK DEVELOPER (Специјалист за апликативни решенија – ИТ Сектор) во Сектор за ИТ.

Локација: Скопје 

Вработување на полно работно време

Што бара Банката?

Силк Роуд Банка бара Full Stack Developer со искуство во банкарски или финансиски системи, кој сака да работи на реални продукциски системи – интеграции, автоматизации, backend логика, API комуникации и оптимизација на бази. 

Кандидатот кој се бара ќе работи на развој и унапредување на интерни апликативни решенија и интеграции со core banking системи. 

Технологии со кои ќе работи:

• PHP (backend development) 
• SQL (complex queries, optimization) 
• REST / SOAP Web Services 
• HTML / CSS / JavaScript 
• API integrations 
• Database-driven applications 

Дел од работните задачи:

• Развој и одржување на веб и backend апликации 
• Развој на интеграции со интерни и надворешни системи 
• Оптимизација на SQL перформанси 
• Анализа и решавање на продукциски инциденти 
• Code review и подобрување на постоечки решенија 
• Техничка документација 
• Учество во дигитализација и автоматизација на процеси

Потребни квалификации:

•  3+ години искуство како Full Stack или Backend Developer 
• Солидно познавање на PHP 
• Солидно познавање на SQL 
• Искуство со Web Services 
• Искуство во банкарски или финансиски системи ќе се смета за значајна предност 
• Добро познавање на англиски јазик 
• ➕ Предност ќе имаат кандидати со искуство со: 
• Oracle Database PL/SQL 
• Linux околина 

Бенефиции / Придобивки: 

• Работа на реални, продукциски системи со висок степен на одговорност;
• Компетитивна плата и дополнителни бенефиции;
• Можност за технички развој и учество во комплексни интеграции;
• Стабилност и долгорочна кариерна перспектива.

Работното време е 8 часа дневно, односно 40 часа неделно, од понеделник до петок.

Заинтересираните кандидати кои ги исполнуваат наведените услови, потребно е да испратат кратка биографија и мотивационо писмо на македонски јазик на: [email protected] со задолжителна назнака за “FULL STACK DEVELOPER – Специјалист за апликативни решенија”, најдоцна до 09.04.2026 година.

Силк Роуд Банка ве замолува во Вашите апликации да не доставувате сензитивни податоци како националност, вероисповест како и детали за вашиот приватен живот.

Само кандидатите кои ќе бидат избрани во потесен избор ќе бидат контактирани заради спроведување на интервју или тестирање.

Сите апликации ќе имаат третман на строга доверливост. Со доставувањето на Вашата апликација ќе се смета дека се согласувате Банката да може да ги обработува Вашите лични податоци за потребите на процесот на вработување. Согласноста може да ја повлечете во секое време со доставување на барање за истото до Офицерот за заштита на лични податоци на e-mail адресата: [email protected]

До пред неколку години, менувањето работа се сметаше за знак на амбиција. Денес сè почесто се зборува за спротивниот тренд job hugging. Станува збор за појава во која вработените остануваат на истото работно место, дури и кога не се целосно задоволни. Причината не е недостаток на амбиција, туку чувство на несигурност.

Од job hopping до job hugging

Некогаш job hopping беше популарна стратегија. Вработените менуваа работодавачи за побрзо да напредуваат и да ги зголемат приходите. Ова особено беше изразено кај помладите генерации.

Денес, сè повеќе луѓе избираат да останат. Job hugging станува нова норма. Стабилноста станува поважна од брзиот напредок.

Стравот од несигурност ги менува одлуките

Главниот двигател на овој тренд е стравот. Инфлацијата, растот на трошоците и нестабилниот пазар на труд влијаат врз однесувањето на вработените. Вестите за отпуштања дополнително ја зголемуваат претпазливоста.

Поради тоа, вработените ја избираат сигурноста. Работат коректно и избегнуваат конфликти. Ретко бараат покачувања или подобри услови. Стабилната работа станува приоритет.

Поголема плата често доаѓа со промена

И покрај тоа, пазарот на труд наградува поинакво однесување. Вработените кои менуваат работа често побрзо ги зголемуваат примањата.

Внатрешните покачувања обично изнесуваат 3 до 5% на секои две години. Од друга страна, промената на работа може да донесе зголемување од 10 до 15%. На подолг рок, разликата може да достигне и до 50%.

Причината е едноставна, компаниите полесно нудат повисоки плати на нови вработени отколку на постоечките.

Зошто луѓето сепак остануваат?

Промената на работа носи ризик. Нови колеги, нова организациска култура и нови очекувања можат да бидат стресни. Во несигурни времиња, многумина не се подготвени да го преземат тој ризик.

Дополнително, се промени и перцепцијата за стабилноста. Помладите генерации растеле во услови на кризи и неизвесност. За нив, сигурната работа е рационален избор, а не знак на стагнација.

Нова логика на кариера

Ова не значи дека мобилноста исчезнала. Промената на работа и понатаму може да биде важен алат за напредок. Но, вработените денес повнимателно ги носат одлуките.

Меѓу амбицијата и сигурноста, многумина ја избираат сигурноста, токму тоа го дефинира феноменот job hugging.

Овој тренд повеќе зборува за состојбата во општеството отколку за самите кариери. Во несигурни времиња, дури и амбициозните професионалци стануваат повнимателни.

Job hugging како одраз на времето

Job hugging не е знак на слабост, туку адаптација. Тој покажува како вработените реагираат на неизвесноста. Во такво опкружување, сигурноста често ја надминува амбицијата.

Сепак, на долг рок останува истото прашање, дали сигурноста секогаш ќе биде поисплатлива од ризикот?

Во Министерството за економија и труд е потпишан нов Колективен договор со кој се предвидува постепено зголемување на платите на административните службеници во наредните три години, информираше Независниот синдикат на државната администрација на Македонија.

Според договорот, растот на платите ќе се реализира во три фази: зголемување од 7 проценти од 1 март 2026 година, дополнителни 7 проценти од 1 март 2027 година и уште 7 проценти од 1 март 2028 година. Со ова, вкупното покачување ќе достигне 21 процент до крајот на периодот.

Од синдикатот нагласуваат дека ваквиот чекор е важен за воспоставување подобар баланс меѓу платите во јавниот и приватниот сектор. Притоа, посочуваат дека државата треба да обезбеди поволна деловна средина, која ќе овозможи и приватниот сектор да го следи трендот на раст на примањата.

„Силната економија се темели на задоволни работници во приватниот сектор и ефикасна јавна администрација“, наведуваат од синдикатот.

Воедно, се истакнува дека зголемувањето на платите носи и поголема одговорност за административните службеници. Во наредниот период, акцентот ќе биде ставен на доследна примена на законите, професионализација на институциите и унапредување на услугите кон граѓаните и бизнисите.

Од синдикатот најавуваат дека реформските процеси ќе продолжат, со цел подобрување на условите за работа и зголемување на ефикасноста во јавниот сектор.