АЛТА банка АД Битола објавува оглас за вработување на позицијата:

Самостоен стручен соработник за управување и контрола на благајни
Дирекција за контрола и поддршка

Банката бара кандидат со искуство во благајничко и банкарско работење, аналитички пристап и подготвеност за координација со експозитурите и работа на терен.

Заинтересираните кандидати треба да ги исполнуваат следните услови:

• Економски факултет,
• Најмалку 4 години работно искуство во банкарство
• Одлично познавање на целокупното банкарско работење со готовина (девизи и
  денари),
• Задолжително познавање на официјалниот јазик на РМ,
• Одлично познавање на англиски јазик,
• Одлично познавање и работа на компјутер (MS Office).

Лични карактеристики и вештини потребни за работното место:

• Аналитичка способност,
• Креативност,
• Способност за планирање и одлучување,
• Активно познавање на работа со компјутер,
• Возачка дозвола Б категорија.

Дел од работните задачи и одговорности на работното место:

• Одгворен за редовни посети на експозитурите според годишен план
• Одговорен за вонредни посети на експозитурите по основ на посебни случувања,
• Одговорен за доставување извештај за посета на експозитурите со конкретни
• видувања, заклучоци и предлози до Раководителот на Дирекцијата
• Учествува во координација на организационите единици на Банката со
• експозитурите во ситуации на потребна помош во делот на работењето и насатанати
• проблеми,
• Учествува во организирање на обуки, работни состаноци или советувања,
• Врши контрола на сите активности поврзани со благајничкото работење.

Потребата за ангажирање на еден извршител на ова работно место се однесува за работно место со договор на определено време од 6 месеци со полно работно време и
плата по договор во зависност од компетенциите, стручноста и квалитетот на кандидатот.

Заинтересираните кандидати да испратат мотивациско писмо и кратка биографија (CV)
на македонски јазик на следнaта адреса: [email protected], со назнака во Subject
„Самостоен стручен соработник за управување и контрола на благајни“ .

Само кандидатите кои ќе влезат во потесен круг на селекција ќе бидат повикани на
интервју. Огласот трае се до пополнување на работната позиција.

НЛБ Банка објави оглас за вработување на банкарски советник во експозитурата во Валандово, со краен рок за пријавување до 8 мај 2026 година.

Позицијата опфаќа извршување на благајнички и менувачки работи, активности поврзани со платен промет и банкоматско работење, како и активно промовирање и продажба на банкарски производи и услуги. Од кандидатите се очекува и континуирана грижа за клиентите, унапредување на продажните процеси, како и проактивно привлекување нови клиенти.

Во однос на квалификациите, се бара универзитетско образование или статус на студент на додипломски или постдипломски студии, при што предност имаат кандидатите со економска насока. Дополнителна предност е претходно искуство со работа со готовина, како и развиени комуникациски и продажни вештини. Потребни се и основни познавања од ИТ алатки и англиски јазик.

Банката нуди современо работно опкружување, можности за професионален развој и обука, како и менторство од искусни банкарски експерти. Во пакетот се вклучени конкурентна плата и надоместоци, приватно здравствено осигурување и трет пензиски столб, како и дополнителни бенефиции како слободни денови за посебни пригоди, платено татковско отсуство и активности за благосостојба на вработените.

Од Банката информираат дека само кандидатите кои ги исполнуваат основните критериуми ќе бидат контактирани за интервју.

Силк Роуд Банка објави оглас за вработување на банкарски службеник во експозитура во Скопје, нудејќи можност за работа во динамична и професионална средина со фокус на личен развој и напредок.

Од банката информираат дека кандидатите треба да имаат најмалку средно образование, а предност ќе имаат оние со универзитетска диплома. Потребно е и минимум една година работно искуство, по можност во благајничко работење, како и одлично познавање на MS Office алатките и англискиот јазик. Се бара и добро познавање на банкарските производи, развиени комуникациски и организациски вештини, како и прецизност и доверливост во работењето.

Избраниот кандидат ќе работи со готовински и безготовински трансакции, ќе врши менувачки активности и ќе учествува во советување на клиенти и промоција на банкарски производи. Позицијата вклучува и активности поврзани со кредитирање и вкрстена продажба на услуги.

Заинтересираните кандидати треба да испратат кратка биографија и мотивационо писмо на македонски јазик на електронската адреса: [email protected], со назнака „Банкарски службеник во експозитура во Скопје“, најдоцна до 10 мај 2026 година.

Од банката посочуваат дека сите апликации ќе се третираат со строга доверливост, а ќе бидат контактирани само кандидатите кои ќе влезат во потесен избор.