Доколку сакате професионален и кариерен развој во финансиска институција со долгогодишна традиција, стабилност, ефикасност и иновативност, аплицирајте за вработување во Комерцијална банка АД Скопје.

Работна позиција: Соработник за администрирање фондови

Тип на вработување: На определено време од 12 месеци, со можност за продолжување на договорот за вработување.

Работно време: 40 часа неделно.

Огласот важи до: 21.12.2025 година

Работни цели и задачи:

• Вреднување на имотот на инвестициски и пензиски фондови – клиенти на Банката;
• Следење на усогласеност со законската регулатива при чување на средствата на пензиски и инвестициски фонд, континуирано следење и контрола на структурата на вложувањата, почитување на лимитите за изложеност, оценување на квалитетот на инвестициите и мониторинг на процентуалната изложеност во секоја поединечна инвестиција;
• Порамнување на купопродажни трансакции со хартии од вредност на Македонската берза за хартии од вредност и во странство;
• Следење и известување за корпоративни активности за хартии од вредност купени на домашен и на странски пазар, како и континуирана комуникација со суб-чувар на имот;
• Креирање налози во денарски и во девизен платен промет;
• Следење и усогласување со регулативата која го третира пазарот на капитал.

Потребни квалификации и способности:                           

• Завршено високо образование од областа на економските науки;
• Познавање англиски јазик и MS Office алатки;
• Напредно познавање на Microsoft Excel;
• Способност за аналитичко мислење и антиципативно одлучување;
• Најмалку 2 години работно искуство во финансиска институција ќе се смета за предност;
• Висок личен интегритет, доверливост и чесност;
• Прецизност во извршување на работните задачи;
• Ориентираност кон потребите на клиентите;
• Адаптибилност во динамична работна средина;
• Комуникациски вештини за работа во тим;
• Способност за брзо одлучување.

Придобивки за вас:

• Пријатна и тимска работна атмосфера во современи работни услови;
• Обуки од ментори со висок степен на стручност и искуство;
• Можност за личен и професионален развој, стекнување нови вештини и компетенции;
• Доброволно приватно здравствено осигурување;
• Програма за спорт и рекреација;
• Учество во општествено одговорни и спортски активности, корпоративни настани, користење библиотека и сл.

Вие би биле одличен дел од тимот ако ги поседувате потребните вештини, се препознавате во овие вредности и имате силна мотивација за успех.

Аплицирајте на: веб-страницата на Банката на следниот линк, преку е-пошта [email protected] или на адреса: Сектор за човечки ресурси и општи работи, Комерцијална банка АД Скопје, ул. Васил Иљоски бр. 3, 1000 Скопје, со назнака: „Oглас за вработување Соработник за администрирање фондови”.

Телефон за контакт: (02) 3168-412

На интервју ќе бидат повикани само кандидатите кои ќе влезат во потесен круг.

Изборот ќе се изврши во рок од 45, 90 или 120 дена по истекот на рокот за пријавување, во зависност од бројот на пријавени кандидати.

Напомена: Апликацијата за вработување ќе биде третирана како доверлива. Според Законот за заштита на личните податоци, со самото доставување на вашата апликација за работа согласни сте вашите лични податоци да се обработуваат во процесот на селекција на кадри во период од 1 година. Освен за наведениот случај, вашите лични податоци нема да бидат користени за ниту една друга цел ниту, пак, достапни на трети лица.