Банки
Народна банка: Зголемен обем на активности кај давателите на финансиска едукација
Народната банка на Република Северна Македонија во декември 2022 година спроведе Анкета за активностите за финансиска едукација во текот на изминатата година спроведени од страна на регулаторните институции, како и субјекти од приватниот и граѓанскиот сектор кои се вклучени во финансиската едукација.
Според резултатите од Анкетата активностите за финансиска едукација во текот на минатата година се зголемени кај 77% од анкетираните даватели на финансиска едукација. Дополнително, 19% од анкетираните субјекти се изјасниле дека планираат да ги зголемат нивните активности за финансиска едукација на населението. Овие резултатите упатуваат на зголемени напори на сите учесници во финансискиот систем, како и на граѓанските здруженија, за подобрување на финансиската писменост на населението, што е во прилог на успешно спроведување на Стратегијата за финансиска едукација и финансиска инклузија.

Во однос на прашањето на кој начин ја обезбедуваат финансиската едукација на населението, најголем дел од анкетираните субјекти одговорија дека финансиската едукација ја остваруваат најчесто преку објавување едукативни текстови, материјали и видеозаписи на социјалните мрежи (27%) и на интернет (23%), како и преку одржување едукативни предавања со физичко присуство (23%). Помал дел од субјектите упатиле и на одржување на онлајн предавања (15%), како и директна комуникација со клиенти (12%) што е покарактеристично за приватните финансиски субјекти. Ова покажува дека давателите на финансиска едукација се прилагодуваат на потребите и преференциите на различни возрасни групи на населението и следствено користат и современи и класични канали на финансиска едукација, на тој начин обезбедувајќи нејзина поголема достапност.

За натамошно зголемување на финансиската инклузија, учесниците во најголем број се изјаснија дека е потребна поголема финансиска едукација на населението (46%), а потоа и обезбедување поголема транспарентност на финансиските субјекти (23%). Дополнително, според анкетираните, за зајакнување на финансиската инклузија потребна е и заштита на потрошувачите (14%) и дигитализација и воведување на финтек-услуги (13% од одговорите). Овие резултати се во линија со веќе согледаните напори за зголемување на активностите за финансиска едукација во нашата земја. Воедно, Народната банка продолжува со активностите за заштита на потрошувачите, поголема транспарентност на давателите на финансиски услуги и дигитализација, согласно предвиденото во Стратегијата.
Банки
АЛТА банка: Вработените ја препознаваат Банката како стабилна и просперитетна институција
Во АЛТА банка АД Битола успешно е реализирана анкета за организациска култура и задоволство на вработените, во соработка со консултантот Драгана Николиќ од N&P Business Consulting GmbH.
Како што информираат од Банката, во анкетата активно учествувале 87 проценти од вработените, а резултатите покажале дека тие ја препознаваат АЛТА банка како стабилна и просперитетна институција во која се градат доверба, тимска поддршка и вредности што ги промовира новото раководство.
Од Банката посочуваат дека за нив е особено важно што вработените отворено ги споделуваат своите мислења, идеи и предлози за подобрување на работната средина, оценувајќи дека токму тимот е клучен двигател на успешниот развој.
Воедно, најавуваат дека и во иднина ќе продолжат со континуирани обуки, тренинзи и активности за тимски развој, со цел инвестирање во професионалниот напредок на вработените и создавање позитивна и мотивирачка работна атмосфера.
„Заедно продолжуваме кон нови успеси и уште посилен развој на АЛТА банка АД Битола“, наведуваат од Банката.
Банки
NLB Banka Skopje освои 11 медали на NLB Group Games
NLB Banka Skopje освои 11 медали на годинашните NLB Group Games, натпреварување кое ги обединува вработените од групацијата преку спорт и тимски активности.

Од банката информираа дека покрај освоените медали, учеството на настанот придонело и за зајакнување на тимскиот дух и сплотеноста меѓу колегите.

„Се враќаме дома со 11 освоени медали, но и со нешто подеднакво вредно, уште поголема сплотеност и потврда дека најдобрите резултати доаѓаат кога играме како еден тим“, наведоа од НЛБ Банка Скопје.
Од банката упатија честитки до сите вработени кои учествувале на игрите и ги претставувале боите на НЛБ Банка Скопје.

Банки
Комерцијална банка со промотивна понуда за станбени кредити до 30 јуни
Комерцијална банка објави промотивна понуда за станбени кредити, која ќе трае до 30 јуни, а во рамки на која клиентите ќе можат да аплицираат без трошоци за одобрување и без трошоци за процена на имот.
Од банката информираат дека кредитот се нуди со фиксна каматна стапка од 3 проценти за првите пет години, рок на отплата до 30 години и можност за грејс период до 12 месеци.
Станбениот кредит е наменет за купување, изградба или реконструкција на дом, како и за инвестиција во недвижности во земјава и во странство.
Во понудата е вклучена и можност за животно осигурување преку Триглав Осигурување Живот.
Повеќе информации за условите и аплицирањето се достапни на страницата на Комерцијална банка.
-
Банкипред 2 месециСтопанска банка АД – Скопје од утре започнува со исплата на пензиите за месец март
-
Продуктипред 2 месециИуте Македонија носи европски здравствен стандард – за првпат во земјава се воведува второ медицинско мислење
-
Останатопред 1 месецУправата за јавни приходи донесе стратешки документ со цел подобрување на усогласеноста
-
Продуктипред 1 месецУНИПлус флексибилна програма за лојалност на УНИБанка. Kористиш бројни бенефити, а не мора да ја префрлаш платата!
-
Банкипред 2 месециКомерцијална банка: Исплатата на пензиите за март започнува на 1 април
-
Банкипред 2 месециНЛБ Банка предвремено ги исплати пензиите за месец март
-
Интервјуапред 2 месециFinSight | Марјан Ристески: Акцизата на горивата под лупа, можно ново замрзнување на цените
-
Кариерапред 2 месециКомерцијална банка вработува Помлад соработник за администрирање на кредити и гаранции (Back Office)


