Добредојдовте во денешниот финансиски бриф – краток преглед на дневен хороскоп, совети и корисни алатки што ќе ви помогнат да направите паметен избор во управувањето со вашите финансии.

Финансиски хороскоп

Овен

Денешниот ден те става во ситуација да бидеш одлучувач. Искористи ја можноста да преговараш – за подобри услови на кредит, договор или цена. Биди смел, но и трпелив.

Бик

Посвети време на проверка на твојот финансиски план. Можеби е време да го ревидираш буџетот или да разгледаш нови услови за осигурување. Сигурноста е во деталите.

Близнаци

Идеи ти се вртат низ глава, но не сите се исплатливи. Денес внимавај на тоа кој ти нуди „брза добивка“ – добро звучат, но потребна е анализа.

Рак

Фокусирај се на домашните трошоци. Прегледај ја сметката за струја, интернет, телефонија – има шанса за заштеда ако промениш пакет или провајдер.

Лав

Можеш да добиеш поддршка за финансиски чекор кој го одложуваш. Разговор со партнер, колега или советник може да ти донесе нова перспектива и конкретно решение.

Девица

Денешниот ден е одличен за администрација – документи, сметки, формулари. Можеш да избегнеш грешка ако сè провериш двапати пред да потпишеш.

Вага

Финансиски дилеми може да произлезат од емоционални ситуации. Биди искрен со себе – дали навистина ти е потребно тоа што сакаш да го купиш? Или е моментна слабост?

Скорпија

Имате можност за нов почеток – во работа, инвестирање или планирање. Не се плашете од промени, но држете се до факти и бројки. Интуицијата е силна, но комбинацијата со податоци е непобедлива.

Стрелец

Те влече идејата за патување или хоби. Постави буџет и не излегувај од него – ќе уживаш повеќе ако не те гризе совеста. Прашај за попусти или алтернативи.

Јарец

Дисциплината и денес ти е сојузник. Идеален ден за поставување долгорочна цел: штедење за дом, едукација или пензија. Мал чекор денес – голема предност утре.

Водолија

Имате визија, но денешниот ден бара структура. Постави план – што, кога, како и со колку средства. Идеите ти се добри, но ќе им треба и темел.

Риби

Неочекуван прилив или шанса за дополнителен приход е на повидок. Не го трошете веднаш – прво затворете некој долг или создадете резервен фонд. Стабилноста ќе ви даде мир.

Финансиски совет на денот

„Не мораш да штедиш многу – доволно е да штедиш паметно.“

Стави автоматска уплата од 100 денари дневно во дигитална касичка. За еден месец, нема ни да ги забележиш – а ќе имаш повеќе од 3.000 денари настрана.

Осигурителен совет на денот

Провери дали твоето осигурување покрива и патувања во странство. Ако често патуваш, комбиниран пакет со здравствена и патничка заштита е поисплатлив отколку одделно.

Банкарска алатка на денот: „e-Сметка“

Замени ги хартиените сметки со електронски. Не само што ќе заштедиш време и хартија, туку и ќе имаш подобар преглед преку е-маил или апликација. Прашај ја банката како да активираш.

Неделна цел:

„Заштеди 500 денари оваа недела – без истото да го почувствуваш.“

Постави дневен лимит за кафулиња или ситни трошоци. Тоа што ќе остане – префрли го во штедна сметка.

Финансиска навика:

„Една мала анализа – голема разлика.“

Во недела вечер, направи 10-минутен преглед на неделните трошоци. Што било непланирано? Што можеш да избегнеш следната недела?

Предизвик на неделата:

„Без импулсивни купувања 5 дена.“

Секојпат кога ќе посакаш нешто веднаш, направи 24-часовно правило за размислување. Запиши што си одбрал да не го купиш – и колку си заштедил.

Трета година по ред настанот „Работодавач на годината“ ќе го даде одговорот на прашањето –Која компанија е најпосакувано место за работа во Македонија?

Организиран од сајтот Вработување.ком, овој настан стана препознатлив белег за корпоративна одговорност, грижа за вработените и култура на работното место. Вечерта ќе биде посветена на оние компании кои – според мислењето на јавноста – не само што нудат добра плата, туку и вистинско чувство на припадност, развој и стабилност.

Ке бидат доделени награди по категрии следејќи ги трендовите на пазарот на труд а оваа година за првпат ќе бидат прогласени прво, второ и трето место во категоријата „Најпосакуван работодавач“ – врз основа на анкетен прашалник дистрибуиран на национално ниво.

 За сите заинтересирани компании и HR професионалци,пак,  ќе биде достапен и специјален извештај од истражувањето – со увид во перцепцијата на брендот како работодавач и анализа на очекувањата на потенцијалните кандидати.

Традиционално најстанот Работодавач на годинaата се поклопува со роденденот на сајтот Вработување.ком кога ќе се прослават и 22 години од отварањето на првиот портал за огласување на работни места.

Настанот ќе се одржи денеска (16 Април 2025), во Хотел Лимак на со почеток во 20:30 часот.

Царините, како инструмент на трговската политика, традиционално имаат директно влијание врз физичката размена на стоки и услуги помеѓу државите. Тие претставуваат бариера која влијае на цените, достапноста и конкурентноста на производите на глобалниот пазар. Но, кога станува збор за криптовалутите кои се дигитални, децентрализирани форми на вредност, нивната природа ги прави суштински различни од традиционалните финансиски и трговски инструменти. Оттука, сѐ почесто се поставува прашањето какво ќе биде влијанието на ваквите мерки врз криптовалутите?

Криптовалутите поради својата природа, се релативно имуни на директно влијание од царините, бидејќи не се физички добра кои преминуваат граници. Сепак, индиректното влијание не е занемарливо. Зголемените царини меѓу економските сили како САД и Кина, или ЕУ и Русија, водат до нестабилност на традиционалните пазари, што често ги турка инвеститорите кон алтернативни средства, меѓу кои се криптовалутите, но и благородните метали, пред се златото.

Крипто наспроти фиат валутите и благородните метали

Во споредба со традиционалните пазари за тргување, криптовалутите се релативно нови, но веќе покажаа значајна отпорност и интерес кај инвеститорите, особено во време на економска неизвесност.

Фиат валутите, како што се доларот, еврото или јенот, се под контрола на централните банки и често се изложени на девалвација како резултат на инфлација, прекумерна емисија на пари или нестабилна монетарна политика. Особено во услови на политички или економски кризи, како што беше енергетската криза и Ковид-19 пандемијата, фиат валутите брзо ја губат својата куповна моќ. Наспроти тоа, криптовалутите, пред сѐ Биткоинот како најпозната и најсигурна криптовалута, се дизајнирани со ограничена понуда на токени, што им овозможува долгорочна заштита од инфлација, слично како златото.

Но, за разлика од златото, чија глобална понуда и понатаму расте благодарение на нови наоѓалишта и напредокот во технологијата за експлоатација, Биткоинот има однапред дефиниран алгоритам и математички ограничена понуда, вградена во неговиот протокол со максимум од 21 милион токени што некогаш ќе бидат пуштени во оптек. Оваа карактеристика му дава уникатна позиција на пазарот како дигитално средство со екстремно ограничена понуда, што го прави сѐ попривлечно за инвеститорите кои бараат заштита од инфлација и долгорочна вредност.

Од друга страна, благородните метали, посебно златото и среброто, историски се третираат како „сигурно прибежиште“ во време на глобални геополитички тензии, неизвесност во монетарната политика на водечките централни банки (како ФЕД или ЕЦБ) или во услови на променливи макроекономски показатели. Сепак, криптовалутите сè почесто го заземаат тоа место, особено кај помладите генерации и технолошки понапредни инвеститори, поради нивната транспарентност, ограничена понуда (како кај биткоинот), и независност од централизирани институции. Но, за разлика од златото и другите благородни метали, криптовалутите нудат поголема ликвидност, значително полесен транспорт, пониски трошоци за чување и поголем потенцијал за раст и пред сѐ не подлежат на царини.

Какви се очекувањата на експертите и аналитичарите?

Според мислењата на водечките аналитичари во крипто-секторот, како и на институции кои внимателно го следат овој пазар, криптовалутите ќе продолжат со раст и развој, особено поради зголемениот интерес од страна на институционалните инвеститори, развојот на блокчејн технологијата и прифаќањето и адоптацијата на самата технологија и криптовалутите од големите корпорации и финансиски институции. Регулаторната рамка, иако сѐ уште во развој, се очекува да донесе дополнителна доверба меѓу пошироката јавност и инвеститорите.

Очекувањата се дека во следните 5 до 10 години криптовалутите ќе имаат се поголема улога во глобалната економија, не само како средство за инвестиција, туку и како платежно средство, алатка за заштита на вредноста и дел од дигиталната трансформација на финансискиот сектор (вклучувајќи дигитални берзи, нови платформи за плаќање и блокчејн апликации).

И покрај тоа што краткорочното движење на цените на криптовалутите е подложно на висока волатилност, долгорочниот тренд според експертите покажува дека криптовалутите може да станат легитимна алтернатива на традиционалните финансиски инструменти, особено во време кога глобалната економија е под притисок.