Со цел да понуди уште поповолни услови за финансирање на лични потреби, Стопанска банка АД – Скопје ја претставува својата нова промотивна понуда за обезбедени потрошувачки кредити, достапна до крајот на јуни 2025 година.

Во рамките на понудата, за сите апликации примени во периодот од 1 март до 30 април 2025 година, клиентите добиваат:

• Фиксна каматна стапка од 4,70% за првите две години за кредити со вклучено животно осигурување
• Фиксна каматна стапка од 4,90% за првите две години за кредити со осигурување од незгода
• 100% покривање на административните трошоци, нотарските и трошоците за процена

Клучни предности на кредитниот производ:

• Можност за вклучување на животно осигурување или осигурување од незгода, со што клиентите добиваат поповолни услови
• Ко-кредитобаратели можат да бидат и членови на потесното семејство
• Кредитот се одобрува без потреба од меница, жиранти или депозит
• Секој клиент кој ќе одбере кредит со осигурување од незгода добива подарок ваучер за купување на друго осигурување

Детали за кредитот:

• Износ: од 15.000 МКД / 250 ЕУР до 1.500.000 МКД / 25.000 ЕУР
• Валута: денарски кредит или денарски со девизна клаузула
• Рок на отплата:
• До 60 месеци за износи до 91.500 МКД / 1.500 ЕУР
• До 84 месеци за износи до 300.000 МКД / 5.000 ЕУР
• До 120 месеци за износи до 1.500.000 МКД / 25.000 ЕУР
• Начин на отплата: преку еднакви месечни ануитети, со можност за траен налог или користење на i-bank дигиталните канали

Со оваа кампања, Стопанска банка АД – Скопје уште еднаш ја потврдува својата заложба да создава вредност за клиентите преку поволни, безбедни и транспарентни кредитни решенија.

Повеќе информации можете да добиете во најблиската експозитура на Банката или преку официјалната веб-страница: www.stb.com.mk

На Саемот на кариера организиран од Универзитетот Американ Колеџ Скопје, Стопанска банка АД – Скопје активно зема учество со претставници од Секторот за човечки ресурси и кадри. Преку директна комуникација со студентите, беше презентирана палетата на можности што Банката ги нуди за младите, со акцент на платената студентска пракса и можностите за вработување по завршување на студиите.

Посетителите имаа можност да се информираат од прва рака за организациската култура на Стопанска банка АД – Скопје, условите за развој на кариера, како и за практичната поддршка што Банката ја нуди за младите што сакаат да започнат професионален пат во финансискиот сектор.

Дополнително, беше претставен и специјализираниот ТОПСИ пакет – пакет од банкарски услуги дизајниран токму за потребите на студентите и младите лица на возраст до 28 години. Овој пакет вклучува погодности како што се бесплатна картичка, трансакциска сметка и 24/7 online пристап, но и други алатки за полесно и поефикасно управување со личните финансии.

Присуството на Стопанска банка АД – Скопје на вакви настани претставува дел од нејзината долгорочна стратегија за инвестирање во младиот кадар и градење мост помеѓу академската заедница и бизнис секторот.

Со посветеност кон континуирана поддршка на едукацијата и вработувањето на млади професионалци, Стопанска банка АД – Скопје останува отворена за нови перспективи и активно придонесува кон развој на иднината на банкарството во земјата.

Со цел постојано унапредување на платежните услуги и уште подобро корисничко искуство Комерцијална банка реализира значајна инвестиција преку имплементација на современи решенија од Oracle, водени од вештачка интелигенција.

Банката ја избра платформата Oracle Banking Payments за да им овозможи на своите клиенти уште побрзи и побезбедни платежни услуги, кои се прилагодуваат на потребите на современите корисници.

„Со усвојување на платформата за банкарски плаќања на Oracle правиме важен чекор кон понатамошно модернизирање на процесите и обезбедување супериорна вредност за нашите клиенти. Во согласност со нашата цел да го зајакнеме нашето лидерство во иновациите во дигитално банкарство, соработката со Oracle ќе овозможи подобрување на нашите платежни услуги преку уште побрзи трансакции. Остануваме фокусирани на извонредност и беспрекорно задоволството на клиентите“, изјави д-р Никола Џамбазовски, Главен директор за продажба и развој и член на Управниот одбор на Комерцијална банка АД Скопје.

Унапредувањето на процесите на плаќања со Oracle Banking Payments е дел од пошироката стратегија на Комерцијална банка дополнително да ги модернизира платежните услуги и системи, овозможувајќи усогласеност со ИСО 20022 стандардот, како и со СЕПА шемата.

„Комерцијална банка АД Скопје е доверлив лидер во финансискиот сектор на Северна Македонија. Со нашата напредна банкарска платформа, банката може да ги забрза и да ги направи уште побезбедни прекуграничните и домашните плаќања и континуирано да се подобрува за да одговори на развојот на пазарот, да помогне за трансформација на регионалната слика на плаќањата и да поттикне долгорочен раст и иновации“, изјави Венки Сринивасан, Постар заменик-претседател, Global Banking and Insurance Sales Oracle Financial Services.

Комерцијална банка останува посветена на континуирано подобрување на клиентското искуство преку технолошки иновации и дигитална извонредност.