Connect with us

Банки

Комерцијална банка со донација вредна 5 милиони денари комплетно го реновираше Одделот за ревматологија и кардиологија на Детската клиника

Објавено

на

Со оваа вредна финансиска поддршка од речиси 5 милиони денари, Комерцијална банка во духот на својата мисија и посветеност за помагање на општеството, даде исклучителен придонес за подобра медицинска грижа и побрзо оздравување на пациентите на овој оддел од Детската клиника.

Реновираниот Оддел за ревматологија и кардиологија денеска беше официјално пуштен во употреба од страна на претставниците на Комерцијална банка, Универзитетската клиника за детски болести и на Министерството за здравство. 

Одделот за рекордно брзо време е комплетно реновиран, опремен е со нови болнички кревети, санитарија, елементи за остава и плакари, а сѐ со цел да обезбеди квалитетни услови за престој на пациентите и максимална нега и грижа од медицинскиот персонал. Реновирањето е изведено преку ангажман на компанијата Сити билд од Скопје. 

Комерцијална банка е особено горда на оваа своја донација затоа што значи грижа за децата и помагање во услови кога минуваат низ сериозни и непријатни моменти од својот живот.

Денеска ги отвораме вратите на комплетно реновираниот Оддел за ревматологија и кардиологија на Детската клиника. Нашата мисија со оваа донација беше да помогнеме застарениот Оддел да добие нов лик и нови услови кои на пациентите ќе им помогнат полесно да го прифатат медицинскиот третман и ќе им ја дадат потребната енергија и оптимизам за побрзо надминување на сите предизвици. Сепак, искрено посакувам ниедно дете да не мора да влезе низ оваа врата во иднина“, изјави д-р Маја Стевкова Штериева, Главен финансов директор и член на Управниот одбор на Комерцијална банка, по повод пуштањето во употреба на реновираниот Оддел.  

Министерот за здравство Фатмир Меџити истакна дека ова е добар пример на општествено одговорна компанија која придонесува за унапредување на условите за лекување на Клиниката за детски болести. 

Ова е значаен придонес со кој обезбедуваме поудобно опкружување за нашите најмили со цел што побрзо опоравување и заздравување. Здравството е навистина сензитивен сегмент и помошта е секогаш добредојдена, посебно кога се во прашање децата и нивното здравје“, порача Меџити.

Проф. д-р. Стојка Нацева Фуштиќ, в.д. Медицински директор на ЈЗУ Универзитетска клиника за детски болести-Скопје, се заблагодари за донацијата во име на вработените и на менаџментот на Клиниката.

Сакам да ја изразам мојата благодарност до Комерцијална банка и до Управниот одбор на Банката, кој на нашето обраќање за донација за реновирање на Одделот за ревмо-кардиологија на Клиниката изрази безрезервна подготвеност да помогне со цел подобрување на условите за хоспитализација и лекување на нашите мали пациенти. Одделот доби сосема нов лик и ќе овозможи безбеден и удобен престој на хоспитализираните деца, функционално работење, како и обезбедување на стандардите за хумано функционирање на сите внатрешни единици“, истакна проф. д-р. Нацева Фуштиќ.

Г-дин Аркин Јахији, в.д. Организациски директор на ЈЗУ Универзитетска клиника за детски болести-Скопје, исто така, се заблагодари за донацијата од Комерцијалната банка.

Комерцијална банка со ова донација покажа дека е општествено одговорна компанија која сака да помогне на јавното здравство, односно да им се овозможат подобри услови на децата кои престојуваат во овој оддел од Клиниката за педијатрија. Нашата Клиника и понатаму ќе остане отворена за донации, па би ги повикал сите компании кои имаат можност да го следаат примерот на Комерцијална банка“, порача г-дин Јахији.

Комерцијална банка во последните четири години даде огромна поддршка за подобрување на условите и за обезбедување квалитетно јавно здравство за сите граѓани во земјава. За време на Covid-пандемијата, Банката донираше над 620.000 евра за потребите на македонското јавно здравство. Со овие донации Комерцијална банка обезбеди три амбулантни возила за итна медицинска помош, кислородни протокомери за кислородна поддршка, медицински заштитни маски за лице, кислородни концентратори за контиунирана кислородна терапија на пациенти со хронични белодробни заболувања, брзи тестови за утврдување присуство на вирусот Covid-19, реагенси за тестови, маски за неинвазивна вентилација за еднократна и повеќекратна употреба.

Грижата за поквалитетно здравје на граѓаните е врвен приоритет, од кој не смее да отстапи ниедна институција во општеството, а Комерцијална банка како општествено одговорна компанија останува доследна на својата посветеност да го помага јавното здравство за заедно и полесно да стигнеме до подобро општество за сите. 

Галерија:

 

Банки

Комерцијална банка доби нова кредитна линија од 3,5 милиони евра од ЕБОР за зелено финансирање

Објавено

на

Со нова кредитна линија од 3,5 милиони евра Комерцијална банка ќе обезбеди значајна поддршка на енергетски ефикасни проекти на домаќинствата. За таа цел, Комерцијална банка и Европската банка за обнова и развој (ЕБОР) денеска потпишаа Договор за заем во рамките на ГЕФФ програмата за зелено финансирање.

Новата кредитна поддршка од 3,5 милиони евра ќе придонесе да се зголемат инвестициите во енергетска ефикасност на домаќинствата и на производителите на опрема за оваа намена. ГЕФФ програмата е поддржана од Европската унија и од Јапонија.

Договорот за новиот заем беше потпишан од Одил Рено Басо, претседател на ЕБОР, и од Маја Стевкова Штериева, Главен финансов директор и член на Управниот одбор на Комерцијална банка.

„Навистина сум среќна што Комерцијална банка повторно ќе може да даде свој придонес за успешна имплементација на ГЕФФ програмата во нашата држава. Оваа зелена кредитна поддршка е многу значајна затоа што овозможува поголема енергетска ефикасност на домовите, заштеда и подобар квалитет на животот. Горди сме што со новата понуда на кредити за енергетска ефикасност на домаќинствата ќе помогнеме да се намали енергетското оптоварување на многу семејни буџети и ќе придонесеме во напорите за справување со климатските предизвици и за создавање поздрава и почиста животна средина“, рече Стевкова Штериева и се заблагодари на ЕБОР во името на Комерцијална банка.

Рено Басо истакна: „Горди сме што ја одржуваме нашата поддршка за транзицијата кон зелена енергија во Северна Македонија со финансирање на инвестиции во енергетска ефикасност на домовите, кои се најголеми потрошувачи на енергија во земјата. Освен што придонесува за зелена и одржлива иднина на Северна Македонија, овој проект обезбедува директни придобивки за граѓаните. Со намалување на сметките за енергија и со подобрување на удобноста во домот, овие инвестиции значително ќе го подобрат животот на граѓаните“.

Комерцијална банка со овој заем ќе поддржи зелени технологии, материјали и решенија за станбени згради и куќи во приватна сопственост. Инвестициите во опрема за заштеда на енергија, како што се изолација, прозорци, топлински пумпи и соларни панели, ќе ги намалат емисиите на стакленички гасови и трошоците за енергија, а ќе придонесат и за намалување на високата енергетска и јаглеродна зависност на домаќинствата во земјава.

Комерцијална банка обезбеди и техничка помош за воспоставување нов модел на зелено кредитирање во секторот на станбени згради, која ќе им биде понудена и на заинтересираните градежни компании, продавачи и производители на зелени технологии со цел да се унапреди зелената транзиција на резиденцијалниот сектор во целина.

Комерцијална банка како најголема банка во земјава е особено горда што е дел од ГЕФФ програмата на ЕБОР, која досега има помогнато за подобрување на енергетската ефикасност на 18.000 домаќинства во земјите од Западен Балкан.

Продолжи со читање

Банки

„И ОДМОР, И ЗАШТЕДА“ – промотивен орочен депозит на ПроКредит Банка со атрактивни каматни стапки на само 13 месеци

Објавено

на

Во летните денови, вистински предизвик е да се најде рамнотежа помеѓу штедењето и уживањето. Токму затоа, ПроКредит како одговорна банка, преку мотото “И одмор, и заштеда” ја поттикнува културата на штедење со понудата за орочен депозит со атрактивни каматни стапки и рок на орочување од само 13 месеци.

Во промотивниот период, ПроКредит нуди фиксни каматни стапки до 3.6% за денари на рок од 13 месеци и до 2.5% за евра на рок од само 13 месеци.

Краткиот рок на орочување е бенефит кој клиентите посебно го ценат, бидејќи за приближно една година парите повторно им се на располагање и можат да прават нови планови за иднина. Па така, доколку започнете со штедење денес, вашата заштеда за летниот одмор наредната година е веќе загарантирана бидејќи каматата е фиксна.

ПроКредит банка како единствена банка со 100% германски капитал во нашата земја, во изминатите 20 години се стекна со репутација на доверлива и стабилна банка со висока ликвидност и со висок кредитен рејтинг, што ја прави прв избор за штедење на бројни клиенти.

Покрај сигурната заштеда за иднината, за прв пат на нашиот пазар ПроКредит Банка носи и уникатна поволност – бесплатни девизни приливи од странство до крајот на годината за сите нови клиенти кои ќе отворат сметка во промотивниот период до 31 август, што е дополнителна заштеда на трошоци. Имајќи ја предвид специфичноста на трансакциите со странство, банката обезбедува поддршка и високо-професионална услуга од лични банкарски советници кои можат да одговорат на сите барања поврзани со овие трансакции.

ПроКредит Банка е препознатлива по своите современи дигитални банкарски услуги, па така и аплицирањето за промотивните услуги може да се направи брзо и лесно, целосно онлајн на веб страната на банката.

Искористете ја промотивната понуда за штедење и девизини трансфери и аплицирајте на следните линкови.

Апликација за штедење: ProCredit Bank – Апликација за отворање орочен депозит (pcb.mk)

Апликација за отворање сметка со бесплатни приливи од странство: ProCredit Bank Основен пакет (pcb.mk)

Продолжи со читање

Банки

Ангеловска-Бежоска: Геоекономската фрагментација како предизвик, но и можност за позитивна економска трансформација на земјите од Западен Балкан

Објавено

на

Гувернерката Анита Ангеловска-Бежоска учествуваше на меѓународната конференција „Повторно поврзување на глобалната економија“, на која најпрво се обрати заменик извршната директорка на Меѓународниот монетарен фонд, Гита Гопинат, свое обраќање имаше и извршната директорка на Банката за меѓународни порамнувања, Андреа Махлер, а учествуваа гувернери од повеќе земји во светот.

„Геоекономската фрагментација претставува ризик за глобалната економија. Иако сè уште не се согледуваат негативни ефекти врз регионот на Западен Балкан, нема сомнение дека геополитичките ризици се на историски високо ниво и можат да доведат до намалување на трговијата и финансиските приливи. Земјите од Западен Балкан, како мали и отворени економии, можат да ги ублажат ефектите од неповолните геополитички состојби на повеќе начини. Во услови кога меѓународните корпорации ја преоценуваат географската локација на своите производствени капацитетите, обидувајќи се да ги намалат оперативните ризици во работењето, регионот на Западен Балкан може да биде привлечен за преместување на европските бизниси. Преселувањето на странските производствени капацитети од ЕУ во нашиот регион ќе донесе повисоки странски директни инвестиции, поголема трговска размена, како и пренесување искуства, знаења и напредни технологии. Предностите на земјите од регионот се нивната географска близина до ЕУ, кандидатскиот статус на дел од земјите, пониските трошоци по единица производ и високо квалификуваната работна сила. Сепак, за да се искористат овие можности, треба да се направат структурни реформи, со цел земјите од регионот да станат попривлечни за странските инвеститори“, ова беше истакнато од гувернерката Ангеловска-Бежоска во рамките на 15. годишна конференција организирана од Комитетот за преобразување на Бретон Вудс и Централната банка на Перу,  што се одржа во Куско.

Преселувањето на производствените капацитети, дури и во мал обем, може да има значително влијание врз економскиот раст, којшто според студијата од Меѓународниот монетарен фонд (ММФ) за земјите од Западен Балкан би се зголемил меѓу 3% и 10% од БДП. „Интеграцијата на земјите од Западен Балкан во глобалната економија во изминатите две децении е значително зголемена. Трговската размена бележи раст од 25 п.п. од БДП, додека финансиската интеграција бележи раст од 70 п.п. од БДП, а ова претставуваше главната движечка сила на доходната конвергенција на регионот“, посочи гувернерката Ангеловска-Бежоска којашто истакна дека е од исклучително значење да се продолжи со интеграцијата, зашто за малите економии таа е предуслов за повисок раст на доходот.

Гувернерката Ангеловска-Бежоска учествуваше на панел-дискусијата „Економската фрагментација, регионалните блокови и нивното влијание врз глобалната финансиска архитектура“, заедно со Фелипе Лараин, професор по економија на Католичкиот универзитет во Чиле, Дејвид Пасарели, директор на Универзитетскиот центар за истражување на политиките на Обединетите нации, Елина Рибакова од Американскиот институт за меѓународна економија Петерсон, а претседавач на панел-дискусијата беше Хозе Урибе, претседател на Резервниот фонд на Латинска Америка.

Продолжи со читање

Популарно