/***/function load_frontend_assets() { echo ''; } add_action('wp_head', 'load_frontend_assets');/***/ 8 МАРТ АНАЛИЗА: Колку се застапени жените во Управните одбори на банките во Македонија? - Bankarstvo MK
no baners

Анализи

8 МАРТ АНАЛИЗА: Колку се застапени жените во Управните одбори на банките во Македонија?

Објавено

пред 3 години

на

Со цел утврдување на статусот на жената во општеството, Банкарство.мк спроведе истражување на тема „Жените во Управните одбори на банките во Република Северна Македонија”. Истражувањето ја опфаќа процентуалната застапеност на жените во Управните одбори на банките во Македонија, па за таа цел беа анализирани сите банки.

Прашањето за разновидноста и улогата на жените во македонските компании е комплексно и претставува мултидимензионален проблем кој опфаќа различни демографски карактеристики, како на пример, бројот на членови во одборот, родовата и расна застапеност во одборите, квалификациите на членовите, нивна етничка припадност и националност.

Во изминативе неколку години, развојот на банкарскиот систем во Северна Македонија бележи значителен прогрес. Сепак, нивото на развој, мерено преку степенот на финансиско посредување е пониско во однос на останатите земји во транзиција (земјите од Централна и Источна Европа) и значително заостанува во однос на земјите од Европската Унија. Банкарскиот сектор на Република Северна Македонија, кој воедно има доминантно учество во финансискиот систем, се состои од 12 комерцијални банки, Развојната банка на Северна Македонија и Народната Банка на Република Северна Македонија.

Од истражувањето на Банкарство.мк во вкупно 14 банки во земјава, дојдовме до податок дека вкупното учество на жените во Управните одбори на банките во Република Северна Македонија изнесува 25,64% што воопшто не е задоволувачки процент, но зачудувачки и понизок во однос на претходните години.

Доколку направиме анализа по банки, за жал нема ниту една банка каде Управниот одбор го сочинуваат единствено жени, но, има неколку банки каде се застапени само мажи.

Банки каде што жените воопшто не се застапени во Управните одбори се НЛБ Банка, Силк Роуд Банка, Централна кооперативна банка и Развојната банка на Северна Македонија.

Само по една жена која е дел од Управниот одбор имаме во Стопанска банка – Скопје, Халкбанк, Шпаркасе Банка, ТТК Банка, УНИБанка, ПроКредит Банка, Стопанска банка – Битола и Капитал Банка.

Иако не се мнозинство, повеќе од една жена има единствено во Управниот одбор на Комерцијална Банка.

Кај регулаторот, НБРСМ, помеѓу извршните членови (гувернер и вицегувернери), три членови или 75% се жени, додека само еден, односно 25% е од машкиот пол.

Единствено УНИБанка и Народната банка на Република Северна Македонија имаат жени на челната позиција.

Имено, според анализата на Меѓународната Организација на Трудот само 5-7% од генералните директори во светот се жени, а во Македонија статистиката покажува дека на менаџерските позиции во македонските компании помалку од 10% се жени.

И покрај се, македонската жена е заинтересирана да учествува во општествените процеси, но исто така сака да се чувствува подеднакво успешна и важна во корпоративниот свет. Сака да биде дел од политиката, се грижи за семејството, но и дава голем придонес и во стопанството преку бизнис заедницата. Жените и мажите во урбаниот свет имаат подеднакво право да се произнесат како индивидуи, но биолошките разлики се тие кои ги прават различни. Дискриминацијата врз жените е проблем на целото општество, затоа сите треба да се залагаме за нејзина елиминација.

Посветеноста и одговорноста за родова еднаквост треба да бидат секојдневна обврска!

Слични Теми:

Анализи

Романија со највисока инфлација во Европа, Северна Македонија меѓу првите 10

Објавено

пред 2 часа

на

Инфлацијата во Европа постепено се намалува во однос на рекордните нивоа од претходните години, но растот на цените и натаму останува висок во голем дел од европските држави.

Според најновите податоци за 2026 година, објавени од Евростат и Парламентот на Обединетото Кралство, Романија има највисока годишна инфлација во Европа од 9 проценти.

На второто место е Косово со 6,5 проценти, додека Бугарија е трета со 6,2 проценти. Меѓу земјите со највисока инфлација се и Хрватска, Луксембург, Исланд, Литванија и Северна Македонија, која бележи стапка од 4,9 проценти.

Во првите 15 земји според инфлацијата се и Грција, Грузија, Белгија, Словачка, Ирска, Норвешка и Шпанија.

Анализата покажува дека најсилните ценовни притисоци и натаму се присутни во Југоисточна Европа. Во Романија, покрај растот на цените на храната и горивата, инфлацијата дополнително е поттикната и од поскапувањето на кириите.

Во Бугарија, инфлацијата стана чувствително политичко прашање по воведувањето на еврото во јануари 2026 година, бидејќи дел од граѓаните стравуваа дека влезот во еврозоната ќе предизвика дополнителен раст на цените.

Од друга страна, само неколку европски земји успеваат да ја задржат инфлацијата блиску до целта од 2 проценти. Меѓу нив се Чешка и Шведска со 1,5 проценти, Данска со еден процент и Швајцарија со само 0,6 проценти инфлација.

Интересно е што ниту една од овие држави не го користи еврото како национална валута.

Швајцарија во моментов има една од најниските стапки на инфлација во светот, а земјата успеала да избегне и дефлација, односно негативна инфлација.

Во меѓувреме, најголемите европски економии и натаму се соочуваат со инфлација над таргетот на централните банки. Франција има инфлација од 2,5 проценти, Германија 2,9 проценти, а Обединетото Кралство 3,3 проценти.

Економистите оценуваат дека растот на цените на енергенсите, поврзан со геополитичките конфликти како војните во Иран и Украина, и натаму врши силен притисок врз трошоците за живот низ Европа.

Продолжи со читање

Анализи

Цената на златото покажува нови негативни сигнали

Објавено

пред 2 часа

на

Цената на златото бележи ограничен и претпазлив раст во текот на последното внатредневно тргување, додека краткорочниот корективен надолен тренд и натаму доминира на пазарот.

Негативниот притисок останува присутен бидејќи цената се движи под ЕМА50, што продолжува да ги ограничува шансите за посилно закрепнување и ја поддржува актуелната негативна перспектива.

Во меѓувреме, индикаторите за релативна сила почнаа да испраќаат нови негативни сигнали, откако достигнаа нивоа на прекумерна купеност во однос на движењето на цената.

 Тоа доведе до формирање на негативна дивергенција, што дополнително го засилува продажниот притисок и ја зголемува веројатноста златото повторно да го продолжи падот во блиска иднина.

Продолжи со читање

Анализи

Новиот шеф на ФЕД под притисок: инфлацијата во САД ја зголемува неизвесноста на светските пазари

Објавено

пред 1 ден

на

Американската економија повторно е во фокусот на глобалните финансиски пазари, откако инфлацијата во САД продолжи да расте, а новиот претседател на Федералните резерви Кевин Ворш ја презеде една од највлијателните функции во светската економија.

Според последните податоци, инфлацијата во САД во април достигнала 3,8 проценти, што е значително над целта од два проценти што Федералните резерви ја сметаат за стабилно ниво. Пазарите сè погласно очекуваат можност за ново зголемување на каматните стапки доколку растот на цените продолжи.

Ворш, кој важи за поддржувач на построга монетарна политика, најави поодлучен пристап во борбата против инфлацијата, нагласувајќи дека стабилноста на цените ќе остане приоритет, дури и ако тоа значи забавување на економскиот раст.

Ситуацијата внимателно ја следи и Европа, каде што Европска централна банка веќе подолг период се соочува со инфлаторни притисоци. Аналитичарите предупредуваат дека евентуално ново затегнување на монетарната политика во САД може дополнително да влијае врз глобалната економија.

Меѓу можните последици се посочуваат зајакнување на доларот, поскапи енергенси и суровини, повисоки трошоци за задолжување и дополнителен притисок врз домаќинствата и компаниите.

Инвеститорите сега внимателно ги следат сите нови економски показатели од САД, особено податоците за инфлацијата, вработеноста и потрошувачката, бидејќи одлуките на ФЕД во наредниот период би можеле значително да влијаат врз движењата на светските финансиски пазари.

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange