Connect with us
no baners

Продукти

Штедливи и еколошки домови преку Зелениот финансиски инструмент, помош со поврат на 30 отсто од средства за заем за физички лица

Објавено

пред 3 месеци

на

Повеќе граѓани и компании од 2024 година наваму добиле поврат на средства од заемите од Зелениот финансиски инструмент наменет за полесно инвестирање во обновливи извори на енергија и ефикасни енергетски решенија. Досега заемите ги искористиле граѓани од повеќе категории како жени, лица со инвалидност, повратници од странство, мали и средни компании кои набавиле топлотни пумпи, фотоволтаици, изградиле енергетски ефикасни домови или пак ги реконструирале своите домови.

Економската моќ на домаќинствата и компаниите значително влијание врз амбиенталните политики, особено кога станува збор за загадувањето на воздухот и климатските промени. Социо-економскиот статус директно го условува пристапот до енергетски ефикасни технологии и одржливи извори на енергија. Домаќинствата со мали приходи најчесто користат евтини горива што го загадуваат воздухот како дрва, јаглен, особено во зимските месеци. Истовремено, малите и средни претпријатија иако се носители на локалниот економски развој, често немаат доволна ликвидност или пристап до поволни кредити за зелени инвестиции. Овие економски бариери, според УНДП, создаваат системски предизвик за транзиција кон нискојаглеродна економија.

Затоа, економските инструменти – како што се субвенции, грантови и поволни зелени кредити – стануваат клучни алатки за овозможување на инклузивна енергетска транзиција и за постигнување на националните цели за климатска отпорност и одржлив развој. Енергетската транзиција, покрај климатските промени, сè повеќе се наметнува како клучен двигател на економскиот развој. Како земја кандидат за членство во ЕУ, Северна Македонија има стратешка обврска да ги усогласи своите политики со Зелената агенда за Западен Балкан и да ја вгради одржливоста во сржта на својот економски модел.

Како до поволностите од Зелениот финансиски инструмент?

Жителка на Скопје, која купила топлотна пумпа за околу 6.500 евра, а планира и фотоволтаици, вели дека со помош на овој инструмент на Заедничкиот фонд на Обединетите нации поддржан од Владата, граѓаните може да научат и за тоа како да ги намалат трошоците за одржување на домаќинството и да живеат еден поудобен живот. Користа е двојна. Од една страна се добива поврат на средства од кредитот, што за граѓаните е 30 проценти, а од друга страна кредитот се исплаќа на рати. Вложувањето во обновливи извори на енергија и ефикасни енергетски решенија ги намалува трошоците за електрична енергија, што, како што вели таа, во финансискиот дел за нашите семејства е многу голема заштеда. Сметките за струја можат да бидат помали од 40 до 60 проценти.

Да се има убава куќа е сон на секого, но кога Синиша Беадер, повратник од Канада, ја добил информацијата дека постои можност да има современа енергетски ефикасна куќа и притоа да си поврати дел од вложените средства, решил да аплицира и да купи фотоволтаици.

“Јас земав грант од 30 отсто за фотоволтаици, врз основа на тоа дека сум повратник од странство. Повратник сум од Канада. Чувството на дома е неспоредливо од каде било на други место да живееш”, вели тој.

Вработените од програмата биле многу љубезни и му објасниле како да го добие грантот, кој го добил многу бргу.

“После тоа беше потребно само поврзување со банката за тоа како функционира грантот”, вели Беадер.

Причината поради која е заинтересиран за фотоволтаици, како што нагласува, е за да биде независен од системи и ситуации, растечките цени на електричната енергија, а и Македонија, како што нагласува, е земја на сонце.

“Може да се искористи максимално и да биде корисно за секое домаќинство. Во однос на природата нема никакво загадување, не се користат фосилни горива. Јас би препорачал, секој кој што има можност да добие ваков грант да се ориентира кон овие обновливи ресурси на енергија. Тоа е иднината. Светот се движи натаму”, вели Беадер.

Зелениот финансиски инструмент всушност е заедничка програма на ОН насловена „Зелен финансиски инструмент за подобрување на квалитетот на воздухот и борба против климатските промени во Северна Македонија“ која претставува стратешка иницијатива вредна 46,5 милиони американски долари. Програмата е поддржана од Заедничкиот фонд на ОН за целите за одржлив развој и е имплементирана од УНДП во партнерство со нашата Влада, Европската банка за обнова и развој, Меѓународната организација за миграции (ИОМ), Економската комисија при ОН и локални финансиски институции.

Поедноставно кажано, домаќинствата каде што жената е единствен или главен носител на приход, самохрани родители, семејства со три или повеќе деца, семејства со еден приход, лица со попреченост, млади на возраст од 18 до 35 години, Роми, повратници од странство и приматели на дознаки од странство и мали и средни претпријатија преку неколку банки во земјата можат да земат заеми или кредити за инвестиции во обновлива енергија и енергетска ефикасност, а преку оваа програма добиваат поврат на средства до 30 проценти од главницата за домаќинства и тоа до 10 проценти од првичниот износ за мали и средни претпријатија.

Граѓаните и компаниите кои се заинтересирани да ги искористат овие поволности за постапката за аплицирање и за сите други информации можат да испратат електронска пошта на [email protected] или [email protected].

Заемите се достапни во Силк Роуд Банка, TTK Банка АД Скопје и Штедилница Можности, додека малите и средните претпријатија Шпаркасе Банка АД Скопје, Шпаркасе Лизинг АД Скопје, Комерцијална Банка АД Скопје и Прокредит Банка АД Скопје.

Граѓаните и малите и средните претпријатија за вакви заеми можат да аплицираат и во текот на 2026 година.

Слични Теми:

Продукти

Комерцијална банка: Воведуваме ново ниво на сигурност при интернет плаќања со картичка и трансакции преку мБанка

Објавено

пред 4 дена

на

Со цел унапредување на безбедноста на онлајн трансакциите Комерцијална банка од 1 март воведува нов начин на потврда на интернет плаќањата со картичка и на трансакциите преку мБанка, со кој обезбедува уште поголема заштита на паричните средства на клиентите.

Од 1 март, интернет плаќањата со картичка ќе се потврдуваат со единствен безбедносен код генериран преку бесплатната апликација мТокен, наместо како досега со СМС код. Сите трансакции преку мБанка ќе се потврдуваат со ПИН или со биометриска автентикација, кои се користат и при најава на апликацијата.

Овие промени се спроведуваат согласно важечката законска регулатива, а нивната цел е зголемена заштита од злоупотреби и неовластени трансакции, побезбеден процес на автентикација и дополнителна сигурност при секое онлајн плаќање.

За да можат непречено да вршат интернет плаќања со картичка од Комерцијална банка, сите клиенти, физички и правни лица, треба да ја активираат бесплатната алатка мТокен, која е достапна во мобилната апликација мБанка.

Клиентите што ја немаат преземено апликацијата мБанка може бесплатно да ја преземат од Google Play, App Store или App Gallery и веднаш да активираат мТокен. Алатката мТокен е бесплатна и едноставна за користење, наменета е за сигурна потврда на дигитални трансакции и достапна е за Android, iOS и Huawei уреди.

Активацијата се врши на брз и едноставен начин, а еднаш активиран мТокен овозможува континуирана практична и безбедна потврда на плаќањата без потреба од СМС пораки.

Детални информации и упатства за инсталација се достапни на следниот линк.

За дополнителна поддршка, на располагање на клиентите е Контакт центарот за техничка поддршка на телефон 02 / 3296 800, изберете 2, со работно време понеделник до петок од 08:00 до 18:00 часот и сабота од 08:00 до 13:00 часот.

Комерцијална банка останува посветена на создавање сигурна и модерна дигитална средина, во која клиентите со доверба и леснотија ги управуваат своите финансии.

Продолжи со читање

Банки

Извлечени добитниците од Наградната игра „Биди во акција со секоја трансакција” на Комерцијална банка

Објавено

пред 7 дена

на

Комерцијална банка ги извлече среќните добитници од Наградната игра „Биди во акција со секоја трансакција“ со Mastercard картичките на Банката.

Извлечени се добитниците на Главната награда – Патување и посета на карневалот во Рио де Жанеиро за две лица и на останатите вредни награди:

  • 5 мобилни телефони – iPhone 17 PRO 265 GB
  • 10 Ray Ban AI Meta Wayfarer очила за сонце
  • 10 смарт часовници – Samsung Galaxy Watch 7
  • 50 подарок-картички во вредност од 3.000 денари за шопинг во Skopje City Mall
  • 50 подарок-картички во вредност од 3.000 денари за шопинг во East Gate Mall

Комерцијална банка им честита на сите добитници!

За да проверите дали сте добитник на награда, кликнете на следниот ЛИНК или посетете ги профилите на Комерцијална банка на социјалните мрежи.

Правилата за Наградната игра и информации за подигнување на наградите се објавени на веб-страницата на Банката.

Продолжи со читање

Анализи

Може ли БРИКС да развие алтернатива на SWIFT преку дигиталните валути на централните банки?

Објавено

пред 1 недела

на

Резервната банка на Индија (RBI) им предложи на земјите-членки на БРИКС да ги поврзат своите официјални дигитални валути на централните банки (CBDC), со цел да се олесни прекуграничното тргување и плаќањата поврзани со туристичките патувања, пренесува „Reuters“, повикувајќи се на извори запознаени со иницијативата.

Според централната банка, ваквиот чекор би можел значително да ја намали зависноста од американскиот долар, особено во услови на зголемени геополитички тензии и фрагментација на глобалниот финансиски систем.

Иницијатива за самитот на БРИКС во 2026 година

Резервната банка на Индија ѝ препорачала на индиската влада предлогот за поврзување на дигиталните валути на централните банки на земјите-членки на БРИКС да биде вклучен на агендата на самитот на економската организација, кој е планиран за 2026 година и ќе се одржи под претседателство на Индија.

Идејата за создавање заедничка платна инфраструктура на БРИКС не е нова. Таа беше дискутирана и на самитот на БРИКС одржан во Рио де Жанеиро во јули 2025 година, кога во завршната декларација земјите-членки повикаа на продолжување на работата за развој на прекугранични платни системи меѓу државите основачи на групата – Бразил, Русија, Индија, Кина и Јужна Африка.

Технолошки и регулаторни предизвици

Сепак, имплементацијата на ваквиот систем би можела да се соочи со одложувања поради неподготвеноста на дел од земјите-членки да ги користат технолошките платформи на други држави. За да се постигне конкретен напредок, ќе биде неопходен широк консензус околу технолошките решенија, безбедносните стандарди и регулаторната рамка.

Како можна преодна мерка за управување со потенцијалните трговски нерамнотежи, се разгледува и користење на билатерални договори за размена на валути (swap agreements) меѓу централните банки на земјите од БРИКС.

BRICS Pay – алтернатива на западната платна инфраструктура

Предложениот прекуграничен дигитален платен систем BRICS Pay, кој го развиваат земјите-членки, има за цел да го зајакне финансискиот суверенитет на групата и да ја намали зависноста од доларот. Иницијативата е насочена кон создавање алтернативна глобална платна инфраструктура која би функционирала независно од западно-контролираните финансиски механизми, како што се SWIFT и доларските клиринг-системи.

Наместо воведување единствена заедничка валута, BRICS Pay е замислен како дигитален „обединувачки слој“, преку кој би се овозможиле директни плаќања во националните валути и/или во идните дигитални валути на централните банки на земјите-членки.

Намалување на финансиската ранливост

Системот има за цел да ја намали изложеноста на финансиските системи на земјите од БРИКС на надворешни шокови, ризикот од „замрзнување“ на финансиски средства и политички притисоци. За разлика од постојните платни системи со концентрирана управувачка моќ, BRICS Pay е планирано да функционира врз основа на заеднички надзор и колективно донесување одлуки, со цел да се обезбеди неутралност и рамноправност меѓу земјите-членки.

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange