Connect with us
no baners

Банки

УНИБанка АД Скопје ја исплати првата полугодишна камата на сопствениците на Перпетуални обврзници од втората емисија

Објавено

на

УНИБанка АД Скопје денес на 01.03.2023 година ја исплати првата полугодишна камата на сопствениците на перпетуални обврзници со ISIN MKBLBA200029 и шифра UNIPO2.

Пресметката на камата е извршена по фиксна каматна стапка од 5% на годишно ниво.

Право на исплата на камата имаат сите лица регистрирани како сопственици на перпетуални обврзници во Централниот депозитар на хартии од вредност на 28.02.2023 година.

Како потсетување, во август 2022 година УНИБанка ја издаде втората емисија на перпетуални обврзници во Република Северна Македонија, што претставува прв финансиски инструмент од овој вид на македонскиот пазар на капитал.

Вкупната номинална вредност на емисијата изнесува 2,5 милиони евра. Обврзницата е без рок на доспевање, со фиксна каматната стапка од 5% на годишно ниво за првите пет години, по завршување на овој период каматната стапка се зголемува на 7%. Номиналната вредност на обврзницата изнесува 1.000 евра.

Перпетуалната обврзница е котирана и со истата може да се тргува на официјалниот пазар на Македонска берза.

Банки

АЛТА банка: Вработените ја препознаваат Банката како стабилна и просперитетна институција

Објавено

на

Во АЛТА банка АД Битола успешно е реализирана анкета за организациска култура и задоволство на вработените, во соработка со консултантот Драгана Николиќ од N&P Business Consulting GmbH.

Како што информираат од Банката, во анкетата активно учествувале 87 проценти од вработените, а резултатите покажале дека тие ја препознаваат АЛТА банка како стабилна и просперитетна институција во која се градат доверба, тимска поддршка и вредности што ги промовира новото раководство.

Од Банката посочуваат дека за нив е особено важно што вработените отворено ги споделуваат своите мислења, идеи и предлози за подобрување на работната средина, оценувајќи дека токму тимот е клучен двигател на успешниот развој.

Воедно, најавуваат дека и во иднина ќе продолжат со континуирани обуки, тренинзи и активности за тимски развој, со цел инвестирање во професионалниот напредок на вработените и создавање позитивна и мотивирачка работна атмосфера.

„Заедно продолжуваме кон нови успеси и уште посилен развој на АЛТА банка АД Битола“, наведуваат од Банката.

Продолжи со читање

Банки

NLB Banka Skopje освои 11 медали на NLB Group Games

Објавено

на

NLB Banka Skopje освои 11 медали на годинашните NLB Group Games, натпреварување кое ги обединува вработените од групацијата преку спорт и тимски активности.

Од банката информираа дека покрај освоените медали, учеството на настанот придонело и за зајакнување на тимскиот дух и сплотеноста меѓу колегите.

„Се враќаме дома со 11 освоени медали, но и со нешто подеднакво вредно, уште поголема сплотеност и потврда дека најдобрите резултати доаѓаат кога играме како еден тим“, наведоа од НЛБ Банка Скопје.

Од банката упатија честитки до сите вработени кои учествувале на игрите и ги претставувале боите на НЛБ Банка Скопје.

Продолжи со читање

Банки

Комерцијална банка со промотивна понуда за станбени кредити до 30 јуни

Објавено

на

Комерцијална банка објави промотивна понуда за станбени кредити, која ќе трае до 30 јуни, а во рамки на која клиентите ќе можат да аплицираат без трошоци за одобрување и без трошоци за процена на имот.

Од банката информираат дека кредитот се нуди со фиксна каматна стапка од 3 проценти за првите пет години, рок на отплата до 30 години и можност за грејс период до 12 месеци.

Станбениот кредит е наменет за купување, изградба или реконструкција на дом, како и за инвестиција во недвижности во земјава и во странство.

Во понудата е вклучена и можност за животно осигурување преку Триглав Осигурување Живот.

Повеќе информации за условите и аплицирањето се достапни на страницата на Комерцијална банка.

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange