Банки
Добивката на ТТК Банка порасна за 36,4% и дојде до 1 милион евра во 2022 година
Во услови на изразена економска и енергетска криза, динамичен пазар и силна конкуренција, водејќи се од основните принципи за сигурно и стабилно работење, ТТК Банка АД Скопје управуваше успешно со сите деловни аспекти од работењето што ја одразува одржливоста на деловен модел.
Во ваков специфичен амбиент со многу предизвици, преку приспособлива стратегија на работење и преку посебна интерна посветеност, ТТК Банка АД Скопје реализираше позитивен финансиски резултат, темелен на здрава основа и во согласност со амбиентот. Заклучно со 31.12.2022 година, финансискиот резултат изнесува 60,9 милиони денари, што претставува повисок резултат за 36,4 % во однос на истиот период минатата година.
Финансиски остварувања на Банката
Нето-приходите од камати претставуваат основна компонента во формирањето на вкупните приходи од работењето на Банката. Остварените нето-приходи од камати во периодот од 1.1.2022 до 31.12.2022 година изнесуваат 249,1 милиони денари и го надминуваат планираното ниво за овој период за 2,9 %.
Нето-приходите од провизии и надоместоци за услуги во тековниот период изнесуваат 199,1 милиони денари и бележат зголемување за 2,6 % во однос на претходната година, што e резултат, во најголем дел, на зголемените приходи од провизии од услугите преку проширената мрежа банкомати и зголемениот обем на работењето со картичките, како и на поволните движења во понудата и реализацијата на услугите во областа на платниот промет од секторот стопанство. Во однос на планот за овој период, нето-приходите од провизии и надоместоци за услуги се остварени со 100,6 %.
Нето-приходите од курсни разлики изнесуваат 14,1 милиони денари и бележат годишен раст од 26,9 % како резултат на зголемениот обем на тргувања на девизниот и на менувачкиот пазар. Во однос на планот се остварени со 122,6 %.
Останатите приходи од работењето на Банката изнесуваат 60,7 милиони денари и се повисоки за 96,5 % во однос на минатата година, како резултат, во најголем дел, од поголемиот износ на реализирани приходи од капитална добивка од продажба на преземени средства. Во однос на планот се остварени со 80,0 %.
Вкупните оперативни трошоци во анализираниот период изнесуваат 374,6 милиони денари и се за 8,3 % повисоки во однос на истиот период минатата година, како резултат, во најголем дел, од зголемените материјални и административни трошоци и од повисоките трошоци за плати. Во однос на планот се остварени со 107,5 %.
Во споменатиов период, исправката на вредноста на финансиските средства и на посебната резерва за вонбилансна изложеност на нето-основа изнесува 66,1милиони денари и истата соодветствува со обемот, структурата и квалитетот на пласманите на Банката.
Во текот на 2022 година прокнижена е загуба заради оштетување на нефинансиските средства во износ од 14,1 милиони денари.
Исплатени дивиденди
На ден 3.3.2022 година Банката го објави Јавниот повик за учество на Годишното собрание на акционери коешто се одржа на 5.4.2022 година. На Седницата на Собранието на акционери на ТТК Банка АД Скопје беше донесена Одлуката за определување на износот на дивидендата и датумите на исплата на дивидендата, со којашто на 3.5.2022 година ТТК Банка АД Скопје започна со исплата на дивиденда за 2021 година во бруто-износ од 41.762.848 денари или висината на бруто-дивидендата по акција изнесува 46 денари односно 4,6 % од номиналната вредност по акција.
Материјалните средства (недвижности, постројки и опрема) се пониски за 13,5 % во однос на 31.12.2021 година, што во поголем дел се должи на реализирана продажба на недвижен имот како и на амортизација на основните средства.
Обврските по кредити во однос на 31.12.2021 година бележат зголемување за 94,8 %, главно како резултат на зголемени обврски по основ на пазар на пари, како и зголемени обврски по кредити. Во извештајниот период, TTK Банка АД Скопје започна со реализација на Кредитната линија за енергетска ефикасност (ЕЕ) и обновливи извори на енергија (ОИЕ) во соработка со Развојната банка на Северна Македонија (РБСМ), која е наменета за обезбедување средства за инвестиции за енергетска ефикасност и обновливи извори на енергија на микро, мали и средни трговски друштва, ТП и занаетчии.
Дигиталното евро чекор поблиску до усвојување
Поевтинуваат бензините од полноќ, дизелот останува со иста цена
Гувернерот Славески: Стабилен банкарски систем и претпазлива монетарна политика во услови на светска неизвесност
Коефициентот цена-заработка по акција на Nvidia паѓа на седумгодишно најниско ниво поради глобалната неизвесност
Министрите на Г7 на итен состанок за економските последици од војната со Иран
Неколку акции ја носат ликвидноста: кој доминираше на Македонската берза во јануари 2026-1?
Златници од Комерцијална банка за паметна и сигурна инвестиција и подарок што станува наследство
Таткото троши – ќерката плаќа: смена на улогите во новата реклама за картичката за деца на Халкбанк
Пензиски парадокс: Од минималец до доброволен фонд – новиот модел на младите вработени
Просечната плата во Македонија близу 47.000 денари – раст од 7,6% на годишно ниво
Банки
Гувернерот Славески: Стабилен банкарски систем и претпазлива монетарна политика во услови на светска неизвесност
„Народната банка и во иднина ќе биде целосно посветена на одржувањето на ценовната и финансиската стабилност, со јасна подготвеност за справување со сите предизвици што произлегуваат од надворешните ризици“, истакна гувернерот д-р Трајко Славески во интервју за емисијата „Трилинг“. Тој посочи дека институцијата внимателно ги следи економските движења, особено во услови на зголемена светска неизвесност и засилени ризици од надворешното окружување.
Како главен предизвик го издвои неизвесното геополитичко опкружување и неговото потенцијално влијание врз економијата. Енергетските шокови веќе се одразуваат врз цените, особено кај нафтените деривати, со постепено прелевање и во останатите сектори, што создава ризици за инфлацијата.
Во вакви услови, Народната банка води претпазлива и внимателна монетарна политика, со постојано следење на состојбите и подготвеност за навремена реакција доколку се појават дополнителни инфлациски притисоци или други нарушувања.
Гувернерот посочи дека иако претходно постоеле услови за постепена нормализација, особено со оглед на намалувањето на инфлацијата којашто во февруари се спушти на 2,9%, новите светски ризици наметнуваат повнимателен пристап и будност во водењето на политиките.
Банкарскиот систем и натаму е стабилен и отпорен, со високо ниво на капитална адекватност, ликвидност и профитабилност. Довербата на граѓаните и компаниите се потврдува преку постојаниот раст на депозитите, дури и во услови на зголемена неизвесност.
Истовремено, стабилноста на домашната валута и солидното ниво на девизните резерви обезбедуваат дополнителна сигурност и можност за интервенција доколку е потребно.
Банки
Мал гест со големо значење: Вработените во Халкбанк даруваа крв
Во Халкбанк се одржа крводарителска акција организирана од Синдикатот на Банката, во соработка со Црвениот крст на Република Северна Македонија – Општинска организација Центар.
Вработените уште еднаш ја покажаа својата хуманост, учествувајќи во оваа благородна мисија.
Халкбанк и Црвениот Крст изразуваат искрена благодарност до сите кои дадоа свој придонес, покажувајќи одговорно и хумано однесување кое служи како пример за заедницата.
Банки
Седница на Советот на Народната банка: Стабилна макроекономска состојба и потреба од внимателно следење на светските ризици
Советот на Народната банка на својата редовна седница ги разгледа најновите економски показатели и оцени за тековната макроекономска состојба во земјата.
Движењата остварени кај главните макроекономски показатели засега се во рамките на очекувањата според последните проекции, но со нагласени ризици поради неизвесноста од интензитетот и времетраењето на конфликтот на Блискиот Исток. Имено, од почетокот на 2026 година, годишната стапка наинфлација следи надолна патека и во февруари се сведе на 2,9%, во согласност со очекувањата, при посилно забавување на цените кај базичната компонента. Сепак, поради воените случувања и прекинот во снабдувањето со енергенти од земјите од Заливот, очекувањата за дел од увозните цени, пред сѐ за цените на нафтата, се ревидирани поизразено во нагорна насока во однос на октомвриските проекции, што претставува нагорен ризик за инфлацијата во следниот период. Досега се покажа дека домашната економија е главно отпорна на неизвесното и променливо надворешно окружување и во 2025 година забележа забрзан економски раст, што се должи на домашната инвестициска активност, но и на солидниот извоз, а остварувањата се во согласност со проекциите.
Расположливите високофреквентни податоци за првиот квартал од 2026 година засега не се доволни за попрецизни согледувања, имајќи ги предвид само јануарските податоци за индустријата и за прометот во трговијата, коишто засега бележат послаби остварувања на годишна основа. Девизните резерви бележат раст од почетокот годината и се одржуваат на соодветното ниво. Во однос на монетарниот сегмент, растот на депозитите и кредитите, заклучно со февруари, е солиден и е умерено над очекувањата за првиот квартал од годината.
Советот оцени дека макроекономската состојба засега е стабилна и во согласност со последните проекции, но Народната банка ќе продолжи со внимателно следење на надворешното окружување и на потенцијалните ризици од светските и регионалните настани, заради одржување на макроекономската стабилност.
Дигиталното евро чекор поблиску до усвојување
Поевтинуваат бензините од полноќ, дизелот останува со иста цена
Гувернерот Славески: Стабилен банкарски систем и претпазлива монетарна политика во услови на светска неизвесност
Коефициентот цена-заработка по акција на Nvidia паѓа на седумгодишно најниско ниво поради глобалната неизвесност
Министрите на Г7 на итен состанок за економските последици од војната со Иран
Неколку акции ја носат ликвидноста: кој доминираше на Македонската берза во јануари 2026-1?
Златници од Комерцијална банка за паметна и сигурна инвестиција и подарок што станува наследство
Таткото троши – ќерката плаќа: смена на улогите во новата реклама за картичката за деца на Халкбанк
Пензиски парадокс: Од минималец до доброволен фонд – новиот модел на младите вработени
Просечната плата во Македонија близу 47.000 денари – раст од 7,6% на годишно ниво
-
Бизниспред 2 месециУЈП започна со исплата на повратот од „Мој ДДВ“ за четвртиот квартал 2025
-
Банкипред 2 месециДобра вест за акционерите: Комерцијална банка со 8% повисока дивиденда за 2025 година
-
Останатопред 2 месециАЛТА банка АД Битола со стабилна капитална позиција, но значителен пад на профитабилноста во транзициската 2025 година
-
Продуктипред 2 месециОтворете сметка во Халкбанк онлајн и добијте ваучер за гориво од Макпетрол
-
Бизниспред 2 месеци„Е-фактура“ го трансформира бизнисот во Македонија – помал административен товар, поголема дигитална ефикасност и контрола на даночните обврски
-
Банкипред 2 месециСтопанска банка ја заокружи 2025 со висока профитабилност и конзервативен пристап кон ризиците
-
Банкипред 2 месециКомерцијална банка: Започна исплатата на пензиите за јануари 2026 година
-
Анализипред 2 месециПрофитот на најголемите македонски банки се броеше во милијарди денари – со колкав профит ја завршија 2025 година водечките три банки?
