Connect with us
no baners

Бизнис

Триглав Осигурување АД Скопје со нето добивка од 70,9 милиони денари и раст на премијата за 5% во првата половина на 2025 година

Објавено

пред 8 месеци

на

Триглав Осигурување АД, Скопје, во првата половина на 2025 година оствари нето добивка од 70,9 милиони денари, што претставува стабилни финансиски резултати во услови на раст на премијата и успешни инвестиции. Компанијата продолжува да ја засилува својата позиција на пазарот со позитивен тренд во сите клучни сегменти на осигурувачката дејност.

Зголемување на нето приходите од премија

Нето приходите од премија во првото полугодие од 2025 година изнесуваат 568 милиони денари, што е зголемување за 5% во однос на истиот период од 2024 година (пораст од 29 милиони денари). Клучните фактори за овој раст вклучуваат:

  • Раст на бруто премијата за 63 милиони денари, при што најголем раст е забележан во класите за здравствено осигурување (пораст од 34 милиони денари) и осигурување на кредити (пораст од 25 милиони денари).
  • Раст на премијата предадена во реосигурување и соосигурување за 1 милиони денари, што имало негативно влијание на нето премијата.
  • Промена во нето резервите за преносна премија, која влијаела негативно за 33 милиони денари.
Приходи од финансиски вложувања

Приходите од финансиски вложувања изнесуваат 35 милиони денари, што претставува раст од 11% во споредба со 2024 година. Овој раст е предизвикан од зголеменото портфолио на Друштвото. Притоа, 83% од овие приходи се од камати, додека преостанатите извори на приход се од наемнини, курсни разлики и реализирани добивки од продажба на финансиски вложувања.

Во делот на расходите, Друштвото ги оствари следниве резултати:

Нето расходите за штети изнесуваат 225 милиони денари, што претставува пад од 20% во однос на претходната година. Главните фактори за ова намалување се:

  • Раст на бруто ликвидираните штети за 28 милиони денари, што делуваше негативно на нето расходите за штети.
  • Позитивна промена во нето резервите за штети, која влијаеше за 58 милиони денари.
  • Раст на бруто ликвидираните штети под реосигурување за 25 милиони денари, што го намали вкупниот нето расход за штети.

Останатите осигурителни трошоци се зголемени за 12% (1 милион денари), со основен придонес од повисоките затезни камати од добиени судски спорови за регреси.

Позиција на капиталот и технички резерви

Заклучно со 30 јуни 2025 година, капиталот на Друштвото изнесува 1.048 милиони денари, што претставува раст од 11% во однос на крајот на 2024 година. Растот на капиталот е резултат на реализираната добивка за годината и позитивните ревалоризациони ефекти на вложувањата.

Бруто техничките резервации се зголемени за 9% и изнесуваат 2.095 милиони денари, што ја одразува стабилноста и растот на Друштвото во осигурувањето. Овие резерви учествуваат со 59% во вкупната пасива.

Дигитализација и нови продукти

Триглав Осигурување продолжува со фокус на иновации и дигитализација. Компанијата планира да воведе нови дигитални решенија и да ги подобри своите услуги преку интерактивни платформи кои ќе овозможат побрза и поедноставена комуникација со клиентите. Во исто време, компанијата ќе продолжи да ја унапредува својата понуда на нови осигурителни продукти за здравствени и животни осигурувања.

Биланс на состојба

Билансната сума на Триглав Осигурување на 30 јуни 2025 година изнесува 3.522 милиони денари, што претставува раст од 12% во однос на крајот на 2024 година. Најголемо структурно учество имаат останатите финансиски средства (54%), кои изнесуваат 1.918 милиони денари, како и побарувањата од 514 милиони денари, што е раст од 41% во однос на претходната година.

Триглав Осигурување АД продолжува со стабилен и силен развој, забележувајќи раст на приходите и позитивни резултати на сите клучни показатели. Влијанието на поволни економски и пазарни услови, во комбинација со фокусот на дигитализацијата и иновациите, даваат добар основ за идниот раст и стабилност на компанијата во претстојните години.

Очекувања за претстојниот период

Во однос на макроекономско опкружување за 2025 година сеуште постојат нагорни притисоци во однос на ценовната стабилност, како и високо ниво на каматни стапки на глобално ниво кои може негативно да влијаат на oчекувањата. Дополнително, тарифите
што ги воведоа САД, особено кон Кина, имаа за цел да ги заштитат американските производители, но резултираа со зголемени трошоци за потрошувачите и трговски тензии.

Наместо да ја зајакнат домашната индустрија, многу компании ќе се соочат со зголемени трошоци за увозни суровини. Овие мерки може да доведат до намалување на глобалната трговија и економска нестабилност во иднина. Долгорочно, ваквите протекционистички политики можат да ја поткопаат довербата во глобалниот економски систем.

И покрај тоа, Триглав Осигурување АД, Скопје во претстојниот период очекува понатамошно профитабилно, безбедно и одржливо работење. Планираната премија во
2025 година изнесува 1.689 милиони денари, односно раст од околу 5% во однос на 2024
година. Добивката исто така се очекува да се движи во нагорна линија и да достигне 58
милиони денари во 2025 година.

Друштвото ќе ги превземе сите неопходни активности за остварување на зацртаните цели и задачи во рамки на Планот за 2025 година и Стратегијата 2022-2025 година, а притоа ќе биде фокусирано пред сè на дополнителен развој на стратешките осигурителни производи, обезбедувајќи им на клиентите врвна, навремена и доверлива услуга.


Слични Теми:

Бизнис

Tigo.mk нуди кредити до 350.000 денари со камата од 0,8% на рати

Објавено

пред 5 часа

на

Финансиското друштво Tigo.mk нуди потрошувачки кредити со брза и едноставна процедура за аплицирање, достапни за сите полнолетни граѓани на Македонија. Кредитите можат да се аплицираат целосно онлајн, а одговор за апликацијата се добива за околу 30 секунди.

Во рамки на пролетната понуда, од компанијата информираат дека клиентите можат да аплицираат за кредит до 350.000 денари со камата од 0,8 проценти на сите рати, со можност за отплата до 48 месечни рати. Понудата е наменета за оние кои сакаат своите планови и желби оваа пролет да ги реализираат со флексибилни услови за финансирање.

Корисниците можат да изберат и кредит со еднократна отплата со рок до 30 дена или кредит на рати, при што самите ја одбираат сумата и начинот на враќање според своите потреби.

Како дополнителна поволност, првиот кредит со еднократна отплата е целосно бесплатен, што значи дека корисниците го враќаат истиот износ што го позајмиле, без дополнителни трошоци.

Процедурата за аплицирање е поедноставена и не бара жиранти, обезбедување или дополнителна документација. За апликација потребни се само важечка лична карта, е-маил адреса и мобилен телефон.

Според податоците на компанијата, досега се одобрени 242.426 апликации за кредити, со вкупен износ од околу 6,4 милијарди денари, при што околу 60 проценти од поднесените апликации се одобрени.

Продолжи со читање

Бизнис

УЈП објави резултати за 2025 година: над 6.300 контроли и 120 „запечатени“ објекти

Објавено

пред 8 часа

на

Управата за јавни приходи (УЈП) објави резултати од контролите за фискализација спроведени во текот на 2025 година, со порака „Стоп на нерегистриран промет“. Информациите беа објавени на официјалниот профил на институцијата на LinkedIn.

Според објавата на УЈП, во текот на 2025 година институцијата го насочила фокусот на контролите кон угостителството, трговијата на мало и услужните дејности. Вкупно биле извршени 6.342 контроли за фискализација, при што кај секоја четврта контрола биле утврдени неправилности.

По региони, извршени се 1.362 контроли во Скопје, од кои 389 со неправилности, 1.063 во Битола (300 неправилности), 662 во Прилеп (173 неправилности), 667 во Струмица (170 неправилности), 1.427 во Тетово (411 неправилности) и 1.152 во Штип, од кои 279 контроли завршиле со констатирани неправилности.

За утврдените прекршувања биле изречени 3.200 глоби во вкупен износ од 1,4 милиони евра, покренати се 18 прекршочни постапки, а 120 објекти биле „запечатени“. Од нив, 28 се во Скопје, 36 во Битола, 13 во Прилеп, 9 во Струмица, 21 во Тетово и 13 во Штип.

Во објавата на LinkedIn, УЈП наведува дека новиот пристап во справувањето со нерегистрираниот промет се базира на комбинација од информирање, превенција, советодавна поддршка и таргетирани контроли. Во таа насока, реализирани биле 4.200 советодавни посети на даночни обврзници со цел усогласување на нивното работење со законските обврски.

Од институцијата посочуваат дека анализите на податоците од системот ГПРС и теренските активности укажуваат на повеќе ризици, меѓу кои фискални уреди кои не се на пријавената адреса, прекини во работењето на фискалните уреди, уреди без пломба и сервисна лепенка, неуплатен дневен промет во банка, неправилна примена на ДДВ стапки, како и континуирано низок или идентичен промет.

Од Управата за јавни приходи најавуваат дека во 2026 година ќе следуваат нови мерки и цели во борбата против нерегистрираниот промет.

Продолжи со читање

Бизнис

Најавено намалување на цените на горивата: можно поевтинување од околу 2,5 денари по литар

Објавено

пред 3 дена

на

Премиерот Христијан Мицкоски денеска изјави дека се очекува намалување на цените на нафтените деривати, по договор постигнат со компанијата „ОКТА“ и со дел од сопствениците на бензински пумпи.

Одговарајќи на новинарско прашање, Мицкоски посочи дека Владата во изминатите денови работела заедно со Министерството за енергетика, рударство и минерални суровини со најголемиот снабдувач на пазарот, компанијата „ОКТА“, со цел да се намалат цените на горивата.

Според него, „ОКТА“ од денеска ќе одобри попуст од околу 45 до 50 долари по тон за компаниите со кои соработува, што би значело намалување на цената на горивата од околу 2,5 денари по литар.

Мицкоски додаде дека разговарал и со дел од сопствениците на бензински пумпи, кои, како што рече, најавиле дека намалувањето ќе го пренесат и на крајните потрошувачи.

„Бидејќи Регулаторната комисија ја утврдува највисоката цена, очекувам по објавувањето на оваа одлука, веќе во текот на денот цената на нафтата и нафтените деривати да се намали за околу 2,5 денари по литар“, изјави премиерот.

Тој посочи дека со ваквото намалување цената на дизелот би се движела околу 1,35 евра за литар. Споредбено, како што наведе, цената на дизелот во Србија и Албанија е околу 1,80 евра, во Косово се движи меѓу 1,50 и 1,60 евра, додека во дел од земјите на Европската Унија надминува 2 евра за литар.

Мицкоски оцени дека со координација и дијалог со компаниите Владата успева да обезбеди пониски цени на горивата за граѓаните, и покрај, како што рече, предизвиците поврзани со безбедносната состојба во регионот.

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange