Комерцијална банка е прогласена за „Најдобра FX банка во Северна Македонија“ за 2026 година од угледниот меѓународен магазин „Global Finance“ како признание за високо квалитетната услуга и современите технолошки решенија што им ги нуди на клиентите во областа на девизните пазари.

Ова признание повторно ја вброи Банката меѓу водечките финансиски институции 87 држави ширум светот. Статусот „Најдобра FX банка“ го доделуваат аналитичари, извршни директори и технолошки експерти врз основа на повеќе критериуми: големина на трансакции, пазарно учество, обем на глобална покриеност, услуга кон клиентите, конкурентни цени и користење иновативни технологии.

„Размената на странски валути сè повеќе се гледа како клучен стратешки бизнис и за банките и за корпоративните клиенти. Сепак, секторот и понатаму се наоѓа во период на зголемена волатилност, поттикната од геополитички тензии, променливи каматни стапки и притисок врз валутите засолништа“, изјави Џозеф Џиарапуто, основач и уреднички директор на Global Finance.

Наградите Best FX Banks на Global Finance, ги одликуваат институциите кои продолжуваат да бидат лидери и иноватори во динамична и конкурентна пазарна средина. Се доделуваат во чест на Гордон Плат, кој со години беше главниот носител на програмата за доделување награди за најуспешно работење во доменот на тргување со финансиски инструменти во голем број земји во светот.

Комерцијална банка го добива ова признание 15. година по ред затоа што во девизните услуги, кои се меѓу клучните сегменти во работењето на банката, континуирано вложува за да обезбеди извонредно искуство и целосна поддршка за потребите на клиентите.

Во пресрет на Меѓународниот ден на лицата со попреченост, 3 декември, Стопанска банка АД – Скопје повторно објавува повик за доделување грантови за асоцијациите на лица со атипичен развој, насочени кон реализација на конкретни проекти со кои се поттикнува инклузијата и се подобруваат условите во средината во која учат и живеат лицата со попреченост. Грантовите се дел од општествено одговорниот проект на Банката, „Сонуваме.Менуваме“, кој годинава ќе го има седмото издание.

Јавниот повик е отворен за сите асоцијации, здруженија или проекти со фокус на лица со попреченост. Притоа, се очекува барателите да аплицираат за грант со конкретни проекти кои опфаќаат повеќе лица, овозможуваат континуирана работа со нив преку нови едукативни, инклузивни или физиотерапевтски методи или пак овозможуваат нивна поголема слобода при движењето и извршувањето на секојдневните активности.

Проектите со кои асоцијациите и здруженијата аплицираат треба да содржат информации за целната група, времетраењето на проектот, целта и очекуваните резултати, буџетот за реализација, како и за носителот на проектот (апликант, асоцијација, здружение и сл.). Барањата, заедно со контакт податоците, треба да се испратат на адресата: [email protected] , со назнака „Предлог проект за грант: Сонуваме.Менуваме 2025“, најдоцна до 30 ноември 2025 година.

Посебно формирана комисија во Стопанска банка ќе биде задолжена за евалуација на пристигнатите барања за грант, а избраните проекти кои ќе добијат финансиска поддршка ќе бидат објавени на 3 декември 2025 година.

„Особено нѐ радува што оваа година музичко-театарските претстави кои традиционално се дел од кампањата „Сонуваме.Менуваме“, покрај во Скопје, ќе се прикажуваат во Битола и Велес на 5 и 16 декември, ширејќи ја низ земјава пораката за значењето на инклузијата“, велат од Стопанска банка АД – Скопје.

Како и во изминатите години, актерската екипа во претставите ќе вклучува и деца со попреченост, а инклузијата ќе биде главната инспирација.

ПР објава

НЛБ Банка и оваа година ја продолжува својата традиционална поддршка на детскиот спорт, учествувајќи во минибаскет хепенингот за генерацијата 2014 што се одржа викендов во Скопје, во организација на Македонската кошаркарска федерација.

На специјално прилагодените терени во СРЦ „Кале“ настапија повеќе од 20 екипи од целата држава, создавајќи позитивна енергија, спортски дух и забава за најмладите учесници и нивните родители.

Од НЛБ Банка истакнуваат дека поддршката на спортот и младите генерации е важен дел од нивната корпоративна стратегија и општествена одговорност.

„Како пријатели на кошарката, веруваме дека спортот игра клучна улога во растот и развојот на децата, ги учи на тимска работа, дисциплина и здрави навики. Овие млади таленти се идните спортски шампиони, а ние со гордост стоиме зад нивниот пат. Се радуваме што оваа година сме со нив, рамо до рамо, во рамките на Мини баскет Караванот“, велат од НЛБ Банка АД Скопје.

Со континуираната поддршка на ваквите иницијативи, НЛБ Банка ја зајакнува својата улога како активен партнер во развојот на спортот, младинските програми и заедницата во целина.