За точно една недела, на 4 ноември 2025 година, Скопје ќе стане епицентар на регионалната бизнис сцена, кога ќе се одржи 8. Регионална конференција за е-трговија под темата „E-COMMERCE: FASTEN THE FUTURE“. Во организација на Асоцијацијата за е-трговија, во тек се финалните подготовки за настанот што ќе го претвори Скопје во регионален центар на е-трговијата.

Оваа година, конференцијата ветува најголемо издание досега, кое ќе ги обедини највлијателните компании, визионери и иноватори од целиот Балкан и пошироко. Учесниците ќе имаат можност да слушнат и да се инспирираат од говорници кои ќе споделат знаење, искуство и практични совети за тоа како се создава, обликува и забрзува иднината на е-трговијата.

Новитетот оваа година е што конференцијата за првпат ќе се одвива паралелно на две сцени, создавајќи динамично искуство кое ги спојува инспирацијата и практиката. На главната сцена ќе се слушнат визионерски идеи, испробани стратегии и лични приказни од највлијателните имиња во светот на е-трговијата, дигиталниот маркетинг и вештачката интелигенција. Говорници од глобални компании како Dolce & Gabbana, TikTok, Booking.com, Wolt, Publicis Groupe, Direct Media, Bigburg, Korpa, Brainster Next и други водечки брендови ќе споделат како иновацијата, креативноста и технологијата заедно го обликуваат идниот правец на е-трговијата. Нивните презентации ќе опфатат теми што ја дефинираат новата ера на онлајн купувањето – од улогата на вештачката интелигенција во безбедноста на клиентите, преку значењето на автономните AI агенти, до тоа како инфлуенсерите, содржината и податоците стануваат новата валута на современата е-трговија. Паралелно, на втората, hands-on сцена, идеите ќе се претвораат во конкретни чекори. Учесниците ќе имаат можност директно да учат преку интерактивни сесии – од онлајн плаќања и интеграции со Halkbank, преку отклучување на моќта на податоците, до креирање кратки видеа, запознавање со AI алатки и совети за добивање грантови, инвеститори и партнерства. Двете сцени заедно ќе создадат единствено искуство – едната ќе инспирира со визија, а другата ќе покаже како визијата се претвора во резултати. Комплетната агенда за конференцијата може да се погледне овде.

Инаку, во рамките на конференцијата ќе биде поставена и експо-зона каде што компаниите ќе ги презентираат своите најнови производи, технологии и услуги. За полесно вмрежување, повторно ќе биде достапна мобилната апликација на конференцијата, наменета за закажување индивидуални состаноци меѓу учесниците, но и за следење на сите детали поврзани со конференцијата. Нетворкинг-зоната пак, ќе овозможи директни средби меѓу учесниците.

Со повеќе од 800 регистрирани учесници од целиот регион и со присуство на водечки глобални и регионални брендови, овогодинешната конференција поставува нови стандарди за е-трговијата во регионот и пошироко. Интересот е огромен, а останати се само неколку последни карти за сите кои сакаат да бидат дел од највозбудливиот бизнис настан во регионот. Картите може да се купат на официјалната веб-страница на конференцијата: ecommerceconference.mk.

Конференцијата е поддржана од Visa како платинум партнер, Halkbank како стратешки партнер, Korpa како партнер за храна и достава, Brainster како AI партнер, A1 како дигитален партнер, а Ananas и Casys како златни партнери. Сребрени партнери се Комерцијална банка, IUTE, Филип Морис Интернационал, Сава пензиско друштво, Гранд Скопје, Public Cloud Group и Wolt, заедно со повеќе бронзени партнери.

Време е за нови можности и храбри одлуки – затоа што оваа есен носи страшно добра понуда од Минт Кредит! Аплицирај онлајн за Минт Кредит до 300.000 денари и добиј финансиска поддршка токму кога ти треба, лесно и брзо со:

• -30% помали трошоци до 31.10.2025.
• Инстант одобрување за само 10 минути.
• Брз, сигурен и транспарентен процес целосно онлајн, телефонски или во една од нашите канцеларии.

Искористи ја оваа промотивна акција и добиј можност да ги оствариш своите планови без финансиски притисок. Пoпустот трае до 31.10.2025 за Минт Кредит до 300.000 мкд. Побрзај – страшно добрите понуди не траат вечно!

Аплицирај уште денес и откриј колку лесно може да биде кога си со Минт Кредит, повеќе флексибилност, помалку трошоци.

За повеќе информации контактирај не на 15 107, преку веб-страната Минт Кредит, или во една од нашите канцеларии.

ПР објава

Со свечена церемонија и завршен коктел, ПроКредит Банка ја заокружи првата генерација од ПроКредит Бизнис Академијата – едукативна програма создадена за унапредување на знаењата и капацитетите на локалните компании. На настанот, 90 учесници добија сертификати за успешно завршена обука и посветеност во процесот на учење и личен развој.

Академијата е дел од пошироката заложба на ПроКредит Банка за јакнење на домашната бизнис заедница преку нефинансиска поддршка и создавање можности за континуирана едукација и вмрежување. Преку оваа иницијатива, претприемачите добија пристап до практични знаења, експертски совети и интерактивни работилници, кои им помагаат да ги унапредат своите деловни вештини и да создадат поодржливи деловни модели.

Програмата се состоеше од пет модули што ги опфатија најрелевантните теми за раст на современите мали бизниси – финансиски менаџмент, комуникациски и продажни вештини, дигитална трансформација и развој на претприемачки начин на размислување. Академијата беше реализирана во соработка со Alphabet Group, консултантска компанија со долгогодишно искуство во организациски развој и едукација на претприемачи низ регионот.

„Со гордост можеме да кажеме дека ПроКредит Бизнис Академијата покажа колку знаењето и споделеното искуство можат да придонесат за посилен и поодржлив приватен сектор. Да се биде вистински партнер на бизнисите, за нас, значи да понудиме повеќе од традиционалните банкарски услуги – тоа значи активно да придонесуваме за нивниот раст и успех. Оваа програма е уште една потврда на нашата заложба да ги поддржиме претприемачите не само финансиски, туку и преку развој на нивните капацитети и мрежата на контакти,“ изјави Милан Дамчевски, член на Управниот одбор на ПроКредит Банка.

Со успешното завршување на првата генерација, ПроКредит најавува дека Бизнис Академијата ќе продолжи и во 2026 година, а пријавувањето за новата генерација учесници ќе започне наскоро.

Повеќе информации ќе бидат достапни на официјалната веб-страница и социјалните мрежи на банката.