Connect with us

Банки

Продолжува растот на каматните стапки на кредитите, но и на депозитите

Објавено

пред 2 години

на

Просечната каматна стапка на вкупните кредити, во февруари 2023 година, бележи месечно и годишно зголемување од 0,02 п.п. и 0,67 п.п., соодветно и изнесува 5,00%. Просечната каматна стапка на вкупните депозити изнесува 1,00%, што претставува месечен и годишен раст од 0,07 п.п. и 0,29 п.п, соодветно.

Во февруари 2023 година, просечната каматна стапка на новоодобрените кредити изнесува 5,20% и оствари месечен и годишен раст од 0,15 п.п. и 1,26 п.п., соодветно. Просечната каматна стапка на новопримените депозити е повисока на месечно и годишно ниво за 0,20 п.п. и 1,15 п.п., соодветно и изнесува 1,71%.

Просечната каматна стапка на вкупните кредити на корпоративниот сектор, во февруари, изнесува 4,63% и е повисока за 0,03 п.п. споредено со претходниот месец. Нагорната промена во целост произлегува од зголемените каматни стапки на денарските кредити без валутна клаузула (за 0,05 п.п.), во услови на остварен пад на каматните стапки на денарските кредити со валутна клаузула (за 0,01 п.п.), при непроменети каматни стапки на кредитите во странска валута. Анализирано на годишна основа, каматната стапка на вкупните кредити на корпоративниот сектор е зголемена за 1,18 п.п.

Овој месец, каматната стапка на новоодобрените кредити на корпоративниот сектор, забележа месечно зголемување од 0,03 п.п. и изнесува 5,22%. Притоа, зголемувањето се должи на повисоките каматни стапки на денарските кредити со валутна клаузула и кредитите во странска валута (за 0,45 п.п. и 0,18 п.п., соодветно), во услови на пад на каматните стапки на денарските кредити без валутна клаузула (за 0,13 п.п.). Споредено со февруари минатата година, оваа каматна стапка бележи годишен раст од 1,74 п.п.

Просечната каматна стапка на вкупните депозити на корпоративниот сектор, во февруари, се зголеми за 0,40 п.п. во споредба со претходниот месец и изнесува 1,75%. Од аспект на валутната структура, месечното зголемување е резултат на растот кај сите компоненти: каматните стапки на депозитите во странска валута (за 1,01 п.п.) и каматните стапки на денарските депозити со и без валутна клаузула (за 0,10 п.п. и 0,09 п.п., соодветно). На годишно ниво, каматната стапка на вкупните депозити на корпоративниот сектор е повисока за 0,85 п.п.

Во февруари, каматната стапка на новопримените депозити на корпоративниот сектор изнесува 1,40%, што претставува месечен раст од 0,40 п.п. Притоа, растот е резултат на повисоките каматни стапки на денарските депозити со валутна клаузула (за 0,93 п.п), потоа следуваат каматните стапки на депозитите во странска валута (за 0,53 п.п), при раст и на каматните стапки на денарските депозити без валутна клаузула (за 0,28 п.п). Каматната стапка на новопримените депозити на корпоративниот сектор забележа годишно зголемување од 1,11 п.п.

Kаматната стапка на вкупните кредити на домаќинствата, во февруари, е непроменета во однос на претходниот месец и изнесува 5,34%. Анализирано на годишно ниво, оваа каматна стапка е повисока за 0,20 п.п.

Во февруари, просечната каматна стапка на новоодобрените кредити на домаќинствата изнесува 5,18% и бележи месечно зголемување од 0,37 п.п. Притоа, зголемувањето се објаснува со повисоките каматни стапки на денарските кредити без и со валутна клаузула (за 0,39 п.п. и 0,32 п.п., соодветно), во услови на забележан пад на каматните стапки на кредитите во странска валута (за 0,31 п.п). Каматната стапка на новоодобрените кредити на домаќинствата оствари раст од 0,64 п.п., на годишна основа.

Каматната стапка на вкупните депозити на домаќинствата, во февруари, оствари месечен раст од 0,04 п.п. и изнесува 0,92%. Позитивната промена се должи на зголемувањето на каматните стапки на денарските депозити без валутна клаузула и депозитите во странска валута (за 0,04 п.п. и 0,03 п.п., соодветно), во услови на забележан пад на каматните стапки на денарските депозити со валутна клаузула (за 0,01 п.п.). На годишно ниво, оваа каматна стапка е повисока за 0,23 п.п.

Во февруари, каматната стапка на новопримените депозити на домаќинствата, изнесува 1,86% и во однос на претходниот месец е зголемена за 0,15 п.п. Растот во целост се должи на повисоките каматни стапки на денарските депозити без валутна клаузула (за 0,25 п.п.), во услови на остварен пад на каматните стапки на депозитите во странска валута (за 0,06 п.п.). Овој месец, кај банките и штедилниците не се евидентирани новопримени денарски депозити со валутна клаузула. Каматната стапка на новопримените депозити на домаќинствата е зголемена за 1,21 п.п. споредено со февруари минатата година.

Слични Теми:

Банки

ПроКредит Банка со намалени провизии, бесплатни интерни трансфери и СЕПА поволности за физички и правни лица

Објавено

пред 2 часа

на

Согласно препораките од Народната банка, а со цел поддршка на граѓаните, компаниите и забрзување на дигиталната трансформација на платниот промет, ПроКредит Банка ги намалува провизиите на дел од своите услуги за физички и правни лица.

Како дел од долгорочната стратегија за фер и транспарентен однос со клиентите, интерните трансфери во рамки на банката како и досега остануваат без провизија.

Клучна новина за физички лица која ќе настапи од 14.09 се намалените провизии за електронски трансакции преку КИБС и МИПС до 50%. Провизиите за МИПС плаќањата се намалуваат од 100 МКД на 50 МКД, додека провизиите за КИБС плаќањата се намалуваат од 20 МКД на 12 МКД. Дополнително ќе има намалување и на провизиите за МИПС плаќања во филијала за повеќе од 30%.

Истовремено, од 01.09 банката намали и дел од провизиите за правни лица, и тоа намалени провизии за МИПС налози реализирани преку електронско банкарство до 25%, како и дополнително намалување на провизиите за МИПС плаќања во филијала за повеќе од 30%. Во тарифникот на банката има намалување и на провизиите за трајни налози преку електронско банкарство.

Со интеграцијата со СЕПА од октомври, ПроКредит ќе овозможи и дополнителни поволни провизии за вршење меѓународни плаќања, и тоа СЕПА кредитен трансфер 620 МКД / 10 ЕУР, СЕПА прилив 360 МКД / 6 ЕУР. СЕПА трансферите ќе овозможат побрз, поефикасен и поекономичен меѓународен платен промет, со што клиентите ќе добијат уште поголема вредност и сигурност.

ProPay меѓународните трансфери во рамките на ПроКредит Групацијата како уникатен продукт на Банката остануваат најекономични на пазарот со реализација во истиот ден и фиксна провизија од 2.5 ЕУР за дознаки, 0 ЕУР за приливи.

„ПроКредит Банка останува доследна на својата стратегија за транспарентност, едноставност и фер пристап кон клиентите – физички и правни лица. Со новите намалени провизии, уште повеќе ги олеснуваме секојдневните банкарски потреби и го правиме платниот промет поефикасен и поекономичен. Дополнително, како банка која прва ја воведе дигитализацијата во нашата индустрија во земјата, најголем дел од услугите ги нудиме преку дигитални канали, што ни овозможува да бидеме поефикасни, а нашите цени и провизии – пониски и поконкурентни на пазарот.“ – изјавија од ПроКредит Банка.

Дознајте повеќе на веб страната www.pcb.mk

Продолжи со читање

Банки

Промотивно со НЛБ Visa кредитните картички, 5,9% фиксна каматна стапка

Објавено

пред 2 дена

на

Вашите трошоци под контрола, со помала камата и поголема сигурност!

НЛБ Банка ја намалува каматата – вие ги намалувате трошоците! Од почетокот на месец септември до 31 октомври 2025 година, сите корисници на НЛБ Visa кредитните картички – Visa Classic и Visa Gold – имаат можност да ги реализираат своите планови и секојдневни потреби со исклучително поволна фиксна каматна стапка од само 5,9% на сите безготовински трансакции направени во овој период. Оваа понуда е директен одговор на потребата од поголема финансиска сигурност и стабилност во време на зголемени сезонски трошоци.

Намалената камата се однесува исклучиво на трансакции направени во рамки на промотивниот период, но ќе остане фиксна и непроменета за целиот рок на отплата – без оглед на бројот на рати или нивната висина. На тој начин, клиентите добиваат можност за долгорочна заштеда, подобра контрола и поголема предвидливост во управувањето со личните финансии.

Со оваа понуда, НЛБ Банка обезбедува реална поддршка за граѓаните – без разлика дали се работи за подготовка за новата учебна година, есенски патувања, уредување на домот или секојдневни трошоци – сега сето тоа е подостапно и поекономично со пониска камата и флексибилни услови на отплата.

НЛБ Visa Classic и Visa Gold се револвинг кредитни картички кои овозможуваат одложено плаќање, самостојно управување со отплатата и минимална месечна отплата од само 5% од вкупниот долг.

За повеќе информации, посетете ги експозитурите на Банката, јавете се во Контакт центарот на 02/15 600 или проверете ја веб страницата на Банката: https://nlb.mk

Продолжи со читање

Банки

Visa Signature – нова премиум картичка од Комерцијална банка, за првпат достапна во Македонија

Објавено

пред 2 дена

на

Комерцијална банка ја претставува новата Visa Signature премиум дебитна картичка, за првпат достапна во Македонија и наменета за сите кои знаат да препознаат вредност.

Visa Signature не е само средство за плаќање, туку и влезница во светот на внимателно одбрани привилегии и бенефиции. Изборот на Visa Signature овозможува ексклузивни понуди, посебен третман и беспрекорни услуги насекаде низ светот.

Со Visa Signature корисниците добиваат пристап до:

  • Бесплатни посети 8 пати годишно на над 1.200 Dragon Pass деловни зони на аеродроми ширум светот
  • 6 GB бесплатен интернет во роаминг годишно
  • Неограничена Fast Track услуга на аеродромот во Скопје за побрзо и поудобно патување
  • Бесплатно патничко осигурување за целото семејство за патувања без грижи
  • Специјални попусти и понуди, внимателно селектирани за стил на живот кој одговара на сечии очекувања

Во промотивниот период до 31 октомври, Visa Signature се добива без членарина за првата година.

Оваа картичка е повеќе од статус – таа е потписот на уникатноста и доказ дека секојдневието може да изгледа поинаку кога се прави вистински избор.

Комерцијална банка со гордост ја овозможува уникатната Signature програма, со што уште еднаш ги носи најновите светски трендови во понудата на картички, исто како и пред 30 години, кога ја издаде првата платежна картичка во Македонија.

Повеќе детали за Visa Signature се достапни на следниот линк.

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange