Банки
Висoките претставници на Светската банка на средбите со гувернерката Ангеловска-Бежоска во Вашингтон го поздравија членството на нашата земја во СЕПА
Членството на нашата земја во Единствената област за плаќања во евра (СЕПА), е потврда за успешните регулативни реформи предводени од Народната банка и следствено – високите регулативни стандарди коишто се применуваат од страна на финансиските институции, што е важно за натамошното поттикнување на конкуренцијата, иновациите, но и за задржувањето на финансиската стабилност, како предуслов и за макроекономската стабилност. Светската банка (СБ) ќе продолжи да ги поддржува активностите на Народната банка за ефективно приклучување на нашите финансиски институции кон европските платежни системи, како и за приклучување кон регионалниот проект за инстант плаќања. Ова беше истакнато на средбите на гувернерката на Народната банка, Анита Ангеловска-Бежоска со високите претставници на Светската банка, односно заменик-претседателката на СБ за Европа и Централна Азија, Антонела Басани, директорката за Западен Балкан, Шијаочинг Ју, директорот за Северна Македонија и Косово, Масимилијано Паолучи, во рамки на Пролетните средби на ММФ и Светската банка. На состаноците учествуваа и министерката за финансии Гордана Димитриеска Кочоска и вицегувернерите Ана Митреска и Фадил Бајрами.
Во насока на понатамошна интеграција на финансискиот систем и унапредување на квалитетот на услугите за граѓаните и стопанството, Ангеловска-Бежоска информираше за постигнатиот успех – приклучувањето кон СЕПА. Таа потенцираше дека овој чекор е резултат на големиот напор во изминатиот период за реформирање на законската и регулаторната рамка и нејзиното усогласување со европските стандарди. Оваа стратешка определба не само што ќе овозможи поефикасни и поевтини прекугранични плаќања, туку и ќе го поддржи процесот на европската интеграција.
„Членството во СЕПА е стратешко достигнување, но и основа за предизвиците коишто претстојат. Народната банка со поддршка на Светската банка, продолжува со усогласување на националното законодавство со законодавство на Европската Унија. Народната банка веќе ги донесе дополнителните промени во регулативната рамка за извршување на плаќањата со странство, коишто ќе започнат да се применуваат од 5 октомври годинава, кога давателите на платежни услуги ќе може за првпат да се приклучат кон платните системи во СЕПА. Следната година фокусот ќе биде на инстант-плаќањата. Овие активности ја потврдуваат посветеноста на Народната банка кон целосна финансиска интеграција во ЕУ“, истакна гувернерката во своето обраќање на тркалезната маса посветена на СЕПА, при што посочи дека домашните банки во соработка со Народната банка напорно работат во следните неколку месеци целосно да се интегрираат во европскиот екосистем за плаќања, нудејќи им на своите клиенти услуги еднакви со оние коишто се нудат во ЕУ.
На средбите со високите претставници на Светската банка позитивно беа оценети и политиките на Народната банка за одржување на финансиската стабилност, при што акцент беше ставен на техничката помош од Светската банка, со којашто преку повеќе проекти дополнително се јакнат капацитетите на земјата и централната банка во неколку области поврзани со банкарскиот систем. Тие се однесуваат на унапредување на макропрудентната рамка како и финализирањето на подзаконските акти на Законот за решавање на банки.
„Народната банка донесе 12 одлуки кои ја заокружуваат регулативната рамка за решавање банки, со што се обезбедува усогласување со највисоките меѓународни стандарди и добри практики. Овие одлуки претставуваат значаен чекор кон натамошно зајакнување на стабилноста на финансискиот систем и заштита на јавниот интерес“, истакна гувернерката Ангеловска-Бежоска, којашто ги потенцира проектите коишто Народната банка ги реализира со поддршка од Светската банка и во доменот на климатските ризици, како што е развивањето на методологијата за стрес-тестирање на деловните банки.
Албанија пушти 250 милиони евра евтини кредити за бизнис: Што би значела ваква шема за македонските компании?
Триглав Осигурување на нова адреса во Струга
Фишинг, лажни пораки и украдени картички: Колку се безбедни парите на Македонците во дигиталната ера?
Инфлацијата во Шпанија скокна на 4,9%, највисоко ниво од 2023 година
Централна кооперативна банка: Започна исплатата на септемвриските пензии
Народната банка вработува седум лица: Плати до 91.385 денари
НОВО: Комерцијална банка воведе штедење на 25 и на 40 месеци со фиксни каматни стапки
10% поврат на средства со Mastercard картичките на Стопанска банка секој први во месецот
Македонија ќе има два система за инстант плаќања: КИБС Инстант и мобилна апликација „Стрела“ преку КИБС и TIPS Clone преку Народната банка
Кој ќе биде македонскиот Revolut?
Банки
Централна кооперативна банка: Започна исплатата на септемвриските пензии
Централна кооперативна банка АД Скопје ги информира своите клиенти – пензионери дека од денес (01.10.2026 година) средствата по основ на пензии за месец септември 2026 година се префрлени на сметките на корисниците.
Пензионерите кои располагаат со дебитни картички можат да ги подигнат средствата на банкоматите на ЦКБ или да ги користат за безготовински плаќања во трговијата, почнувајќи од денес (1 октомври 2026 година).
Банки
Во Народната банка се одржа 59. сесија на Клубот на истражувачите
Во Народната банка се одржа 59. сесија на Клубот на истражувачите, платформа за презентација и разгледување научно-истражувачки трудови на Народната банка, којашто ја поддржува научно-истражувачката дејност во земјава во изминатите тринаесет години.
На оваа сесија беше претставен научниот труд „Дали може институционалната интеграција на берзите од Западен Балкан да ја зајакне монетарната трансмисија?”, (Can Institutional Integration of Western Balkans’ Stock Exchanges Strengthen Monetary Transmission?), од авторот Стефан Таневски. Авторот е добитник на првата награда за млади истражувачи на Народната банка за 2026 година.
Сесијата ја отвори директорката на Дирекцијата за монетарната политика и истражување Билјана Давидовска-Стојанова, којашто истакна дека интеграцијата на берзите не треба да се гледа само како реформа за развој на финансискиот пазар туку и како дел од пошироката макрофинансиска инфраструктура преку која монетарната политика влијае врз економијата. „Поинтегрираните пазари можат да овозможат побрз и поцелосен пренос на монетарните сигнали кон финансиските услови и реалната економија. Оттука, берзанската интеграција e потенцијално важен канал за поефикасно функционирање на монетарната политика. Сепак, самата консолидација на пазарите не е доволна, нејзините придобивки зависат од квалитетното управување, заштитата на инвеститорите и усогласената регулаторна рамка“, истакна Давидовска-Стојанова.
Авторот Таневски во својата презентација посочи дека трудот се фокусира на каналот на цените на средствата, како механизам преку кој се пренесуваат сигналите на монетарната политика во економијата. Во моментов, пазарите од Западен Балкан се фрагментирани и неликвидни, поради што и сигналите на централните банки само делумно и нерамномерно се пренесуваат врз цените на финансиските средства во различни сектори. Во својот труд авторот посочува дека интеграцијата на берзите од Западниот Балкан може значително да ја подобри оваа трансмисија, преку побрза и поефикасна реакција на цените на акциите на промените во каматните стапки и монетарните сигнали, при што се укажува дека структурата на финансискиот систем е директно поврзана со ефективноста на монетарната политика.
Сесиите на Клубот се одржуваат четирипати годишно. Народната банка објавува повик до истражувачите за презентирање труд, којшто може да биде и во работна верзија. Трудовите се работат во согласност со трендовите и стандардите на современите истражувања, односно со солидна емпириска анализа и систематизирани заклучоци од истражувањето. На сесиите учествуваат аналитичари и истражувачи од научно-образовни и финансиски институции, студенти и останати заинтересирани учесници или слушатели.
Зачленувањето е од отворен карактер и повеќе информации за Клубот може да се најдат на следнава врска: https://www.nbrm.mk/
Следната сесија е планирана за декември оваа година.
Банки
УНИ Банка исплаќа 387 денари дивиденда по акција, исплатата стартува на 26 октомври
Акционерите на УНИ Банка ќе добијат дивиденда во износ од 387 денари по акција, согласно одлуката донесена на Собранието на акционери.
За исплата на дивидендата Банката ќе издвои вкупно 211,3 милиони денари, односно околу 3,4 милиони евра. Средствата се обезбедуваат од акумулираната добивка остварена во периодот од јануари до декември 2025 година.
Исплатата на дивидендата ќе започне на 26 октомври 2026 година.
Според објавениот дивиденден календар, 7 октомври е последниот ден на тргување со акциите на УНИ Банка со право на дивиденда за 2025 година.
Првиот ден на тргување без право на дивиденда е 8 октомври, додека пресекот на акционерската книга ќе биде направен на 9 октомври 2026 година, заклучно со 16:00 часот.
Тоа значи дека право на дивиденда ќе имаат акционерите кои ќе бидат евидентирани во акционерската книга согласно утврдениот пресек.
Одлуката за распределба на добивката и исплатата на дивиденда беше усвоена на акционерското собрание на УНИ Банка одржано минатата недела.
Албанија пушти 250 милиони евра евтини кредити за бизнис: Што би значела ваква шема за македонските компании?
Триглав Осигурување на нова адреса во Струга
Фишинг, лажни пораки и украдени картички: Колку се безбедни парите на Македонците во дигиталната ера?
Инфлацијата во Шпанија скокна на 4,9%, највисоко ниво од 2023 година
Централна кооперативна банка: Започна исплатата на септемвриските пензии
Народната банка вработува седум лица: Плати до 91.385 денари
НОВО: Комерцијална банка воведе штедење на 25 и на 40 месеци со фиксни каматни стапки
10% поврат на средства со Mastercard картичките на Стопанска банка секој први во месецот
Македонија ќе има два система за инстант плаќања: КИБС Инстант и мобилна апликација „Стрела“ преку КИБС и TIPS Clone преку Народната банка
Кој ќе биде македонскиот Revolut?
-
Банкипред 2 месециПремиум дебитната картичка на Стопанска банка овозможува пристап до над 1.800 аеродромски деловни зони
-
Кариерапред 2 месециНародната банка вработува седум лица: Плати до 91.385 денари
-
Кариерапред 2 месециНЛБ Групацијата вработува специјалист за Управување со ризици/финансии
-
Кариерапред 2 месециОглас за вработување во Централна кооперативна банка АД Скопје
-
Банкипред 2 месециНЛБ Банка ја исплати паричната помош за корисниците на социјална, детска и цивилна заштита
-
Банкипред 1 месецНОВО: Комерцијална банка воведе штедење на 25 и на 40 месеци со фиксни каматни стапки
-
Кариерапред 2 месеци
Оглас за вработување во Централна кооперативна банка АД Скопје
-
Банкипред 1 месец
10% поврат на средства со Mastercard картичките на Стопанска банка секој први во месецот
