Connect with us
no baners

Банки

Величковски од Народната банка: Се врши ограничување на висината на надоместоците меѓу давателите на платежни услуги за плаќањата со платежни картички на ПОС-уредите

Објавено

пред 3 години

на

„Новиот Закон за платежни услуги и платни системи им овозможува повисока заштита како на граѓаните, така и на фирмите. Тој предвидува јасно информирање на граѓаните пред потпишувањето рамковен договор со давателите на платежни услуги за условите и висината на надоместокот за нивното користење. За првпат се врши и ограничување на висината на надоместоците коишто давателите на платежните услуги меѓусебно си ги наплаќаат за користењето на платежните картички, издадени од еден давател на ПОС-уреди, а поставени кај трговците од друг давател, како трошок што влијае врз конечната цена на услугите за плаќањата. Висината на овие надоместоци постепено ќе се намалува и на почетокот на 2025 година не ќе смее да биде повисока од 0,2% од вредноста на платежната трансакција извршена со дебитна, односно од 0,3% кај кредитна платежна картичка. Со ова ограничувањето ќе се изедначи со она што се применува во ЕУ во моментов. Тоа понатаму би влијаело и врз цената којашто ја плаќаат трговците за користењето на ПОС-уредите.“ Ова го посочи директорот на Дирекцијата за платни системи при Народната банка, Игор Величковски, во гостување за „Блумберг Адрија“.

Величковски истакнува дека условите под кои им се нудат платежните услуги на корисниците, а особено на граѓаните, треба да бидат разбрани од нив на едноставен начин.

„За таа цел, рамковниот договор за платежни услуги којшто го потпишуваат давателот на платежни услуги и граѓанинот, како потрошувач, ќе биде во стандардизирана форма со задолжителен сет информации. Пред потпишувањето, давателот треба да го информира граѓанинот за условите под кои може да ги користи неговите платежни услуги, како и да му даде информација за висината на надоместоците за најчесто користените услуги. По склучувањето на рамковниот договор, давателот е должен, најмалку еднаш годишно, да му достави на потрошувачот извештај за надоместоците коишто му ги наплатил за користењето на платежните услуги“, објаснува директорот понатаму.

Директорот на Дирекцијата за платни системи при Народната банка посочува и дека новата регулаторна рамка ги зема предвид и интересите на фирмите, бидејќи се врши и ограничување на висината на надоместоците коишто ги наплатува давателот кој ја издал платежната картичка од давателот кој го поставил ПОС-уредот кај трговецот. Се очекува дека ова ќе ги намали трошоците за давателите кои поставуваат ПОС-уреди кај трговците, што понатаму би довело до намалени надоместоци и за трговците. Намалените надоместоци, пак, би ги поттикнале трговците кон поставување нови ПОС-уреди, што на крајот би придонесло за поголемо користење на платежните средства на платежните сметки на граѓаните, како и за намалување на готовинското плаќање.

Слични Теми:

Банки

Дијана Мушовска, Ангела Ивановска и Цвета Јосифовска најдобри банкарски службеници од Комерцијална Банка за 2025 година

Објавено

пред 1 час

на

По повод на Светскиот ден на штедењето, Македонската банкарска асоцијација традиционално ги доделува признанијата за најдобрите банкарски службеници во земјата. Со овие награди се оддава признание на професионалноста, посветеноста и квалитетот во работењето што секојдневно го демонстрираат вработените во банкарскиот сектор.

Во рамки на одбележувањето, признание за извонредни резултати и придонес во работењето добија и претставниците од Комерцијална Банка АД Скопје – Дијана Мушовска, Ангела Ивановска и Цвета Јосифовска.

Нивниот ангажман и посветеност во секојдневното работење се препознаени како пример за високи професионални стандарди, градење доверба кај клиентите и континуирано унапредување на банкарските услуги.

Ова признание претставува потврда за вредностите и квалитетот што Комерцијална Банка АД Скопје ги негува – одговорно работење, ориентација кон клиентите и вложување во развој на своите кадри.

Со ваквите иницијативи, Македонската банкарска асоцијација ја истакнува важноста на човечкиот капитал во финансискиот систем и поттикнува култура на професионалност и извонредност.

Честитки до наградените вработени од Комерцијална Банка АД Скопје, кои со својата работа придонесуваат за поголема доверба и стабилност во банкарскиот сектор.

Продолжи со читање

Банки

По повод Светскиот ден на штедењето – награди за најдобрите банкарски службеници

Објавено

пред 3 дена

на

Македонската банкарска асоцијација традиционално ги препознава и наградува најдобрите вработени во банкарскиот сектор.

Овој настан ја истакнува посветеноста, професионалноста и извонредните резултати на службениците кои го зголемуваат квалитетот на услугата и ја градат довербата на клиентите.

Преку ова признание, се промовира одговорното штедење и мотивира другите вработени да се стремат кон највисоки стандарди во работењето.

Главните цели на настанот се:

Поттикнување на професионалноста и посветеноста – наградените службеници се признаени за својот извонреден придонес во работењето и за квалитетната услуга кон клиентите.

Препознавање на успехот во банкарскиот сектор – наградите се доделуваат од страна на Македонската банкарска асоцијација (МБА) како дел од годишната традиција за идентификување на врвни професионалци.

Промоција на одговорното штедење – преку наградување на посветените вработени, се нагласува значењето на финансиската дисциплина, довербата во банките и правилното управување со средства.

Мотивација за другите вработени – настанот ја нагласува важноста од континуирано усовршување, иновативност и високи стандарди во работењето.

Ова големо признание во 2025 година го добија:

1. Комерцијална банка АД Скопје

  • Дијана Мушовска
  • Ангела Ивановска
  • Цвета Јосифовска

2. Стопанска банка АД Скопје

  • Иванова Сања
  • Оџакова Верица
  • Петровска Викторија

3. НЛБ банка АД Скопје

  • Катерина Крстевска 
  • Милица Славковска
  • Марија Томевска

4. Шпаркасе банка Македонија АД Скопје

  • Анита Таневска
  • Јована Трпеска
  • Александар Богоевски

5. Халк банка АД Скопје

  • Халук Џафер
  • Симона Трајковска
  • Амра Салијовска

6. Прокредит банка АД Скопје

  • Панче Петрески 
  • Џемиљ Шефки

7. Универзална инвестициона банка АД Скопје

  • Наталија Стојменовиќ 
  • Даниела Стојановска

8. Развојна банка на Република Северна Македонија АД Скопје

  • Надица Павличковска
  • Габриела Димитриевска

9. Стопанска банка АД Битола

  • Бранкица Дамевска

10. Централна кооперативна банка АД Скопје

  • Зорица Шаламанова 

11. ТТК банка АД Битола

  • Ѓорѓи Атанасовски

12. Силк Роуд банка АД Скопје

  • Александар Божиќ

13. Капитал банка АД Скопје

  • Сашо Јовановски

14. Штедилница ФУЛМ ДОО Скопје

  • Атанас Манушев

15. Штедилница Можности ДОО Скопје

  • Ирена Вурмеска Боцевска

16. Клириншка куќа КИБС АД Скопје

  • Марија Манасова
  • Виктор Петрески

17. Македонско кредитно биро АД Скопје

  • Елена Поповска

Ова е настан кој се повторува секоја година за препознавање на квалитет и извонредни резултати, кој ја поврзува професионалната афирмација со промоција на финансиската култура и довербата на клиентите.

Продолжи со читање

Банки

Ѓорѓи Атанасовски е најдобриот банкарски службеник од ТТК Банка за 2025 година

Објавено

пред 3 дена

на

На настанот по повод Светскиот ден на штедењето, кој се одржа на 31.10.2025 година, во организација на Македонската банкарска асоцијација во соработка со Фондот за осигурување на депозити, беа избрани најдобрите банкарски службеници со постигнати особени резултати во нивната работа.

Со големо задоволство, ТТК Банка АД Скопје оваа година го номинираше Ѓорѓи Атанасовски, соработник во одделот за позадински обработки на ПП и средства и ликвидност, за најдобар банкарски службеник.

“Горди сме на нашиот колега Ѓорѓи Атанасовски за професионалноста, посветеноста и придонесот во работата. Честитки колега за ова заслужено признание! ТТК Банка АД Скопје останува посветена на развојот на потенцијалот на своите вработени, поттикнувајќи иновации и одржливи резултати во сите сегменти на работењето.” – велат од Банката.

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange