Connect with us

Домашни банки

20 години пример за одговорност – ПроКредит Банка

Објавено

пред 1 година

на

„Дали твојата банка го гледа светот на ист начин како и ти?“ е прашањето кое ПроКредит Банка го поставува во новата кампања по повод 20 години постоење на македонскиот пазар, и кое отвора нови хоризонти. Преку слоганот „Пример за одговорност“, ПроКредит преку лични примери покажува дека општествената одговорноста не е само една голема донација, туку е систематизиран принцип на работа кој се провлекува низ конкретно дефинирани одговорни практики.

ПроКредит Банка низ одговорниот принцип на работа остава пример за вистинските вредности кои неретко остануваат заборавени во трката за профит. Фокусирајќи се на одржливиот развој, банката гордо може да се пофали со најголема застапеност на еко портфолио во банкарскиот сектор од 20% и 150 инвестиции во фотоволтаични централи, покажувајќи низ пример дека природата е важна.

ПроКредит Банка, уште од своите почетоци е развојно ориентирана банка, па така со својот фокус на поддршка на мали и средни претпријатија, изминатите 20 години успеа да го даде својот значаен придонес кон развој на локалната економија, поддршка на извозот и креирање на нови работни места. Посветеноста на бизнисите е евидентна и низ бројка – 90% од кредитното портфолио на банката е насочено токму кон овој сектор.

Но, одговорноста на банката можеби и најдобро се распознава преку подготвеноста да се откажат од дополнителен профит, во име на долгорочен одржлив развој. Па така, преку строго дефинирана листа на бизниси кои и штетат на животната средина или на општеството, ПроКредит транспарентно ги објавува бизнисите кои не ги финансира, како што се градежни активности во национални паркови, ископини на руда, казина и обложувалници, компании кои произведуваат пластика за еднократна употреба и сл. На тој начин, оставаат позитивен пример водејќи се по правилото дека она што го правиме за наше добро, треба да биде еднакво добро и за иднината!

Низ континуирана едукација ПроКредит ги води своите клиенти кон паметни решенија за нивните финансиски одлуки верувајќи во идејата дека помалку, помудро и одговорно може да биде подобро. Промовирајќи ја културата на штедење пред консумеризмот – ПроКредит Банка во своето портфолио не поддржува, промовира и нуди ненаменски потрошувачки кредити.

„Горди сме што сме лидери во одговорните практики и одржливоста во банкарскиот сектор, со силна посветеност кон нашите клиенти и заедницата во кoja работиме. Преку нашите дела инвестираме во долгорочен развој на економијата, општеството и екологијата, што е од особена важност за креирање на одржлива иднина. Соочени со предизвиците на денешницата сметаме дека овој принцип на работа станува сè поважен во периодот кој следи, а тоа дополнително нè мотивира уште повеќе да се посветиме и активно да работиме на истото. Нашиот главен фокус продолжува да биде остварување позитивното влијание во општеството, но истовремено наша цел е преку наш пример да поттикнеме дискусија и акција на тема која е важна за сите, не само за банките. Прославувајќи ја нашата 20-годишнина, им изразуваме благодарност на нашите клиенти и соработници за нивната лојалност и поддршка. Продолжуваме заедно да чекориме одговорно и во наредните децении кои се пред нас!“, изјавија од ПроКредит Банка.

Нудејќи професионална и комплетна банкарска услуга, ПроКредит Банка ја потврди довербата кај клиентите, кои ја одбираат ПроКредит како прв избор, пред сè поради квалитетната услуга, но и поради фактот што веќе 20 години се синоним за транспарентност, стабилност, иновативност и инклузивност.

Фокусирани кон вас и вашите потреби, ПроКредит продолжува да делува како банка која поставува стандарди за одржливост, одговорност и етичност, позитивен економски раст и развој и со силен фокус на зелените инвестиции и дигитализацијата.

Слични Теми:

Домашни банки

Стопанска банка АД Скопје со зголемена добивка за 17% во првиот квартал на 2024 година

Објавено

пред 2 дена

на

Стопанска банка АД Скопје во првиот квартал од 2024 година продолжи со остварување солидни резултати и висока профитабилност.

Добивката пред оданочување и резервации во анализираниот период изнесува 1.345.050 илјади денари, што е 17 % повеќе споредено со претходната година. Задржувајќи го високо прудентниот пристап во однос на управување со квалитетот на кредитното портфолио, во истиот период Банката издвои исправка на вредност на финансиските средства и посебна резерва за вонбилансна изложеност, на нето-основа, во износ од 387.330 илјади денари. Со тоа, добивката на Банката пред оданочување на 31.03.2024 година изнесува 957.720 илјади денари и во однос на истиот период од минатата година е повисока за 23 %. Во најголем дел, ова е резултат на зголемените приходи по сите основи поради зголемувањето на обемот на деловните активности.

Нето-приходите од камати изнесуваат 1.565.359 илјади денари и се зголемени за 21% во однос на истиот период од минатата година, како резултат на кредитните активности и вложувањето на вишокот ликвидни средства во првокласни инструменти.

Нето-приходите од провизии и надоместоци изнесуваат 213.431 илјади денари и се зголемени за 3% во однос на анализираниот период во 2023 година, што се должи на зголемен обем на активности, односно зголемен обем на испорачани услуги на клиентите, од кои најмногу во делот на услугите во платниот промет и картичното работење.

Вкупната актива на Банката во анализираниот период изнесува 129.303.255 илјади денари.

Капиталот и резервите изнесуваат 26.626.451 илјади денари, што претставува зголемување за 3% во однос на крајот на 2023 година. Дополнително, Банката пренамени износ од 2.460.000 илјади денари од задржаната добивка од претходни години во добивка ограничена за распределба на акционерите во иднина, со што се зголемија сопствените средства и стапката на адекватност на капиталот, која на 31.03.2024 година изнесува 19%.

Во следниот период се очекува продолжување на деловните активности во согласност со дефинираниот деловен план на Банката со целосна ориентираност кон поддршка на клиентите, прудентно управување со ризиците и одржување на високата стабилност, сигурност и ефикасност во сите сегменти од нејзиното работење. Исто така, Банката продолжува со реализација на започнатите проекти, пред сè, во делот на дигитализацијата, како и подготовка на понуда на нови услуги. Секако, фокусот останува на редовното и ефикасно извршување на основните деловни активности, одржување на лидерското пазарно учество од околу 27% во сегментот на кредитирање на населението, со фокус за натамошно зголемување на пазарното учество во делот на кредитирање на компаниите.

Оваа година Стопанска банка прославува 80 години од основањето и следствено целиот натамошен период ќе биде исполнет со многубројни новитети и изненадувања на задоволство на нашите клиенти и соработници, но и на пошироката заедница.

Продолжи со читање

Домашни банки

Филијалите и експозитурите на Комерцијална банка нема да работат на 1 мај 2024 година

Објавено

пред 2 дена

на

Филијалите и експозитурите на Комерцијална банка АД Скопје нема да работат на 1 мај (среда) поради прослава на 1 Мај – Денот на трудот.

“Ги известуваме нашите клиенти дека за подигнување и уплата готовина може да ги користат банкоматите на Банката, а за други финансиски трансакции на располагање ги имаат веб и мобилните апликации Интернет банка и мБанка“, велат од Комерцијална банка.

За корисниците на платежни картички, 24/7 во Скопје се отворени дигитализираната експозитура на Комерцијална банка на улица Македонија и дигиталните делови од експозитурите ГТЦ, Бисер, Буњаковец, Ист Гејт Мол, Ѓорче Петров, 11 Октомври и Лептокарија и во експозитурите во Дебар, Неготино и во Охрид.

Продолжи со читање

Домашни банки

Комерцијална банка: Во тек е исплатата на пензиите за месец април

Објавено

пред 2 дена

на

Комерцијална банка АД Скопје започна со исплата на пензиите за април од денес (вторник – 30.04.2024 година).

Пензионерите кои имаат активна дебитна картичка со својата пензија може да располагаат од денес – вторник 30.04.2024 година, и ќе може да ја подигнат на банкомат или да ја користат за безготовинско плаќање низ трговската мрежа.

Пензионерите кои не користат дебитна картичка, пензијата од 30.04.2024 година ќе може да ја подигнат во експозитурите и филијалите на Банката.

Повеќе филијали и експозитури на Комерцијална банка им овозможуваат на клиентите трансакции преку шалтер до 17 часот, со што бројни шалтери им се достапни со најдолго работно време на пазарот од понеделник до петок. А, секако и во сабота, кога филијалите на Банката низ целата земја и повеќе експозитури во Скопје работат од 9 до 12 часот, додека експозитурата во East Gate mall, пак, е отворена до 14 часот.

Продолжи со читање

Популарно