АЛТА банка ја промовираше својата програма за детско штедење „Растеме заедно“, наменета за родителите кои сакаат навреме да обезбедат финансиска сигурност за иднината на своите деца. Преку оваа програма, банката ги поттикнува семејствата уште од најрана возраст да започнат со штедење и постепено да создаваат средства што ќе им помогнат на најмладите полесно да ги остварат своите соништа.

Од банката посочуваат дека дури и најголемите желби на децата можат да станат реалност со навремена поддршка од родителите. Токму затоа, детското штедење „Растеме заедно“ е осмислено како начин родителите чекор по чекор да инвестираат во иднината на своите деца и да им обезбедат посигурна финансиска основа.

Со отворање на ваква штедна сметка, родителите имаат можност постепено да издвојуваат средства и да создадат фонд што во иднина може да им помогне на децата при образованието, развојот или остварувањето на нивните планови.

Повеќе информации за условите и можностите што ги нуди детското штедење „Растеме заедно“ може да се најдат на следниот линк: https://bit.ly/rasteme_zaedno.

Силк Роуд Банка најави специјална промотивна понуда по повод Меѓународниот ден на жената – 8-ми Март, со која корисниците на програмата „Твој Бонус“ ќе можат да добијат двоен бонус при купување подароци.

Како што информира банката, акцијата е посветена на жените кои секојдневно се инспирација, а клиентите во рамки на промоцијата ќе добиваат двојно повеќе бонус средства на својата сметка при купување кај партнерите од програмата.

Понудата вклучува неколку поволности: двоен бонус за секоја трансакција, без минимален износ за пазарување, како и без ограничување на максималниот износ на бонус што може да се добие.

Промотивната акција ќе трае од 5 до 8 март 2026 година, а корисниците можат да ги разгледаат сите партнери вклучени во програмата „Твој Бонус“ преку официјалните канали на Силк Роуд Банка.

Податоците за депозитите кај банките и штедилниците во Северна Македонија се јавно достапни преку статистичкиот веб-портал НБСтат на Народната банка.

Граѓаните и компаниите можат да ја следат состојбата на депозитите преку делот „Монетарна статистика“, во секцијата „Монетарни и кредитни агрегати“, каде се објавени податоците за „Депозити на недржавен сектор дадени од банки и штедилници“.

Со избор на категориите „Вкупни депозити“ и „Месец“, корисниците можат да ја следат динамиката на вкупните депозити, кои се прикажани во милиони денари.

Податоците се прикажуваат во денари, како и во странска валута, при што се вклучени и денарските депозити со валутна клаузула.

Според објаснувањето на Народната банка, вкупните депозити на недржавниот сектор ги опфаќаат депозитите на корпоративниот сектор, домаќинствата, односно физичките лица и самостојните вршители на дејност со личен труд, како и депозитите на останатите финансиски институции, непрофитните организации што им служат на домаќинствата и единиците на локалната самоуправа.

Во овие податоци се вклучени депозитните пари, краткорочните депозити и долгорочните депозити.

Статистичките податоци може да се прегледуваат преку порталот НБСтат на адресата nbstat.nbrm.mk.