Одлична атмосфера, силна поддршка од трибините и врвен ракомет на теренот го одбележаа натпреварот на РК Вардар одигран во вторникот против португалска Бенфика. Средбата уште еднаш потврди зошто Вардар е еден од најпрепознатливите симболи на спортски успех и гордост во Македонија.

АЛТА Банка, како горд спонзор на клубот, истакнува дека за неа претставува чест да биде дел од приказната на тим со богата традиција и значајни достигнувања. Преку ова партнерство, банката активно придонесува за развојот на спортот, промоцијата на вистинските вредности и негувањето на шампионскиот дух.

https://www.facebook.com/share/r/18MRSJGWMN

Од Алта Банка нагласуваат дека заедно со РК Вардар ќе продолжат да создаваат нови успеси – како на теренот, така и надвор од него.

Гувернерот на Народната банка д-р Трајко Славески оствари работна средба со директорот на „Костал“ Македонија Виктор Мизо на која беа разгледани актуелните економски текови и предизвиците со кои се соочува бизнис-секторот.

Се разговараше пред сѐ за показателите значајни за деловната заедница, особено во однос на унапредувањето на платежните услуги, одржувањето стабилен девизен курс и обезбедувањето умерена инфлација, како главни предуслови за предвидлива деловна клима и одржлив раст на компаниите.

Гувернерот Славески ја истакна важноста од постојаната и отворена соработка на Народната банка со домашните и странските компании коишто работат во земјава, имајќи ги предвид перспективите во економијата, придонесот кон поголем извоз и подобрениот трговски биланс на државата.

Директорот Мизо го информира гувернерот за состојбите во автомобилската индустрија на светско и на европско ниво. Тој се осврна на предизвиците поврзани со синџирите на снабдување, царинските стапки, геополитичките тензии, цената и достапноста на работната сила, како и последните случувања што директно влијаеја врз производството и испораките, вклучително и штрајкот на регионалните транспортни компании.

Во рамките на посетата, гувернерот Славески имаше можност непосредно да се запознае со напредните технолошки процеси и најсовремената опрема во сегментот на енергетска електроника за автомобилската индустрија. Производството е наменето за најновите модели на електрични и приклучни хибридни возила на „Фолксваген“, како и за напредни мехатронски системи за „Мерцедес“, што дополнително ја потврдува ориентацијата на компанијата кон напредна технологија и извоз.

АЛТА банка ја промовираше својата програма за детско штедење „Растеме заедно“, наменета за родителите кои сакаат навреме да обезбедат финансиска сигурност за иднината на своите деца. Преку оваа програма, банката ги поттикнува семејствата уште од најрана возраст да започнат со штедење и постепено да создаваат средства што ќе им помогнат на најмладите полесно да ги остварат своите соништа.

Од банката посочуваат дека дури и најголемите желби на децата можат да станат реалност со навремена поддршка од родителите. Токму затоа, детското штедење „Растеме заедно“ е осмислено како начин родителите чекор по чекор да инвестираат во иднината на своите деца и да им обезбедат посигурна финансиска основа.

Со отворање на ваква штедна сметка, родителите имаат можност постепено да издвојуваат средства и да создадат фонд што во иднина може да им помогне на децата при образованието, развојот или остварувањето на нивните планови.

Повеќе информации за условите и можностите што ги нуди детското штедење „Растеме заедно“ може да се најдат на следниот линк: https://bit.ly/rasteme_zaedno.