Комерцијална банка АД Скопје по 14-ти пат е прогласена за „Најдобра банка во Македонија“ за 2025 година, според изборот на реномираниот меѓународен магазин Global Finance – едно од најпрестижните признанија во светскиот банкарски сектор.

Оваа награда не претставува само признание за силните финансиски резултати на банката, туку е и потврда за долгорочната посветеност кон создавање вредности за клиентите, акционерите, вработените и поширокото општество. Комерцијална банка веќе седум децении е двигател на стабилноста и развојот на македонскиот банкарски систем, постојано прилагодувајќи се на глобалните трендови и потребите на клиентите.

Награда што потврдува континуитет во успехот

Признанието од Global Finance се доделува според строги критериуми, меѓу кои:

• иновации во понудата,
• одржлива финансиска стабилност,
• успешна дигитална трансформација,
• корисничко искуство,
• водечка улога во кредитирање, управување со ризици и општествена одговорност.

Фактот што оваа награда доаѓа од меѓународен извор со углед и кредибилитет, ја зацврстува позицијата на Комерцијална банка како еден од столбовите на финансискиот сектор во Северна Македонија.

Поглед кон иднината: иновации, дигитализација и партнерство со клиентите

„Ова признание е поттик и обврска да продолжиме со инвестиции во дигиталната трансформација и во исто време нѐ обврзува да останеме посветени на подобрување на корисничкото искуство, како и развој и воведување на нови решенија кои одговараат на современите очекувања на граѓаните и компаниите. Полесно е заедно да стигнеме до секоја цел кога се движиме со ист чекор“, истакнуваат од Комерцијална банка.

Со cash-in банкомати, дигитални киосци, иновативни онлајн услуги и фокус на ESG вредности, Комерцијална банка продолжува да го гради своето работење врз основа на доверба, професионализам и ефикасност.

Народната банка успешно ја заврши обуката за климатските ризици во партнерство со Европската инвестициска банка (ЕИБ), како дел од Програмата за зелени финансиски системи. Со оваа соработка, Народната банка значително ги зајакна своите капацитети за справување со климатските предизвици и за поддршка на зелените инвестиции.

Во рамките на програмата, над 50 вработени од Народната банка добија обука за климатските ризици, зелените финансии и финансиската регулатива којашто се однесува на одржливоста во работењето на банките. Стекнатите знаења ќе се споделат и со други финансиски институции во земјава, заради подобро управување со климатските влијанија во целиот сектор.

„Управувањето со климатските ризици е наш стратегиски приоритет. Благодарение на партнерството со ЕИБ, сега сме подобро подготвени за да ги вградиме климатските аспекти во нашите политики и за да го поддржиме преминот кон одржлива економија“, изјави гувернерката на Народната банка, Анита Ангеловска-Бежоска.

„Горди сме што ја поддржуваме Народната банка во нејзината посветеност на одржливоста. Ова партнерство придонесува за инвестирање во енергетска ефикасност и приспособување на компаниите кон климатските промени, што е важно за долгорочната конкурентност на економијата“, посочи Бјорн Габриел, претставник на ЕИБ за Северна Македонија.

Беа изработени и мапи за климатските ризици за земјава и беше спроведено национално истражување за свесноста кај компаниите за одржливо работење и за влијанието на климатските промени врз нивното работење. Програмата обезбеди и стручна поддршка за Народната банка за воспоставување рамка за известување од страна на банките за климатските ризици, според меѓународните стандарди.

Програмата е финансирана од Министерството за економија и климатска акција на Германија преку Меѓународната климатска иницијатива (ИКИ).

Халкбанк АД Скопје официјално ја поднесе својата апликација за членство во Единственото подрачје за плаќања во евра (СЕПА) до Европскиот платен совет за која
советот потврди дека е успешно поднесена. Со ова банката ќе биде вклучена во Регистарот на учесници во шемите Евроскиот платен совет на 13 јуни 2025 година.

Овој значаен чекор ја потврдува посветеност да банката да обезбеди на своите клиенти брзи, сигурни и економични решенија за плаќања низ Европа.

Со членството во СЕПА, Халкбанк АД Скопје ќе им овозможи на своите клиенти да извршуваат и примаат плаќања во евра под исти услови, со иста леснотија и ефикасност како во рамките на националните граници. Ова значи побрзи трансакции, пониски трошоци и поголема удобност за физичките лица и бизнисите кои работат на европскиот пазар.

Визијата на банката е да биде водечка банка во регионот, нудејќи иновативни и достапни финансиски услуги. Поднесувањето на апликацијата за СЕПА е дел од стратегијата на банката за интеграција во европскиот финансиски екосистем, со што дополнително ја зајакнува позицијата на доверлив партнер за финансиски потреби на населението и бизнис заедницата.

Со пристапот во СЕПА регионот, кој е сочинет од 41 земјa-членкa со преку 4.000 учесници во платежната шема, се очекува банката да биде оперативнo подготвена на почетокот на октомври 2025 година.

Халкбанк АД Скопје останува посветена на иновациите и на обезбедување на најсовремени решенија за финансиски услуги, во чекор со европските и глобалните стандарди.