Connect with us
no baners

Банки

Надзорниот одбор на НЛБ Банка Скопје го именуваше Тони Стојановски за нов Претседател на Управниот одбор на Банката

Објавено

пред 2 години

на

Надзорниот одбор на НЛБ Банка Скопје на денешната седница го именуваше Тони Стојановски за нов Претседател на Управниот одбор. Тони Стојановски ќе ја преземе функцијата Претседател на Управниот одбор на НЛБ Банка Скопје по добиена согласност од Народната банка на Република Северна Македонија. Во меѓувреме ќе ја преземе функцијата Помошник на Управниот одбор на НЛБ Банка Скопје. До добивање согласност од Народната банка за нов Претседател на Управниот одбор на НЛБ Банка Скопје, функцијата ќе ја извршува актуелниот Претседател на Управниот одбор, Бранко Грегановиќ.

Тони Стојановски доаѓа од Стопанска банка АД – Скопје каде до неодамна, 15 години беше член на Управниот одбор на Банката. Од 2020 година, Стојановски е Генерален директор за корпоративно банкарство, а во периодот помеѓу 2010 и 2020 година, тој беше и генерален директор за управување со ризици. Пред да се приклучи на менаџерскиот тим на Стопанска банка Скопје, Стојановски извршуваше високи раководни функцииво Народната банка на Република Северна Македонија, вклучително и функцијата Генерален директор на Секторот за супервизија, банкарска регулатива и финансиска стабилност. 

Тони Стојановски е банкарски професионалец со повеќедецениско работно искуство во финансискиот сектор и долгогодишен член на релевантни одбори и организации: Претседател на Управниот одбор на Македонска берза АД Скопје, Заменик претседател на Македонската банкарска асоцијација и Претседател на Надзорниот одбор на Стопанска Лизинг Скопје. 

Тој е магистер на економски науки од областа на монетарната економија, сопруг и татко на две деца. 

„Почестен сум од довербата да бидам именуван за Претседател на Управниот одбор на НЛБ Банка Скопје. Ја прифаќам оваа улога со благодарност иуште поголема одговорност. Посветеноста на тимот на Банката кон напорна работа и колективната посветеност за постигнување врвни резултати, доволно зборува за потенцијалот што оваа Банка го има за да ги постигне своите цели и да ја исполни својата мисија“.– истакнува Стојановски по денешната седница на Надзорниот одбор. 

Бранко Грегановиќ ја извршува функцијата Претседател на Управниот одбор на НЛБ Банка Скопје од јануари 2022 година. Под раководство на Грегановиќ, НЛБ Банка Скопје постигнува одлични деловни резултати, а истовремено реализирани се и бројни општествено одговорни проекти со значајно влијание во заедницата.

По именувањето на новиот Претседател на УО на Банката, Бранко истакнува: „Промените се дел од процесот на развој и составен дел од растот на Банката. Драго ми е што можам да кажам дека НЛБ Банка Скопје е добро подготвена да се соочи со идните предизвици. Би сакал да ја искористам оваа прилика да му честитам на Тони за именувањето и да му посакам многу деловни успеси и лично задоволство во новата улога.“

Слични Теми:

Банки

„Финансиска училница“ на Комерцијална банка со 90 ученици од ООУ „Јохан Хајнрих Песталоци“ во Скопје

Објавено

пред 4 часа

на

Деведесет ученици од трето одделение во ООУ „Јохан Хајнрих Песталоци“ во Скопје беа дел од едукативната програма „Финансиска училница“ на Комерцијална банка, преку која на интерактивен и забавен начин се запознаа со основите на финансиската писменост.

Преку интерактивни активности и практични примери прилагодени на нивната возраст, децата учеа како функционираат парите, зошто е важно штедењето и како одговорното управување со финансии може да помогне во носењето подобри одлуки во секојдневниот живот.

Големиот интерес и активното учество на децата потврдија дека финансиската едукација може успешно да се приближи и до најмладите, поттикнувајќи ги уште од рана возраст да развиваат здрави финансиски навики.

За многумина од нив, ова беше прв чекор кон разбирање на светот на финансиите и беше направен со голема самодоверба.

„Финансиската училница“ е дел од заложбите на Комерцијална банка за поддршка на финансиската едукација и градење генерации кои ќе располагаат со поголемо финансиско знаење, самостојност и одговорност. Од банката истакнуваат дека вложувањето во знаење е најдобрата инвестиција за посигурна финансиска иднина.

Продолжи со читање

Банки

Посебен сообраќаен режим поради велосипедската манифестација „Вози право, вози здраво“

Објавено

пред 5 часа

на

Стопанска банка информира дека утре ќе се одржи традиционалната велосипедска манифестација „Вози право, вози здраво“, поради што во централното градско подрачје ќе биде воведен посебен сообраќаен режим во координација со надлежните институции.

Од Банката ги повикуваат сите учесници и граѓани да се однесуваат одговорно и да обрнат посебно внимание на најмладите велосипедисти кои ќе бидат дел од настанот.

Воедно, организаторите препорачуваат користење заштитна опрема и внимателно чување на личните предмети, со цел сите учесници безбедно да уживаат во спортската и рекреативна дружба.

Мапата на трасата и дополнителни информации за настанот се достапни преку каналите на Стопанска банка.

Продолжи со читање

Банки

Халкбанк нуди онлајн депозити со фиксни каматни стапки до 3,5 проценти

Објавено

пред 5 часа

на

Халкбанк ја промовира својата услуга „Онлајн депозит“, која им овозможува на клиентите дигитално, брзо и едноставно да ги орочат своите средства без посета на филијала.

Во понудата се достапни повеќе рокови на орочување со фиксни каматни стапки во денари и евра. За депозит со рок од 13 месеци банката нуди каматна стапка од 3,2 проценти во денари и 2,4 проценти во евра. За орочување на 25 месеци каматата изнесува 3,4 проценти во денари и 2,6 проценти во евра.

Највисока каматна стапка е предвидена за депозитите со рок од 36 месеци, при што клиентите можат да остварат принос од 3,5 проценти за штедење во денари и 2,7 проценти за штедење во евра.

Од Халкбанк посочуваат дека услугата е наменета за корисници кои сакаат своите заштеди да ги управуваат онлајн, со едноставна процедура и однапред познати услови за орочување.

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange