Connect with us
no baners

Банки

Комерцијална и Стопанска банка Битола си “фрлија око”, можно ли е нивно присоединување?

Објавено

пред 3 години

на

Потенцијално ново присоединување на две домашни банки е на повидок, откако и двете банки (Комерцијална банка АД Скопје и Стопанска банка АД Битола) преку засебни соопштенија објавени на веб страната на Македонска берза истакнаа дека во периодот што следи ќе ја разгледуваат оваа можност.

Имено, најголемата банка во земјава извести дека ја разгледува можноста за присоединување на Стопанска банка Битола, која неодамна прослави 75 години постоење на македонскиот банкарски пазар.

“Комерцијална банка АД Скопје ја известува јавноста дека ја разгледува можноста за присоединување на Стопанска банка АД Битола кон Комерцијална банка АД Скопје, поради што ќе биде остварен контакт со раководството на Стопанска банка АД Битола за првична размена на информации.

Во оваа рана фаза постапката не претставува намера за присоединување и во ниту еден аспект нема обврзувачки карактер, освен да го изрази првичниот интерес во рамки на претходна постапка да се стекнат информации, врз основа на кои би се дефинирала евентуална намера за присоединување во иднина. Вистинската длабинска анализа ќе биде спроведена после усвојувањето на завршните сметки за 2023 година на двете банки на нивните собранија во 2024 година.

Поради тоа, ова Известување не треба да се толкува како официјална намера за присоединување на Стопанска банка АД Битола кон Комерцијална банка АД Скопје.”

Информацијата ја потврдија и од Стопанска банка АД Битола.

“Стопанска банка АД Битола ја известува јавноста дека се разгледува можноста за присоединување на Стопанска банка АД Битола кон Комерцијална банка АД Скопје, поради што ќе биде остварен контакт со раководството на Комерцијална банка АД Скопје за првична размена на информации.

Во оваа рана фаза постапката не претставува намера за присоединување и во ниту еден аспект нема обврзувачки карактер, освен да го изрази првичниот интерес во рамки на претходна постапка да се стекнат информации, врз основа на кои би се дефинирала евентуална намера за присоединување во иднина. Вистинската длабинска анализа ќе биде спроведена после усвојувањето на завршните сметки за 2023 година на двете банки на нивните Собранија во 2024 година.

Поради тоа, ова Известување не треба да се толкува како официјална Намера за присоединување на Стопанска банка АД Битола кон Комерцијална банка АД Скопје.”

Сепак, двете банки во своите соопштенија јасно информираат дека станува збор за рана намера за присоединување и дека сеуште банките се далеку од било каков почеток на преговори, односно дека длабинската анализа и првичните официјални информации може да се очекуваат откако ќе се усвојат завршните сметки за 2023 година, на Собранијата на акционери кои ќе се одржат во текот на 2024 година.

Комерцијална банка АД Скопје во првите шест месеци од 2023 година оствари значителен финансиски резултат, односно прокнижи добивка од 32,5 милиони евра.

ФАНТАСТИЧНО ПОЛУГОДИЕ ЗА КОМЕРЦИЈАЛНА БАНКА – оствари добивка од 32,5 милиони евра за шест месеци во 2023 година

Стопанска банка АД Битола во својата завршна сметка за 2022 година ги објави и очекувањата за претстојниот период, во кој вели:

“Во согласност со Деловната политика, развојниот и финансискиот план, Стопанска банка а.д. Битола и во идниот период ќе биде насочена кон прудентно, стабилно и профитабилно оперативно работење со фокус на јакнење на депозитниот потенцијал, понатамошно подобрување на вкупната актива преку засилено преземање интензивни мерки и активности за наплата на нефункционалните кредити, подобрување на квалитетот на кредитното портфолио, како и активности поврзани со продажба на преземениот имот и контрола на трошоците. Воедно Банката ќе настојува да ја одржи динамиката на раст на приходните позиции во однос на динамиката на раст на расходите, што ќе создаде предуслови за профитабилно работење во согласност со планските цели.”

Дали овие позиции банката во иднина ќе ги остварува самостојно или заеднички со Комерцијална банка АД Скопје останува да анализираме во текот на 2024 година, по објавата на првичните официјални информации поврзани со евентуалното присоединување на двете банки.

Преземањето на оваа содржина не е дозволена без согласност од Редакцијата на Банкарство.мк

Слични Теми:

Банки

Комерцијална банка генерален спонзор на боречкиот турнир „Македонски бисер“ – поддршка за вредности што траат 50 години

Објавено

пред 5 минути

на

Педесет години традиција што гради успешна спортска приказна се јубилеј што заслужува поддршка и посветеност. Токму затоа, Комерцијална банка со особена чест беше генерален спонзор на јубилејното издание на меѓународниот боречки турнир „Македонски бисер“.

Како еден од најпрепознатливите и традиционални спортски настани во државата, турнирот „Македонски бисер“, во организација на Боречкиот клуб Бучим, го афирмира борењето, кое е најтрофејниот спорт во Македонија, и претставува платформа за врвни спортски достигнувања и меѓународна промоција на земјата.

Оваа година, турнирот обедини врвни натпреварувачи од над 15 земји, со што уште повеќе се наметна како значаен спортски настан на регионално и светско ниво.

„Комерцијална банка со задоволство го поддржа јубилејното 50-то издание на турнирот ‘Македонски бисер’, кој со децении ја носи Македонија на меѓународната спортска мапа. Со поддршката на вакви врвни настани, вложуваме во спортот како двигател на позитивни вредности, во младите генерации и во континуитетот на традицијата што нѐ поврзува и нè претставува достојно пред светот“, изјави Андреј Јовковски, директор на Самостојната дирекција за маркетинг.

Банката останува посветен партнер на иницијативи што создаваат долгорочна вредност за заедницата и организираат врвни и меѓународно препознати спортски настани.

Продолжи со читање

Банки

УНИБанка донираше современ медицински апарат за Клиниката „Козле“: Поддршка за деца со цистична фиброза и белодробни заболувања

Објавено

пред 58 минути

на

УНИБанка донираше парични средства на ЈЗУ Универзитетската клиника за респираторни заболувања кај децата „Козле“ – Скопје, наменети за набавка на најсовремен медицински апарат наменет за третман на пациенти со цистична фиброза и други белодробни заболувања.

Со оваа донација се унапредува физикалната респираторна терапија кај деца и возрасни пациенти кои секојдневно се соочуваат со предизвиците на цистична фиброза, бронхиектазии, ХОББ и други заболувања кои предизвикуваат задржување на густ секрет во дишните патишта. Новата опрема ќе овозможи поефикасен и помалку заморен процес на терапија и рехабилитација.

„Веруваме дека вистинските вредности се градат преку грижа, хуманост и поддршка таму каде што се најпотребни. Особено сме горди кога можеме да помогнеме во унапредување на условите за лекување и рехабилитација на најмладите пациенти“, истакна Делчо Крастев, Претседател на Управниот одбор на УНИБанка.

Од Клиниката за респираторни заболувања кај децата „Козле“ – Скопје посочуваат дека апаратот претставува значајна поддршка во секојдневната терапија и рехабилитација на пациентите, овозможувајќи поефикасна и помалку заморна респираторна физикална терапија, со што ќе се придонесе за подобар квалитет на здравствената грижа за пациентите.

Како општествено одговорна компанија, УНИБанка останува посветена на поддршка на проекти кои придонесуваат за подобар квалитет на живот и поздрави идни генерации.

Продолжи со читање

Банки

Македонија ја надмина границата од 5 милијарди евра девизни резерви: Народната банка со највисоко ниво во последните години

Објавено

пред 24 часа

на

Официјалните девизни резерви на државата на крајот на април 2026 година достигнале 5,207 милијарди евра, покажуваат најновите податоци на Народната банка. Во споредба со крајот на 2025 година, кога девизните резерви изнесуваа 4,925 милијарди евра, забележан е раст од околу 282 милиони евра или речиси 5,7 проценти.

Структурата на девизните резерви и натаму е доминантно насочена кон сигурни и ликвидни инструменти. Најголем дел од средствата, односно 70,8 проценти, се инвестирани во хартии од вредност, додека 16,8 проценти се чуваат во монетарно злато. Останатите 12,3 проценти се пласирани во валути и депозити.

Девизните резерви претставуваат еден од клучните показатели за макроекономската стабилност на земјата, бидејќи обезбедуваат поддршка за одржување на стабилноста на девизниот курс, навремено сервисирање на надворешните обврски и зачувување на довербата во финансискиот систем.

Растот на резервите во првите четири месеци од годината упатува на задржување на солидната надворешна позиција на економијата и дополнително ја зајакнува отпорноста на земјата кон евентуални надворешни економски и финансиски шокови. За Народната банка, одржувањето на соодветно ниво на девизни резерви останува еден од клучните предуслови за зачувување на монетарната и финансиската стабилност.

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange