Connect with us

Останато

ГОЛЕМ ГРАБЕЖ – исчезна карго контејнер полн со злато!?

Објавено

пред 2 години

на

Полицијата истражува голем грабеж на злато на меѓународниот аеродром Пирсон во Торонто, каде често се испраќа злато ископано во канадската провинција.

Канадските власти соопштија дека во понеделникот на 17 април биле украдени повеќе од 20 милиони канадски долари (околу 13 милиони евра) во злато и вредни предмети. Некои медиуми, пак, пишуваат дека вредноста на украденото злато е многу поголема.

Контејнерот со стоката бил доставен до аеродромот во вечерните часови и пренесен во магацинот. Полицијата верува дека токму во магацинот се случил грабежот.

Ова е еден од најголемите грабежи во канадската историја.

Регионалниот полициски инспектор на Пил, Стивен Дувестејн, изјави дека неговиот тим ги истражува „сите патишта“ и го опиша инцидентот како изолиран и редок.

„Исчезнатиот авионски контејнер бил со големина од 0,46 метри квадратни, а покрај златото во него имало и други вредни предмети“, изјавил Дувестејн на прес-конференција на аеродромот.

Официјалните лица одбија да кажат која авиокомпанија го испратила товарот, од каде пристигнал товарот, како и точната дестинацијата.

Полицијата се сомнева дека се вмешани организирани криминални групи, пренесува “Торонто Сан”.

Инспекторот Дувестејн изјавил дека е премногу рано да се зборува за тоа.

„Поминаа неколку дена, па нашите инспектори ги држат сите опции отворени. Нашата цел е да ја решиме оваа кражба и не можам да дадам повеќе детали за јавноста“, изјавил Дувестејн.

„Крадците не влегле на аеродромот, туку влегле во магацин изнајмен од трето лице кој не е под обезбедување на аеродромот“, се вели во официјалното соопштение на аеродромот.

Слични Теми:

Останато

ПРОСЕЧНАТА ПЛАТА ЗГОЛЕМЕНА ЗА 9,8% – во септември изнесувала 41.585 денари

Објавено

пред 15 часа

на

Просечната месечна исплатена нето-плата по вработен, во септември 2024 година, изнесувала 41.585 денари и во однос на септември претходната година е зголемена за 9,8 проценти, соопшти Државниот завод за статистика.

Ваквото зголемување се должи, пред сѐ, на зголемувањето на просечната месечна исплатена нето-плата по вработенво секторите: Административни и помошни услужни дејности (12,6%), Преработувачка индустрија (11,7%) и Уметност,забава и рекреација (11,4%).

Зголемување на просечната месечна исплатена нето-плата по вработен, во однос на претходниот месец, е забележано во секторите: Рударство и вадење на камен (5,8%), Административни и помошни услужни дејности (5,0%) и Преработувачка индустрија (2,8%).

Просечната месечна исплатена бруто-плата по вработен, пак, во септември 2024 година, изнесувала 62.573 денари.

Продолжи со читање

Останато

Министерката за финансии, Димитриеска Кочоска на настан „Фискалната политика на крстопат: Патот кон стабилност и одржливи јавни финансии“

Објавено

пред 15 часа

на

Во организација на Фискалниот Совет на Република Северна Македонија и Finance Think, денеска ќе се одржи настан „Фискалната политика на крстопат: Патот кон стабилност и одржливи јавни финансии“.

Како што е најавено од организаторите, на панелот „Фискалните правила и ефективна фискална политика“, ќе учествуваат министерката за финансии Гордана Димитриеска Кочоска и претседателот на Фискалниот Совет на РСМ, Глигор Бишев.

Презентација на студијата „Фискална дисциплина и ефикасност на фискалните правила во Северна Македонија: патот кон одржливост“ ќе има Благица Петрески, извршна директорка на „Finance Think“ – Институт за економски истражувања и  политики.

Продолжи со читање

Останато

Црна Гора прва од Балканот стана дел од СЕПА зоната

Објавено

пред 1 ден

на

Црна Гора официјално стана дел од Единствената зона за плаќање во евра (SEPA), потврдувајќи го овој важен чекор за финансиската интеграција на земјата во Европската Унија. Преку успешното усогласување на националниот платен систем и регулативата со стандардите на ЕУ, Црна Гора стана првата земја од Западен Балкан која пристапува во СЕПА.

„Црна Гора, под водство на Централната банка на Црна Гора (ЦБЦГ), успешно ги усогласи националниот платен систем и регулативата со стандардите на Европската Унија (ЕУ), станувајќи првата земја од Западен Балкан која пристапува кон СЕПА“, се наведува во соопштението на Централната банка на Црна Гора (ЦБЦГ) и Европскиот совет за плаќања.

Овој потег ќе овозможи од април 2025 година, црногорските финансиски институции да започнат со испраќање и примање СЕПА кредитни трансфери, моментални трансфери и директни задолжувања со минимални или без никакви трошоци. Ова ќе ја поедностави и забрза размената на плаќања со земјите од Европската Унија, и ќе ги направи трансакциите поповолни за граѓаните и компаниите.

Гувернерката на Централната банка на Црна Гора, Ирина Радовиќ, изрази уверување дека ова е значаен чекор за финансиската интеграција на земјата со ЕУ, додека директорот на Европскиот совет за плаќања, Џорџо Андреоли, го оцени овој напредок како потврда на европската определба за унапредување на електронските плаќања во регионот.

Продолжи со читање

Популарно