Connect with us
no baners

Банки

Ангеловска-Бежоска на годишното генерално собрание на БИС

Објавено

на

Гувернерката на Народната банка, Анита Ангеловска-Бежоска учествуваше на годишното генерално собрание на најстарата меѓународна финансиска институција ̶ Банката за меѓународни порамнувања (БИС), коешто се одржа во Швајцаријa. Нашата централна банка е полноправна членка со уште шеесет и две централни банки и монетарни власти од светот, кои учествуваат и имаат право на глас на генералното собрание, што говори за улогата на  Народната банка како активен учесник во дебатите и анализите и носењето на дел од одлуките коишто се клучни за монетарната политика и монетарните движења и во светски рамки.

На 92. годишно генерално собрание на БИС беа разгледани и усвоени најновиот Годишен извештај за работата на БИС и Годишниот економски извештај на БИС за 2023 година. Усвоениот Економски извештај се осврнува на три области: антиинфлациските политики, заедничкото дејствување на монетарната и на фискалната политика со цел одржување на стабилноста и довербата, како и идните движења во монетарниот систем. Во Извештајот се нагласува потребата од холистички пристап при конципирањето на монетарните, фискалните, макропрудентните и структурните политики, земајќи ја предвид сложеноста на тековните предизвици. Како приоритет на кус рок се нагласува потребата од стабилизирање на инфлацијата и нејзино враќање кон претходните ниски стапки, фискалната консолидација и јакнење на отпорноста на финансискиот систем. На долг рок, потребни се политики коишто ќе обезбедат стабилна макроекономска и финансиска околина за одржлив и забрзан економски раст. Како значаен аспект и структурна реформа за јакнење на економскиот потенцијал се истакнуваат иновациите во дигиталната сфера во монетарниот и на финансискиот систем, имајќи превид дека иновациите во монетарната сфера секогаш биле двигателот на економската активност и раст.

Гувернерката воедно учествуваше и на 22. годишна конференција на БИС, каде што вниманието беше свртено кон актуелните теми, односно централните банки, макрофинансиската стабилност и иднината на финансискиот систем, на која беше дискутирано за односите помеѓу монетарната и фискалната политика во контекст на макроекономската стабилност, пазарите на капитал, политиките на централните банки во смисла на пазарот на обврзници, а се дискутираше и за иднината на криптосредствата, додека акцентот на дискусиите беше ставен на одржувањето на монетарната и финансиската стабилност во времиња исполнети со предизвици.

Имајќи ја предвид улогата на БИС на банка на централните банки, како и улогата на меѓународната соработка за поддршка на монетарната и финансиската стабилност, овие настани се од исклучително значење за справување со тековните предизвици, но и подготовка за идните движења во монетарната сфера. Гувернерката оствари и билатерални средби со повеќе свои колеги од централни банки членки на БИС.

Банки

ТРАЈКО СЛАВЕСКИ НА ЧЕЛО НА МОНЕТАРНАТА ВЛАСТ: Кој е новиот гувернер на Народната банка?

Објавено

на

Собранието на Република Северна Македонија го избра новиот гувернер на Народната банка, Трајко Славески, искусен економист, академик и поранешен министер за финансии. Неговото назначување доаѓа во клучен момент за монетарната политика, кога стабилноста, дигиталната трансформација и финансиската отпорност се приоритети за централните банки на глобално ниво.

Славески е редовен професор на Економскиот факултет при УКИМ, каде предава макроекономија и државна регулација. Со богата академска кариера, бил визитинг професор на Државниот Универзитет во Аризона (САД) и предавач на последипломски студии на Националниот и Каподистриски Универзитет во Атина, во рамки на програмата South Eastern European Studies.

На јавноста ѝ е познат и по неговата улога како министер за финансии во првата влада на Никола Груевски, а воедно и долгогодишен член и еден од главните економски стратези на ВМРО-ДПМНЕ. Во последниот мандат, тој ја извршува функцијата претседател на Советот на Град Скопје.

Согласно Законот за Народната банка, Славески со стапувањето на функцијата ќе мора да се откаже од партиската активност и да ја замени политичката сцена со институционална неутралност, услов што важи за сите гувернери и вицегувернери за време на својот мандат.

Новото раководство на Народната банка, на чело со Трајко Славески ќе се соочи со предизвици како инфлаторните движења, дигитализацијата на финансиските услуги, крипто регулативата и поддршката за стабилен економски раст. Со академско знаење, политичко искуство и поддршка од мнозинството, од Славески се очекува да го одржи континуитетот на независност на институцијата и да постави нови стратешки приоритети во време на динамични финансиски текови.

Продолжи со читање

Банки

НЛБ Банка во соработка со Kelley School of Business и Економскиот факултет при УКИМ со проект за дигитална трансформација на малите бизниси

Објавено

на

Во изминатите два месеци, НЛБ Банка имаше можност да биде домаќин на студенти од Kelley School of Business – Indiana University – САД, во рамки на проектот „NLB Kelley Project – Bridging the Gap“, реализиран во партнерство со Економскиот факултет при УКИМ.

Проектот беше фокусиран на оптимизација и дигитализација на работењето на малите и микро претпријатија, а студентите – постдипломци по бизнис-администрација работеа како вистински консултанти, под менторство на професорот Christopher S. Cook и во блиска соработка со тимот на НЛБ Банка составен од Петар Трпески, Нинослав Станковиќ и координаторот на проектот Александра Вангеловска.

Финалната презентација на препораките беше одржана пред Управниот одбор на НЛБ Банка, при што беа претставени иновативни и применливи решенија кои ќе бидат директно имплементирани во деловното работење.

„Горди сме што добиените препораки од овој проект ќе бидат директно имплементирани во работењето на Банката, како важен чекор кон дигитална трансформација и унапредување на услугите за малите бизниси – сегмент на кој Банката посветува особено внимание“, истакнуваат од НЛБ Банка.

Со ваквите проекти, НЛБ Банка ја зајакнува својата стратешка ориентација кон иновации, младинска вклученост и соработка со академската заедница – темели што го поддржуваат понатамошниот развој на финансискиот сектор и локалната економија.

Продолжи со читање

Банки

Кредитна поддршка од Комерцијална банка и ЕБОР за зелени инвестиции на мали и средни претпријатија преку кредитната линија зa финансирање во зелена енергија (GFF Македонија)

Објавено

на

Во време кога енергетската ефикасност и обновливите извори на енергија се сѐ поважни за одржлив развој на бизнисите, малите и средните претпријатија имаат одлична можност за финансирање на зелени инвестиции преку наменски кредити од Комерцијална банка. 

Дизајнирана специјално за да ги поддржи инвестициите во обновливи извори на енергија и во енергетски ефикасни проекти, кредитната линија зa финансирање во зелена енергија (GFF Македонија) е обезбедена со заем од Европската банка за обнова и развој во износ од 4 милиони евра во рамките на заедничкиот Зелен финансиски фонд (Green Finance Facility), подржан од УНДП, Заедничкиот SDG фонд, Владата на Македонија и од ЕБОР.

За малите и средните претпријатија кои размислуваат долгорочно, GFF кредитната линија овозможува финансиска поддршка и партнерство за раст и одржливост. Инвестициите во зелени технологии и во енергетска ефикасност придонесуваат за намалување на трошоците на компаниите, зголемена оперативна ефикасност и заштита на животната средина.

GFF кредитната линија овозможува поддршка со атрактивни услови за кредит во износ до 1.000.000 евра и рок на отплата до 10 години. Обезбедува и поврат на инвестиција и бесплатна техничка помош од страна на консултанти, а секој клиент добива индивидуален пристап со цел креирање финансиско решение што најмногу му одговара.

Комерцијална банка овозможи кредитна поддршка од GFF кредитната линија за компаниите кои што се подготвени да направат паметен чекор напред. Придобивките од инвестициите во зелена енергија и во енергетска ефикасност не се само финансиски, туку ја зголемуваат и конкурентноста на претпријатијата и испраќаат јасна порака до клиентите и до партнерите дека одржливоста е вредност во која веруваат.

Повеќе информации за GFF кредитната линија се достапни на следниот линк.

Продолжи со читање

Популарно