Connect with us

Банки

2,2 милиони успешни трансакции во 2022 година со е-commerce од Комерцијална банка

Објавено

пред 2 години

на

Е-продавницата стана задолжителна алка во синџирот кој продуцира успешни бизниси во денешното дигитално време. Пред и по Covid-пандемијата веќе ништо не е исто и затоа онлајн продажбата освојува сѐ повеќе купувачи. Токму затоа и Комерцијална банка е особено горда на својот придонес за развојот на е-трговијата во земјава.

Како пионер во имплементацијата на e-commerce услугата во земјава, во далечната 2011 година, Комерцијална банка со постојаните иновации услугата ја доведе до врвно ниво. А, клиентите го препознаваат тоа. Заедничката доверба и соработка придонесоа во 2022 година банката да регистрира 2,2 милиони успешни трансакции, што е за 21% повеќе отколку во 2021.

На секои 14 секунди Комерцијална банка процесираше по една успешна трансакција преку е-продавница во 2022 година. Тоа се 6.000 трансакции дневно, односно 180.000 успешни трансакции во е-трговијата месечно.

“Задоволство е да се следи успехот на над 400 клиенти, кои во 2022 година ја користеа e-commerce услугата на Комерцијална банка за остварување на своите бизнис цели. Комерцијална банка секогаш ги поддржува иновативните дигитални канали за вршење плаќања бидејќи тие значат нови и подобри решенија согласно барањата на клиентите. Успешната е-продавница подразбира комплексен процес, во кој се особено важни добрата идеја, корисничкото искуство, дизајнот, автоматизацијата, брзината, доставата, безбедноста, маркетингот, таргетирањето вистинска целна група и, секако, банката партнер. Нашите клиенти добиваат беспрекорна поддршка во делот на процесирање на трансакциите и најстабилна основа за развој на нивниот бизнис план“, вели Владимир Киевски, одговорен за прифаќање банкарски картички во Комерцијална банка.

Банката ги следи своите клиенти во сите нивни аспекти од работењето, па во тој контекст годинава беше златен партнер на Ecommerce Awards 2022 и ја обезбеди наградата за најдобра мобилна апликација за е-трговија.

Според Киро Чадиковски, директор на Дирекцијата за банкарски картички и платежни сметки во Комерцијална банка, тоа само по себе покажува колку банката е посветена на овој сегмент од банкарското работење, колку верува во него и колку го поддржува.

„Пораката што ја праќаме е многу едноставна: е-трговците треба да веруваат во себе, како што и банката верува во нивниот успех. Без разлика дали почнале пред неколку месеци или пред повеќе години, важен е фактот дека се осмелиле и почнале. Дефинитивно тој процес нема крај, но препорачливо е континуирано да се развиваат, надградуваат, да ги следат сите светски трендови бидејќи новите генерации, нивните потенцијални клиенти, растат со нив. Улогата на банката е да го сподели целото знаење и да ги советува клиентите како да дојдат до подобро решение, концепт кој носи успех и профит. Големиот број постоечки клиенти и искуството на целиот тим на банката кој работи во овој сегмент се значајни аспекти кои можат многу да придонесат за успех на електронската трговија како канал за продажба“, истакнува Чадиковски.

Иновациите и особено дигитализацијата како современ тренд се процеси кои во Комерцијална банка стануваат уште подоминантни. Банката веќе ја воведе услугата за електронска идентификација без посета на шалтер преку апликацијата OneID, со што е прва во земјава која им овозможи на своите клиенти практична примена на електронскиот идентитет. Банката најавува дека оваа година ќе започне да ја нуди и услугата плаќање со линк, што за одредени трговци ќе го олесни концептот на прифаќање картички преку виртуелни ПОС-терминали.

„Дигитализацијата е процес кој има почеток, но нема крај, без разлика дали се работи за внатрешни процеси во една компанија или за надворешни процеси кои директно ги користат клиентите. Една од стратешките определби на Комерцијална банка се иновациите. Тие се главните „виновници“ за нашиот успех и секогаш се во интерес на нашите клиенти. Постојано развиваме нови и подобрени решенија, водејќи сметка за елиминирање и на најмалите потенцијални ризици“, вели Чадиковски.

Слични Теми:

Банки

Европската централна банка за разлика од ФЕД одлучи да намали три клучни каматни стапки

Објавено

пред 5 дена

на

Европската централна банка (ЕЦБ) донесе одлука да намали три клучни каматни стапки за 25 базични поени.

Така, од 5 февруари каматните стапки на депозитните капацитети ќе изнесуваат 2,75 отсто, што е најниско ниво од почетокот на 2023 година. Каматната стапка на операциите за главно рефинансирање е намалена на 2,9 отсто, а на маргиналните кредитни линии на 3,15 отсто.

Одлуката е донесена само еден ден откако Федералните резерви на САД ја задржаа референтната каматна стапка стабилна на 4,25 до 4,5 проценти.

Продолжи со читање

Банки

Халкбанк АД Скопје: Јануарските пензии се веќе исплатени!

Објавено

пред 6 дена

на

Халкбанк АД Скопје ги известува своите ценети клиенти пензионери дека од денес 30.01.2025 година исплатени се јануарските пензии!

Пензионерите кои имаат активна дебитна картичка со својата пензија може да располагаат од денес, 30.01.2025 година, и истата може да ја подигнат на банкоматите или да ја користат за безготовинско плаќање при пазарење.

„Драги пензионери, пензиите се исплатени! Од денес 30.01.2025, вашите средства се достапни во сите филијали на Халкбанк, на банкоматите и преку електронско и мобилно банкарство. Доколку сте дале согласност, можете да ги подигнете и во поштенските единици на Пошта на Северна Македонија“, се вели во објавата на Банката.

Продолжи со читање

Банки

Добивката на ТТК Банка порасна за 2,9% и дојде до 1,76 милиони евра во 2024 година

Објавено

пред 6 дена

на

Во периодот од 1 јануари до 31 декември 2024 година, ТТК Банка АД Скопје ја реализираше својата стратегија, работејќи во согласност со клучните цели и задачи утврдени во Деловната политика и во Финансискиот план за 2024 година.

Во текот на 2024 година, ТТК Банка АД Скопје успешно ги усогласи своите стратешки цели со променливите макроекономски услови, што доведе до зголемување на профитабилноста и обезбеди стабилна и континуирана вредност за сите засегнати страни – клиентите, вработените и акционерите.

Заклучно со 31 декември 2024 година, Банката забележа позитивен финансиски резултат од 108,3 милиони денари, што претставува пораст од 2,9% во споредба со истиот период минатата година. Овој успех е резултат на зголемените оперативни приходи од 3,6%, при што истовремено беа контролиран и расходите, кои пораснаа за 8,0%. Дополнително, исправките на вредноста на финансиските средства на нетооснова достигнаа 37,4 милиони денари, што ја потврдува финансиската стабилност на Банката и нејзината подготвеност да се справи со динамичните пазарни услови.

Финансиски остварувања на ТТК Банка

Во 2024 година, билансната сума на Банката достигна ниво од 11.015 милиони денари, што претставува значителен раст од 9,1% во споредба со претходната година. Планот е остварен со 105,5%.

Заклучно со 31.12.2024 година, евидентиран е пораст на кредитите и побарувања од други комитенти за 9,9% во однос на 31.12.2023 година. Порастот во најголем дел произлегува од зголемувањето на кредитирањето на физички лица за 13,1%, преку зголемени пласмани на потрошувачки и на станбените кредити. Планот за овој период е исполнет со 104,0%.

Депозитите на други комитенти изнесуваат 9.466 милиони денари и бележат пораст во однос на минатата година од 11,4%, што се должи на зголемувањето на депозитите по видување и на орочените депозити кај физичките лица за 13,8% и на зголемувањето на орочени депозити на финансиски друштва за 90,5%. Во однос на планот се остварени со 107,1%.

Нето-приходите од камати претставуваат основна компонента во формирањето на вкупните приходи од работењето на Банката. Остварените нето-приходи од камати во периодот од 1.1.2024 до 31.12.2024 година изнесуваат 344,9 милиони денари и во однос на планот се остварени со 101,4%. Во однос на истиот период минатата година, зголемени се за 37,4 мил. денари или 12,2%. Порастот, во најголем дел, се должи на зголемените каматни приходи од секторот Банки и Финансиски институции, како резултат на повисоките каматни стапки поставени од монетарната политика на Централната банка при остварен раст и на приходите од камати од секторите стопанство и домаќинства.

Нето-приходите од провизии и надоместоци за услуги во тековниот период изнесуваат 166,9 милиони денари. Најголемо учество во генерирањето на приходите од провизии имаат провизиите од домашниот платен промет, како и провизиите од картично работење. Приходите од провизија бележат годишен раст од 2,5%. Нето-приходите од провизии и надоместоци за услуги во однос на планот за овој период се остварени со 84,8%.

Нето-приходите од курсни разлики изнесуваат 15,7 милиони денари и бележат годишен раст од 1,1% како резултат на зголемениот обем на тргувања на девизниот и на менувачкиот пазар. Во однос на планот се остварени со 96,8%.

Останатите приходи од работењето на Банката изнесуваат 26,1 милиони денари и се пониски за 53,9% во однос на минатата година, како резултат, во најголем дел, од понискиот износ на приходи од капитална добивка од продажба на преземени средства во тековната година. Во однос на планот се остварени со 48,5%.

Вкупните оперативни трошоци во анализираниот период изнесуваат 417,6 милиони денари и се за 8,0% повисоки во однос на истиот период минатата година, како резултат на зголемените трошоци за плати и вработени, што ја одразува стратегијата на Банката за континуирано инвестирање во човечките ресурси и задржување на квалификуваниот персонал, како и на повисоките трошоци за амортизација, кои се резултат на инвестиции во инфраструктурата и технологијата. Во однос на планот се остварени со 99,6%.

Во споменатиов период, исправката на вредноста на финансиските средства и на посебната резерва за вонбилансна изложеност на нето-основа изнесува 37,4 милиони денари и таа соодветствува со обемот, структурата и квалитетот на пласманите на Банката. Во споредба со истиот период од претходната година, овој износ е на пониско ниво за 10 милиони денари, што претставува намалување од 21,3%, што е резултат на засилените активности на Банката во наплатата на кредитните пласмани.

Во текот на 2024 година прокнижена е загуба заради оштетување на нефинансиските средства во износ од 1,1 милиони денари.

Очекувања за претстојниот период

Најновите услови во економијата овозможуваат да се продолжи со претпазливо нормализирање на поставеноста на монетарната политика. Оттука, централните банки почнаа да ги олабавуваат затегнатите монетарни политики, што сигнализира дека каматните стапки ќе продолжат постепено да се намалуваат и во претстојниот период. И натаму треба да се следат ризиците поврзани со надворешното окружување, пред сè, цените на примарните производи, коишто сè уште се под влијание на нестабилниот геополитички контекст и климатските промени, а треба да се внимава и на ризиците од домашните фактори коишто можат да влијаат врз побарувачката и цените во следниот период.

Сегашната клима сугерира дека и во следниот период Банката и понатаму внимателно ќе ги анализира тековните макроекономски параметри, ќе ги следи мерките, активностите и предвидувањата на економските авторитети и на носителите на економските политики и на операторите, ќе ги усогласува интерните индикатори и ќе го приспособува нејзиното работење на пазарните услови, со фокус кон одржување на ликвидноста и на долгорочната стабилност.

Банката ќе продолжи да дејствува проактивно, фокусирајќи се кон стабилно и профитабилно оперативно работење врз основа на реални и на предвидливи очекувања. Кредитната активност се очекува да продолжи да се реализира преку работата со населението и со малите и средни претпријатија, паралелно со севкупното зајакнување на економската активност и на зголемената побарувачка за кредити. Притоа, Банката ќе ги презема сите неопходни активности за одржување на квалитетот на портфолиото, конкурентноста и развојот на понудата на производи и услуги, како и изнаоѓање флексибилни решенија приспособени на потребите на клиентите.

Креирањето одржливи и ефикасни процеси, посветеноста кон зголемување на квалитетот и ефикасноста во клиентската услуга и зголеменото клиентско задоволство, реализацијата на планираниот обем на активности предвидени со деловната политика, понудата на зелени кредитни производи приспособени на потребите на клиентите, натамошниот развој на дигитализација на процесите, надградбата на производите и услугите достапни преку дигиталните канали како и потпирањето на сопствените извори на финансирање и понатаму ќе претставуваат основа на деловната стратегија на Банката за 2025 година, при што и натаму депозитите од секторот население остануваат со доминантно учество во вкупните извори на средства.

Продолжи со читање

Популарно