Осигурување

Од клик до осигурителна полиса – онлајн без чекање

Објавено

пред 8 месеци

на

5 ноември, 2025

Денес, да се избере осигурителна полиса не мора да значи долги редици, хартија и чекање. Минт Инс како осигурителен брокер им нуди на своите клиенти достапност на начин најдобар за нивните потреби и тоа не само во нашите филијали, туку и целосно онлајн преку Минт Инс веб страната или Mint App мобилната апликаија.

Со Минт Инс, осигурувањето е во тек со дигиталната ера – брзо, транспарентно и достапно за секого, во секое време. Добијте понуда и склучете осигурителна полиса онлајн.

Зошто да склучите осигурителна полиса онлајн?

Со склучувањето на осигурителна полиса онлајн, целиот процес на осигурување се олеснува: од пребарување и споредба на понуди, до склучување и следење на вашите полиси.

Преку Минт Инс осигурителен брокер, имате можност:

Да побарате понуда за осигурување онлајн преку нашата веб-страна или мобилната апликација Mint App за различни видови осигурувања.
Да добиете пристап до понуди од повеќе осигурителни компании.
Да ја склучите полисата онлајн со само неколку клика.
Да ја следите и проверувате состојбата директно од апликацијата во секое време.

Целиот процес е дизајниран за брзина и едноставност – без непотребни чекори, без чекање.

Како осигурителните полиси достапни онлајн го олеснуваат процесот?

Можноста да склучите осигурителна полиса онлајн значи дека целата постапка – од добивање понуда, до плаќање – се одвива дигитално. Ова не е само дигитализација на стар процес. Ова е нов начин на размислување.

Минт Инс е осигурителен брокер кој не само што ги поврзува корисниците со повеќе осигурителни компании, туку им дава и целосна контрола врз нивните полиси преку нашата веб страна и мобилната апликација Mint App.

Со Mint App, сè е на вашиот телефон: избирате вид на осигурување кое ви одговара, добивате понуда според вашите потреби, ја склучувате полиса и ги имате информациите за истата достапни во апликацијата.

Брзина

Нема повеќе чекање во ред, нема повици до осигурителни агенти. Нема повици, нема чекање. За неколку минути аплицирате за својата осигурителна полиса онлајн, без разлика дали сте дома, на работа или на патување.

Едноставност

Процесот е дизајниран така што секој може да го користи – без техничко знаење, без сложени чекори. Интерфејсот и на Минт Инс веб страната и на Mint App е јасен и интуитивен. Сè што ви треба е достапно на едно место.

Заштеда на време

Времето е највредниот ресурс денес. Со Минт Инс, добивате осигурување на начин кој вас ви одговара, од компјутер, таблет, мобилен, или во канцеларија. Нашата цел е да го направиме начинот на добивање понуда значително пооелеснителен за нашите клиенти.

Целосна транспарентност

Повеќе нема скриени детали или нејасни услови. Нашите брокери Ви помагаат да изберете најсоодветна понуда од различни компании, така што секогаш го добивате најповолното решение за вас.

Минт Инс – Повеќе од осигурителен брокер

Повеќе нема потреба да го одложувате осигурувањето затоа што „немате време“. Минт Инс е тука за да ви заштеди време, да ја поедностави процедурата и да го направи осигурувањето – конечно – современо.

Зад Минт Инс стои тим од лиценцирани брокери со долгогодишно искуство, кои ја комбинираат експертизата од осигурителниот сектор со современа технологија. Резултатот е систем кој е:

брз и сигурен,
едноставен за користење,
достапен 24/7,
и создаден за вистинските потреби на клиентите.

Покрај тоа, Минт Инс нуди постојана корисничка поддршка и советување, така што секогаш можете да добите професионален совет пред да ја склучите вашата полиса.

Какви видови осигурувања можете да добиете преку Минт Инс?

Преку Минт Инс можете да склучите осигурителна полиса за следните видови на осигурувања:

Секој вид на осигурување има различни карактеристики. Сѐ што треба да направите е да нè контактирате, и ние ќе ви изработиме персонализирана понуда, прилагодена на вашите потреби.

Минт Инс – Брзо, едноставно и без чекање

Секоја осигурителна полиса склучена онлајн преку Минт Инс е чекор напред кон нов начин кој штеди време, нуди транспарентност и носи сигурност. Со само неколку клика, можете да добиете осигурителна полиса онлајн, да ја плаќате на рати, да ја следите состојбата и да имате целосна контрола.

Ако барате брзина, едноставност и заштеда на време, тогаш Минт Инс е вистинскиот избор за вас. Дополнително, преку Mint App, Минт Инс го поедноставува процесот на склучување на осигурување.

Посетете ја веб страната Минт Инс или преземете ја Mint App, добијте понуда за неколку минути, и склучете осигурителна полиса онлајн – брзо, едноставно и без чекање.

ПР објава

Следно

Flex Broker: Стратешкиот мост меѓу клиентите и современите осигурителни решенија

Не пропуштајте

КБ Прво пензиско друштво го одбележа Светскиот ден на штедењето со порака за сигурна иднина

Осигурување

Македонија Осигурување и Винер меѓу најголемите корисници на брокерскиот канал во првиот квартал

Објавено

пред 15 часа

на

23 јуни, 2026

Брокерските и застапничките друштва во првиот квартал од годинава пласирале милионски износи премија кон осигурителните компании, а најголем дел од средствата завршиле кај водечките компании во сегментот на неживотно осигурување.

Според податоците на Агенцијата за супервизија на осигурување, преку посредниците најмногу премија е реализирана кон Македонија Осигурување, која во повеќе случаи е доминантен примател на договореното осигурување.

Значителен удел имаат и Триглав Осигурување, Сава Осигурување, Винер Виена Иншуренс Груп, Еуролинк Осигурување и Халк Осигурување.

Меѓу најактивните посредници се издвојуваат Актива Осигурување и Тренд МР, кои во првиот квартал реализирале значителен број договори во повеќе класи на осигурување.

Податоците покажуваат дека најголем интерес кај клиентите и натаму има за автомобилската одговорност, осигурувањето од незгода и имотното осигурување. Само кај Актива Осигурување биле склучени 4.887 договори за автомобилска одговорност, додека Тренд МР реализирал повеќе од 4.000 договори во оваа категорија.

Во сегментот на имотно осигурување од пожар и други опасности, како и туристичка помош, исто така се бележи значителна активност, што упатува на постепено проширување на интересот на граѓаните и компаниите кон различни видови осигурителна заштита надвор од задолжителното автомобилско осигурување.

Овие показатели потврдуваат дека неживотното осигурување останува најголемиот сегмент на домашниот осигурителен пазар, а водечките компании продолжуваат да се натпреваруваат за поголем удел преку брокерите и застапничките мрежи.

Продолжи со читање

Осигурување

Триглав живот и Кроација живот предводат на пазарот: Над 93 милиони денари премија во мај

Објавено

пред 15 часа

на

23 јуни, 2026

Осигурителните компании кои работат во сегментот на животното осигурување во мај годинава оствариле вкупна бруто полисирана премија од 93,5 милиони денари, покажуваат податоците на Агенцијата за супервизија на осигурување.

Најголем дел од премијата е остварен од Триглав Живот со над 31,5 милиони денари, со што компанијата е лидер на пазарот во анализираниот месец. Веднаш зад неа е Кроација Осигурување Живот со повеќе од 35 милиони денари премија.

Значителен придонес има и Сигал Лајф со околу 18,8 милиони денари, додека Граве реализирал 3,7 милиони денари. Винер Лајф евидентирал речиси два милиони денари премија, а Прва Живот над 2,1 милиони денари.

Податоците покажуваат дека најголем дел од средствата и натаму доаѓаат од основното животно осигурување, кое учествува со повеќе од 28,5 милиони денари. Во рамките на оваа категорија доминира мешаното осигурување со речиси 24,7 милиони денари, што укажува дека граѓаните најчесто избираат производи кои комбинираат осигурителна заштита и штедна компонента.

Кај полисите со учество во добивката се реализирани дополнителни 29,1 милиони денари, што дополнително ја потврдува побарувачката за долгорочни штедни и инвестициски осигурителни производи.

И покрај предизвиците на пазарот, осигурителните компании очекуваат стабилна побарувачка во текот на годината, особено за производите кои нудат комбинација од осигурителна заштита и штедна компонента.

Продолжи со читање

Осигурување

Кроација Осигурување: Животните промени се причина за ревизија на полисата за животно осигурување

Објавено

пред 1 недела

на

15 јуни, 2026

Животните околности и приоритетите на луѓето постојано се менуваат, а со нив се менуваат и потребите за финансиска заштита. Од Кроација Осигурување потсетуваат дека клучните животни настани се вистински момент за ревизија на полисата за животно осигурување.

Како најчести причини за преиспитување на постојната полиса се наведуваат стапувањето во брак, проширувањето на семејството, започнувањето ново работно место, унапредувањето во кариерата, дополнителните приходи или преземањето нови финансиски обврски.

Од компанијата велат дека навременото усогласување на полисата со актуелната животна состојба може да обезбеди поголема финансиска сигурност и спокојство за иднината.

„Животот постојано се менува, а со него и вашите приоритети. Клучни животни настани како стапување во брак, проширување на семејството, ново работно место или финансиски обврски се сигнал дека е време за ревизија на полисата за животно осигурување“, велат од Кроација Осигурување.

Продолжи со читање