Connect with us

Банки

Билатерална фаза на аналитички преглед на законодавството со ЕУ – учество на претставници на Народната банка во билатералната фаза за областа „Слободно движење на капиталот“

Објавено

пред 3 години

на

Народната банка е активно вклучена во активностите на работните групи за подготовка на преговарачките позиции за пристапување на нашата земја во Европската Унија. Во рамките на вториот кластер „Внатрешен пазар“, но за четвртото поглавје „Слободно движење на капиталот“, свое излагање имаа претставници од Дирекцијата за банкарска регулатива и решавање банки во однос на подрачјето „Слободно движење на капиталот и плаќања“, од Дирекцијата за платни системи во однос на подрачјето „Платни системи“ и од Дирекцијата за теренска супервизија во однос на подрачјето „Спречување перење пари и финансирање тероризам“.

Во подрачјето „Слободно движење на капиталот и плаќања“ беше образложена примената на законската регулатива за одделните капитални трансакции коишто се во надлежност на Народната банка, како што се кредитните и депозитните работи, плаќањата и трансферите врз основа на тековни и капитални трансакции, како и за посебните заштитни мерки уредени во Законот за девизното работење. Воедно, акцентот беше ставен и на идните активности во однос на приспособувањето на регулативата од областа на девизното работење со новиот Закон за платежни услуги и платни системи.

Во подрачјето „Платни системи“ беше презентиран напредокот во доменот на подзаконските акти коишто произлегуваат од Законот за платежни услуги и платни системи, а коишто Советот на Народната банка ги усвои кон крајот на 2022 година и почетокот на 2023 година. Во овој контекст беше нагласено дека правната рамка на Република Северна Македонија којашто ги регулира платежните услуги и платните системи во значителен дел е усогласена со правото на Европската Унија од оваа област.

Во подрачјето „Спречување перење пари и финансирање тероризам“ беа презентирани активностите и мерките коишто тековно ги спроведува Народната банка во борбата против перењето пари и финансирањето тероризам кај субјектите над коишто врши надзор, како и усогласеноста со европското законодавство и идните активности коишто треба да се преземат во текот на 2023 и 2024 година.

Слични Теми:

Банки

Шпаркасе Банка нуди онлајн потрошувачки кредит: Пари на сметка за само 10 минути

Објавено

пред 5 часа

на

Шпаркасе Банка нуди онлајн потрошувачки кредит, со кој клиентите можат брзо и едноставно да обезбедат финансиски средства без посета на филијала и без сложена документација.

Од банката информираат дека аплицирањето се врши целосно дигитално преку апликацијата S-Banka или преку Net Banking, а процесот е достапен 24 часа на ден, седум дена во неделата. Според информациите, одобрените средства може да бидат префрлени на сметката на клиентот за само десет минути по поднесувањето на апликацијата.

Онлајн потрошувачкиот кредит е наменет за корисници кои сакаат брзо финансирање за различни потреби, од патувања и лични планови до други тековни трошоци, без дополнителни административни процедури.

Од Шпаркасе Банка нагласуваат дека услугата е дизајнирана да овозможи едноставно, брзо и целосно дигитално искуство за клиентите.

Повеќе информации за понудата се достапни на: https://bit.ly/40EM5Ee

Продолжи со читање

Банки

Халк банка нуди потрошувачки кредит до 2,5 милиони денари

Објавено

пред 6 часа

на

Халкбанк им нуди на клиентите можност за потрошувачки кредит до 2.500.000 денари, наменет за реализација на различни лични планови и потреби.

Кредитот е достапен со рок на отплата до 120 месеци и фиксна каматна стапка, што овозможува поголема предвидливост при отплатата. Понудата е наменета за приматели на плата и пензионери кои имаат сметка во Халкбанк.

Средствата може да се искористат за различни намени, како реновирање на домот, купување автомобил или други лични инвестиции, во зависност од потребите на клиентите.

Повеќе информации за условите и начинот на аплицирање се достапни на веб-страницата на банката: https://www.halkbank.mk/promo-kredit-10-mk.nspx

Продолжи со читање

Банки

Стопанска банка нуди можност за плаќање преку Google Wallet

Објавено

пред 6 часа

на

Стопанска банка им нуди на своите клиенти можност за користење на Google Wallet, што овозможува брз и сигурен пристап до платежните картички преку мобилен уред.

Корисниците можат да ги додадат своите картички од Стопанска банка во Google Wallet и да плаќаат на сите продажни места каде што се прифаќа Google Pay и бесконтактни плаќања. На овој начин плаќањето може да се изврши едноставно преку мобилен телефон, без потреба од користење физичка картичка.

Со оваа услуга, клиентите добиваат практично решение за секојдневни плаќања, кое овозможува брза и безбедна трансакција насекаде каде што е достапно бесконтактното плаќање.

Од банката посочуваат дека користењето на Google Wallet претставува дополнителна погодност за клиентите, со што тие можат полесно да управуваат со своите платежни картички и да плаќаат на едноставен и сигурен начин.

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange