Connect with us

Банки

Средба на гувернерката со претседателката на АСО: Финансиската стабилност е заеднички приоритет

Објавено

на

Блиската соработка помеѓу финансиските регулатори игра значајна улога во зачувувањето на финансиската стабилност, особено земајќи ги предвид глобалните неизвесности и ризици. Со постојан координиран надзор и навремена размена на информации, регулаторите можат подобро да ги предвидат и да се справат со потенцијалните предизвици за финансискиот систем. Таквата соработка обезбедува ефективно спроведување на макропрудентните мерки, ја зајакнува отпорноста и придонесува за одржлив економски раст. Ова беше посочено на средбата помеѓу гувернерката на Народната банка, Анита Ангеловска-Бежоска и новоназначената претседателка на Советот на експерти на Агенцијата за супервизија на осигурување (АСО), Ели Дракуловска, која воедно е и нов член на Комитетот за финансиска стабилност.

На средбата беа разгледани сегашните параметри во банкарскиот и осигурителниот сектор, при што беше заклучено дека податоците покажуваат стабилност во двата сектора, што, пак, придонесува кон општата финансиска стабилност. Гувернерката на Народната банка, Ангеловска-Бежоска, истакна дека во изминатите години, и покрај предизвиците коишто произлегоа од повеќето кризи, банкарскиот сектор обезбеди солидна кредитна поддршка за домаќинствата и компаниите, поддржана од солидниот раст на депозитите, и тоа пред сѐ во домашна валута и на подолги рокови. Ваквите позитивни промени во билансите на банките беа проследени и со постојано зајакнување на солвентноста и ликвидноста на банките, при задржување на квалитетот на кредитното портфолио.

Ели Дракуловска, претседателка на Советот на експерти на АСО, пак, истакна дека соработката меѓу регулаторите во финансискиот сектор е особено важна за успешно и сеопфатно заедничко делување коешто е предуслов за остварување и задржување на финансиската стабилност. Притоа, АСО како регулатор на осигурителниот пазар во рамките на своите надлежности постојано и целосно е посветен на подобрување на амбиентот за работа и законските рамки заради внесување новини во осигурителната индустрија за зголемување на бруто полисираната премија и вложувањата во осигурителниот сектор.

Од 2020 година, преку потпишување на Меморандумот за соработка, беше формиран Комитетот за финансиска стабилност во кој учествуваа сите тела надлежни за супервизија и надзор на одделните сегменти од финансискиот систем (Народната банка, Министерството за финансии, Комисијата за хартии од вредност (КХВ), Агенцијата за супервизија на капитално финансирано пензиско осигурување (МАПАС) и Агенцијата за супервизија на осигурувањето (АСО)). Од 2022 година, со носењето на Законот за финансиска стабилност, Комитетот за финансиска стабилност правно се врамува, како меѓуинституционално тело одговорно за следење на спроведувањето на макропрудентната политика во земјава и за координација на активностите при идентификувањето и следењето на системските ризици во одделните сегменти од финансискиот систем и на финансискиот систем во целина при преземањето макропрудентни мерки и подготовката и управувањето со финансиска криза.

Банки

За еден миг со НЛБ мКлик, од сега целосно дигитално, до нова кредитна картичка и зголемување на кредитен лимит

Објавено

на

НЛБ Банка воведува две нови функционалности преку својата мКлик мобилна апликација, правејќи ја мКлик апликацијата вистинска „банка на дланка“ и овозможувајќи продуктите кои досега се пласираа единствено на традиционален начин да бидат достапни до клиентите и преку дигиталните канали на Банката.

Веќе од денес, корисниците на мобилното банкарство на НЛБ Банка можат да аплицираат за кредитна картичка, како и за зголемување на кредитен лимит на постоечка картичка, едноставно преку својата мКлик мобилна апликација. Онлајн аплицирањето овозможува лесен и брз пристап до финансиски средства, без потреба од физичка посета на експозитура, освен кога клиентот треба да ја подигне новата картичка и ПИН кодот за нејзино користење, во експозитурата која тој самиот ќе ја избере. Во процесот за зголемување на лимит на кредитна картичка, клиентот го има на располагање новиот лимит веднаш по завршување на процесот.

„Ние будно ги следиме преференците на клиентите согледувајќи ја нивната сè поголема потреба да управуваат со своите финансии дигитално и со само неколку допири на својот телефон или компјутер. По неодамна воведеното електронско потпишување на кредитна документација, онлајн ажурирањето на лични податоци и низа други дигитални услуги на Банката, со оваа надградба, продолжуваме да ги носиме традиционалните банкарски услуги од експозитурите во рацете на нашите клиенти, овозможувајќи им супериорно искуство и високо ниво на безбедност.“ – истакнуваат од НЛБ Банка.

За да можат да аплицираат онлајн за кредитна картичка и/или зголемување на кредитниот лимит на постоечка картичка, клиентите треба да користат еден од мКлик пакетите со привилегија на плаќање, валиден документ за лична идентификација евидентиран во системите на Банката, активна платежна сметка и средства на истата за наплата на апликативен трошок.

Трошокот за онлајн аплицирање за кредитна картичка и/или зголемување на кредитниот лимит на постоечка картичка е ист како и во експозитурите, а сите нови апликации преку мКлик каналот, почнувајќи од денеска и во наредните три месеци, промотивно се достапни без надоместок.

Клиентите можат да ја ажурираат или преземаат мКлик мобилната апликација бесплатно од платформите PlayStore или AppStore, во зависност од оперативниот систем на корисничкиот уред. мКлик нуди едноставен пристап до сите банкарски податоците, проверка на состојба и промет на сите сметки, овозможува и вршење на интерни трансакции, плаќање на режиски трошоци и останати плаќања кон физички и правни лица, плаќање на пријател, аплицирање за кредит како и низа други придобивки. Преку неа, корисниците можат да бидат во контакт со Банката во кое било време, без разлика каде се наоѓаат – дома, на работа или во движење.

Продолжи со читање

Банки

Тим билдинг со вкус на Италија – Халкбанк преку гастрономија го зајакнува тимскиот дух

Објавено

на

Халкбанк АД Скопје уште еднаш ја потврди својата определба дека луѓето се во фокусот на сè што прави. Во организација на Синдикатот на Халкбанк, изминатиот петок се одржа креативен тим билдинг на кој вработените имаа можност да се поврзат на поинаков начин, преку заедничко готвење и дегустација на италијански специјалитети.

Настанот се реализираше со поддршка на професионалците од FJ Culinary Consultants, експерти во гастрономски мастер класови, кои ги водеа вработените низ процесот на подготвување автентични италијански јадења. Освен што научија нови техники и рецепти, учесниците имаа можност да уживаат во вкусен петочен ручек, подготвен со многу ентузијазам, креативност и тимска соработка.

Главната цел на оваа активност беше постигната – зголемување на тимската кохезија, зајакнување на меѓусебната соработка и негување на корпоративната култура заснована на човечки вредности.

Со оваа иницијатива, Халкбанк уште еднаш демонстрира дека инвестициите во човечкиот капитал и неформалните форми на едукација и тимско дружење се суштински дел од нејзината корпоративна стратегија.’

Продолжи со читање

Банки

Капитал Банка со нова атрактивна локација на експозитурата во центарот на Тетово

Објавено

на

Експозитурата на Капитал Банка во Тетово ја промени својата локација и отсега се наоѓа на нова, поатрактивна и достапна локација во строгиот центар на градот, лоцирана на Бул. Илинденска А2-2 бр.13-1. Со оваа стратешка одлука, Банката го зацврстува своето присуство и го унапредува пристапот до квалитетни банкарски услуги за постојните и идните клиенти.

Свеченото отворање на новата експозитура го изврши директорот на Секторот за работа со физички лица, Димитар Ризов, кој истакна: „Стратешка цел на банката е да бидеме лесно достапни до нашите клиенти и да им овозможиме квалитетни банкарски услуги. Со новата локација на експозитурата, продолжуваме да ја зацврстуваме позицијата на Капитал Банка како водечки финансиски партнер на физичките и корпоративните клиенти. Приоритет е секогаш да обезбедиме брза и квалитетна услуга за сите наши клиенти – од индивидуални корисници до малите и средни претпријатија“.

Новата експозитура работи секој работен ден од понеделник до петок, од 08:00 до 16:00 часот, и нуди целосна палета на банкарски производи и услуги за физички и правни лица, од класични трансакциски услуги до современи дигитални решенија.

Тимот на Капитал Банка, составен од искусни и стручни професионалци, им стои на располагање на клиентите за сите финансиски прашања, со цел обезбедување транспарентна и сигурна услуга.

Со новата експозитура, Капитал Банка уште еднаш потврдува дека вложувањето во клиентската достапност и искуство е клучна алка во нејзината долгорочна стратегија за развој.

Продолжи со читање

Популарно