Стопанска банка им нуди на своите клиенти можност за користење на Google Wallet, што овозможува брз и сигурен пристап до платежните картички преку мобилен уред.

Корисниците можат да ги додадат своите картички од Стопанска банка во Google Wallet и да плаќаат на сите продажни места каде што се прифаќа Google Pay и бесконтактни плаќања. На овој начин плаќањето може да се изврши едноставно преку мобилен телефон, без потреба од користење физичка картичка.

Со оваа услуга, клиентите добиваат практично решение за секојдневни плаќања, кое овозможува брза и безбедна трансакција насекаде каде што е достапно бесконтактното плаќање.

Од банката посочуваат дека користењето на Google Wallet претставува дополнителна погодност за клиентите, со што тие можат полесно да управуваат со своите платежни картички и да плаќаат на едноставен и сигурен начин.

Енергетската ефикасност сè повеќе станува составен дел од современото и одговорно деловно управување, а инвестициите во зелени технологии се препознаваат како клучен фактор за намалување на оперативните трошоци и обезбедување долгорочна стабилност на компаниите.

Во таа насока, Капитал Банка АД Скопје нуди долгорочен инвестициски кредит наменет за поддршка на зелената транзиција на бизнисите. Кредитот е достапен за правни лица во износ до 250.000 евра и е наменет за реализација на одржливи инвестиции кои придонесуваат за поголема енергетска ефикасност и енергетска независност.

Финансискиот производ се одликува со фиксна каматна стапка од 1,95 проценти, рок на отплата до 120 месеци и грејс период до 12 месеци, без дополнителни трошоци. Од банката посочуваат дека ваквата финансиска рамка има за цел да им овозможи на компаниите полесно да инвестираат во модерни и еколошки решенија.

Со ваквите инвестиции, бизнисите можат да ги намалат трошоците за енергија, да ја зголемат својата конкурентност и да се позиционираат како одговорни и иновативни учесници на пазарот.

За повеќе информации и закажување состанок со бизнис претставници, заинтересираните компании можат да се јават на телефонскиот број 02/3102-500 или да посетат некоја од експозитурите на Капитал Банка.

Капитал Банка АД Скопје објави оглас за платена практикантска работа во областа на кредитна администрација, наменета за кандидати кои сакаат да го започнат или да го надградат своето професионално искуство во банкарскиот сектор.

Од банката информираат дека преку оваа практикантска програма избраните кандидати ќе имаат можност да стекнат реално работно искуство и практични знаења, како и да се запознаат со процесите поврзани со кредитната документација и административната поддршка на кредитните операции.

Практикантите ќе работат во професионална банкарска средина и ќе бидат под менторство на искусен тим, што ќе им овозможи подобро да ги разберат секојдневните процеси во кредитната администрација и да развијат релевантни вештини за работа во финансискиот сектор.

Од Капитал Банка ги повикуваат сите заинтересирани и мотивирани кандидати да аплицираат на електронската адреса: [email protected], а дополнителни информации за огласот се достапни и на линкот.

Банката посочува дека со нетрпение ги очекува апликациите од кандидатите кои сакаат да ја започнат својата кариера во банкарството.