Во рамки на стратешката иницијатива за зајакнување на административните капацитети, Управата за јавни приходи започнува имплементација на зајакнат системски пристап во управувањето со долговите на даночните обврзници, насочен кон јасен фокус, поголема ефикасност и реални резултати.

Клучен чекор во овој процес е донесувањето на Стратегија за реална и наплатлива Листа на должници, со која листата повеќе нема да биде архива на историски податоци кои се резултат на наталожени и неажурирани состојби во даночните регистри и евиденции, која низ годините стана обемна и го отежнува правилното согледување на даночните побарувања на државата и планирањето на мерките. Целта е да се воспостави реална и употреблива база на податоци како здрава основа за подобро насочување на ресурсите и поефикасна наплата.

„Прочистувањето на Листата на должници не значи откажување од наплатата, туку јасен фокус за правилни мерки врз основа на класификација и категоризација на долговите. Чистите податоци се основа за ефикасна наплата“, истакнува директорката на УЈП м-р Елена Петрова.

Како дел од системскиот пристап, спроведуваме и реорганизација на оперативните надлежности за наплата на долгови, преку разграничување меѓу масивните, рутински постапки (блокади на сметки), постапките кои бараат индивидуализиран пристап кон должникот (присилна наплата од имот, приходи и побарувања на должникот) и најсложените случаи во кои се применуваат специфични мерки (судски постапки, гаранции и сл.).

Дополнително, УЈП донесе Повелба за формирање на Центар за даночно извршување, со цел зајакнување на теренските капацитети за лоцирање на движен и недвижен имот на должник, правилна процена на неговата вредност и поефикасно впаричување.

Со овие мерки, УЈП преминува кон „паметно“ управување со даночните долгови, засновано на реални податоци, јасна приоретизација на случаите и рационално користење на институционалните ресурси. Очекуваните ефекти од овој пристап се: подобрена наплата, намалување на даночниот јаз поврзан со ненаплатени даночни обврски и зголемување на транспарентноста и кредибилитетот на податоците за даночните побарувања на државата.

Вицепремиерот и министер за транспорт Александар Николоски во Вашингтон учествуваше на глобалниот економски форум „Transforming Transportation 2026“, организиран од Светската банка, каде ги претстави инфраструктурните приоритети на Македонија и инвестициите во развојот на коридорите 8 и 10.

На министерскиот состанок Николоски нагласи дека земјата спроведува значаен инвестициски циклус вреден неколку милијарди евра, насочен кон модернизација на клучната транспортна инфраструктура и подобрување на регионалната поврзаност. Тој посочи дека Македонија има важна геостратешка позиција бидејќи токму на нејзината територија се вкрстуваат два пан-европски коридори.

Според него, Коридорот 10 претставува главна транспортна врска меѓу југот и северот на Европа, додека Коридорот 8 ја поврзува Албанија со пристаништето Одеса и има и значајна безбедносна димензија за НАТО. Инвестициите, како што истакна, истовремено придонесуваат за економски раст, поголема безбедност и отворање нови деловни можности долж овие транспортни правци.

Николоски информираше дека во тек се повеќе капитални проекти, меѓу кои изградба и модернизација на автопатските делници, како и проект за брза железничка линија на Коридор 10. Планирано е патничките возови да достигнуваат брзина до 200 километри на час, а товарните до 120 километри на час. Паралелно се работи и на железничко поврзување на Коридор 8 со поддршка од Европската унија и меѓународни финансиски институции.

Во рамки на инфраструктурните подобрувања се предвидува и модернизација на граничните премини со Албанија и Бугарија, како и воведување нов едношалтерски систем во Царината, со цел побрз проток на товарниот сообраќај и поголема ефикасност на трговијата.

Николоски посочи дека постои потенцијал за продлабочување на соработката со Светската банка во поддршка на клучни развојни проекти, нагласувајќи дека ваквите инвестиции можат да придонесат за долгорочен економски раст и зголемување на конкурентноста на земјата.

Според него, вложувањата во транспортната инфраструктура ќе отворат нови работни места и ќе ја зајакнат довербата на меѓународните инвеститори, додека географската позиција и близината до пристаништата во Југоисточна Европа ја позиционираат Македонија како важна точка во регионалната транспортна и економска мрежа.

Вчера се одржа свечената церемонија во рамки на изборот на најдобрите е-трговци во Македонија “E-commerce Awards 2025”, во организација на Асоцијацијата за е-трговија.

“E-commerce Awards” претставува значајна иницијатива за е-трговијата, која преку транспарентен и структуриран процес ги препознава насјуспешните за изминатата година, ги наградува за напорите и посветеноста и придонесува кон јакнење на довербата кај онлајн купувачите. Ваквите избори имаат важна улога во развојот на секторот, поттикнувајќи здрав натпревар и континуирано унапредување на услугите и корисничкото искуство.

Овогодишното издание бележеше над 36.000 гласови дадени од повеќе од 4.200 гласачи. Граѓаните имаа можност да гласаат за своите омилени е-продавници, при што гласањето од јавноста учествуваше со 60% во конечниот резултат, а 40% од оценувањето на стручна жири-комисија во финалната фаза. Единствено во категоријата „Најпопуларна е-продавница“, победникот се избра само врз основа на гласовите од јавноста.

Во овогодишниот избор беа номинирани 217 е-трговци, кои се натпреваруваа во 18 категории, а во рамки на свечената церемонија на E-commerce Awards 2025 беа доделени вкупно 38 награди. Со овие признанија се наградуваат најуспешните е-трговци според нивните постигнувања во различни аспекти на онлајн продавањето.

Во продолжение се претставени победниците по категории:

Најдобри е-продавници по сектори:

Е-продавница за облека, обувки и модни додатоци:
○ Прво место: fashiongroup.com.mk
○ Второ место: mytime.mk
○ Трето место: sport-m.com.mk

Е-продавница за бела техника и електроника: neptun.mk
Е-продавница за храна и пијалоци: korpa.mk
Е-продавница за здравје, нега и убавина:
○ Прво место: zegin.com.mk
○ Второ место: coslovemetics.mk
○ Трето место: fashiongroup.com.mk

Е-продавница за дом, градина, мебел и канцелариски материјали: akcija24.mk
Е-продавница за бебешка и детска облека, опрема и играчки: svetotnabibi.mk

Е-продавница за услуги:
○ Прво место: telekom.mk
○ Второ место: a1.mk
○ Трето место: kariera.mk
Е-продавница за уметност, култура, настани и едукација: literatura.mk
Маркетплејс и мулти е-продавница:
○ Прво место: ananas.mk
○ Второ место: wolt.com
○ Трето место: mytime.mk

Најдобри е-трговци во одбрани аспекти на онлајн продавање:
Е-трговец со најдобро искуство за е-плаќање:
○ Прво место: telekom.mk
○ Второ место: evnonline.mk
○ Трето место: korpa.mk
Е-трговец со најдобра достава:
○ Прво место: ananas.mk
○ Второ место: zegin.com.mk
○ Трето место: korpa.mk
Е-трговец со најдобра грижа за корисници:
○ Прво место: coslovemetics.mk
○ Второ место: a1.mk
○ Трето место: frida.mk
Е-трговец со најдобро присуство на социјални медиуми:
○ Прво место: ananas.mk
○ Второ место: coslovemetics.mk
○ Трето место: svetotnabibi.mk
Најдобра веб-страница за плаќање на сметки: evnonline.mk
Мобилна апликација за е-трговија на годината: wolt.com
Шампиони во е-трговија:
Најпопуларна е-продавница:
○ Прво место: coslovemetics.mk
○ Второ место: telekom.mk
○ Трето место: ananas.mk
Најдобра новоотворена е-продавница: wolt.com
Е-трговец на годината:
○ Прво место: coslovemetics.mk
○ Второ место: ananas.mk
○ Трето место: telekom.mk

Покрај овие награди, беа доделени и три специјални признанија:

• Признание за меѓународна експанзија во е-трговија: fitkit.app
• Признание за најдобра промоција на Беџот за верификуван е-трговец: zegin.com.mk
• Признание за најдобра е-продавница основана и управувана од жена: zia.mk

На свечената церемонија, на победниците им беа врачени престижни статуетки како симбол на нивните достигнувања во е-трговијата, како и дигитални беџови кои можат да ги истакнат на своите е-продавници, со што дополнително се зајакнува довербата кај купувачите.

Ова издание на E-commerce Awards се реализираше со поддршка на Prime партнерот Diners Club, Growth партнерите Halkbank, Eurolink, Halk Insurance, Eco Logistic Service, Eco Fulfilment Center и Credissimo, гала партнерите Porsche Македонија и Park by Ragusa и винскиот партнер Imako вино.

Сите победници на овогодинешните E-commerce Awards може да се погледнат на
официјалната веб страница на изборот: https://ecommerceawards.mk/pobednici/.