Халкбанк АД Скопје и Ракометната федерација на Македонија официјално го продолжија своето партнерство и за 2026 година, со што банката и понатаму останува еден од клучните поддржувачи на македонскиот ракомет.

Со продолжувањето на соработката што започна во 2018 година, Халкбанк уште еднаш ја потврдува својата долгорочна посветеност на развојот на еден од најуспешните и најпрепознатливи спортови во земјата. Партнерството е насочено кон поддршка на активностите и настапите на македонските машки и женски ракометни репрезентации, кои континуирано ја претставуваат државата на меѓународната спортска сцена и остваруваат значајни резултати.

Договорот беше потпишан во просториите на Халкбанк АД Скопје, од страна на директорот на Халкбанк АД Скопје, Фатих Шахбаз и претседателот на Ракометната федерација на Македонија, Алесандар Стефанов.

„Горди сме што и во 2026 година ја продолжуваме соработката со Ракометната федерација на Македонија. Ракометот е спорт со длабока традиција и огромна поддршка кај јавноста, а Халкбанк со ова партнерство останува дел од успехот, емоциите и вредностите што ги носи македонскиот ракомет. Нашата поддршка е израз на доверба во спортот, спортистите и идните генерации“, – изјави Фатих Шахбаз, генерален директор на Халкбанк АД Скопје.

Од Ракометната федерација на Македонија посочија дека продолжувањето на партнерството има особено значење за федерацијата и националните селекции.

„Продолжувањето на соработката со Халкбанк е уште една потврда за заемната доверба и заедничката визија што ја градиме со години. Халкбанк е стабилен и сериозен партнер на македонскиот ракомет, а нивната поддршка од 2018 година, наваму, има значајна улога во развојот на националните селекции, натпреварувачките системи и целокупната ракометна инфраструктура. Со овој договор заокружуваме уште една важна година за Федерацијата и испраќаме јасна порака дека македонскиот ракомет има сигурни партнери и јасна насока за иднината. Благодарни сме за довербата на Халкбанк и веруваме дека заедно ќе продолжиме да создаваме услови за нови успеси и напредок на сите нивоа“, – истакна Александар Стефанов, претседател на Ракометната федерација на Македонија.

На настанот присуствуваа и македонските ракометари, кои со своето присуство ја заокружија атмосферата и ја потврдија блиската врска меѓу федерацијата, спортистите и поддржувачите на ракометот. Во рамки на неформалниот дел од настанот, ракометарите се задржаа на дружење со присутните и потпишуваа дресови.

Со договорот за 2026 година, Халкбанк уште еднаш ја потврдува својата определба да биде активен и одговорен поддржувач на националниот спорт. Поддршката на ракометот е дел од поширокиот пристап на Банката кон општествено одговорно делување, насочено кон развој на спортот, младите и вредностите што ја поврзуваат заедницата.

НЛБ Банка, како банка-лидер во дигитализацијата на банкарските услуги во земјава, за првпат на пазарот воведува „Digital first“ – иновативна услуга која обезбедува вистинско дигитално банкарско искуство. Со „Digital first“, клиентите можат да ја добијат својата нова платежна картичка во дигитална форма веднаш по нејзиното одобрување, имајќи ги своите финансиски средства на дофат на рака, без одложување. Со ова, физичката картичка станува опционална и повеќе не е предуслов за почеток на користење.

Откако преку СМС порака ќе го добие четирицифрениот ПИН код, клиентот може веднаш, преку NLB Pay апликацијата, да ја додаде својата дигитална картичка во дигиталните паричници Apple Pay, GPay, Garmin pay, Apple wallet, по што истата е веднаш функционална и достапна за плаќање на ПОС терминали, онлајн, како и за подигнување на готовина од банкомати.

Со „Digital First“, НЛБ Банка е уште еден чекор поблиску до обезбедување севкупно дигитално банкарско искуство. Следејќи ги глобалните трендови и поставувајќи стандарди на домашниот пазар, НЛБ уште еднаш ја потврдува својата посветеност кон иновации и обезбедување врвно корисничко искуство за своите клиенти.

Услугата „Digital first“ е достапна за сите клиенти, нови, но и постоечки клиенти кои ќе аплицираат за нова или дополнителна картичка.

НЛБ Групација воведува нов стандард во регионот

Воведувањето на услугата „Digital first“ е дел од пошироката стратегија на НЛБ Групацијата за развој на современи, едноставни и ефикасни решенија за плаќање, за сите свои клиенти во регионот. НЛБ Банка Скопје е меѓу првите банки-членки која ја воведува услугата веднаш по NLB d.d. Истовремено, услугата ја лансираат банките-членки во Косово и двете банки во Босна и Херцеговина, а во јануари, услугата ќе биде достапна и за клиентите на НЛБ во Црна Гора и Србија.

НЛБ Групацијата е првата во регионот што им овозможува на своите клиенти да ја добијат картичката во дигитален паричник веднаш и без чекање, што е исклучителна предност. НЛБ Групацијата одигра и клучна улога, Apple да ги отвори пазарите на Македонија, Косово и Босна и Херцеговина, со што овозможи рамноправен пристап до напредни решенија за плаќање на милиони луѓе во регионот.

Сето ова ја одразува нејзината амбиција да биде водечка и најиновативна финансиска Групација во Југоисточна Европа, двигател на промени и партнер кој ги отвора вратите на глобалните иновации за клиентите во регионот.

Д-р Фатих Шахбаз е назначен за нов Главен извршен директор на Халкбанк АД Скопје. По успешно спроведените законски и регулаторни процедури, Народната банка даде одобрение за назначување на новиот ГИД, кој Банката ќе ја води во следниот период. Со оваа одлука, Халкбанк продолжува со стратегиски ориентиран и стабилен развој, под раководство на искусен професионалец кој зад себе има повеќе од две децении богато искуство во банкарскиот сектор.

Д-р Шахбаз својата кариера ја градел во рамките на Türkiye Halk Bankası A.Ş., каде последователно извршувал различни значајни функции, од специјалист, внатрешен инспектор, директор и раководител на филијала, до менаџер на оддел и директор на група. На 1 декември 2022 година бил назначен за заменик генерален директор задолжен за Управување со човечки ресурси и Секторот за поддршка, а од 17 јули 2025 година ја извршувал функцијата заменик генерален директор задолжен за Управување со поддршка и Дигитална трансформација.

Неговото академско образование, богато професионално портфолио и долгогодишната експертиза како и искуството во менаџирање со клучни сегменти од банкарското работење, претставуваат силна основа во понатамошниот развој и водење на Халкбанк во Македонија.

Халкбанк АД Скопје е стабилна и високо позиционирана банка на македонскиот пазар, еден од најзначајните двигатели на економијата во државата и стабилен партнер на македонските компании и граѓани, со континуиран раст и силни финансиски показатели. Банката ја заврши 2024 година со актива од 1,852 милијарди евра, кредитно портфолио од 1,17 милијарди евра, депозитна база од 1,325 милијарди евра и нето добивка од над 30 милиони евра. Веќе во вториот квартал од 2025 година активата порасна на 1.922 милиони евра, што е раст за шест месеци од речиси 71 милион евра, депозитната база достигна 1.443 милиони евра, додека кредитирањето вкупно се зголеми за речиси 158 милиони евра, резултати кои ја потврдуваат довербата на клиентите, професионалноста на тимот и стабилната улога на Банката во економијата.

Со поставувањето на Д-р Фатих Шахбаз за Главен извршен директор, Банката продолжува со јасна визија, стратегиски развој и посветеност во унапредувањето на финансиските услуги, дигиталните решенија и поддршката на економскиот раст и развојот на македонскиот пазар.