Корисниците на апликацијата Myiute отсега ќе можат да купуваат онлајн преку новата платформа iute Market, создадена во соработка со SuperMart Macedonia.

Во рамки на новата услуга се достапни стотици производи од различни категории, а купувањето и плаќањето се вршат директно преку апликацијата. Корисниците можат да изберат начин на плаќање што најмногу им одговара, како и да ги искористат своите iutePlus поени за дополнителни поволности.

Нарачаните производи ќе бидат доставени директно на адресата на купувачот.

Од компанијата информираат дека iute Market е веќе достапен во апликацијата Myiute, преку која корисниците можат да ја разгледаат понудата и да започнат со купување.

Од 1 август скопјани ќе плаќаат повисока цена за централното греење, откако Регулаторната комисија за енергетика ги утврди новите цени за корисниците на топлинска енергија во главниот град.

Најголемо зголемување е предвидено за корисниците приклучени на системот на „ЕСМ Снабдување“, каде цената на топлинската енергија ќе биде повисока за 5,96 проценти.

Поскапување следува и за корисниците на „ЕСМ Енергетика“, односно на таканареченото железарско парно, за кои цената се зголемува за 5,18 проценти.

Кај корисниците на „Скопје Север“, односно „ЕнергоЕколог“, зголемувањето ќе изнесува 3,65 проценти.

Според пресметките на Регулаторната комисија, за просечен стан со површина од околу 60 квадратни метри, месечната сметка за греење би се зголемила за приближно 140 денари.

Новите цени ќе почнат да се применуваат од 1 август, пред почетокот на новата грејна сезона.

Од РКЕ посочуваат дека и покрај корекцијата на цените, нивото на цените за топлинска енергија во земјава и понатаму е поволно во споредба со соседните држави.

Регулаторната комисија за енергетика донесе нова одлука со која од полноќ се зголемуваат малопродажните цени на горивата во просек за 4,55 проценти.

ЕУРОСУПЕР БС-95 поскапува за три денари и ќе се продава по цена од 93 денари за литар, додека ЕУРОСУПЕР БС-98 исто така поскапува за три денари и новата цена ќе изнесува 95 денари за литар.

ЕУРОДИЗЕЛ поскапува за 4,50 денари и ќе чини 98,50 денари за литар. Екстра лесното масло за домаќинство поскапува за пет денари и ќе се продава за 98 денари за литар. Цената на мазутот се зголемува за 2,726 денари и ќе изнесува 48,099 денари за килограм.

Од Регулаторната комисија посочуваат дека референтните цени на светските пазари во однос на претходната пресметка пораснале за 6,229 проценти кај бензините, 7,442 проценти кај дизелот, 8,051 проценти кај екстра лесното масло и околу 8,159 проценти кај мазутот.

Новите цени ќе почнат да се применуваат од 00:01 часот на 28 јули 2026 година.