Connect with us
no baners

Банки

Продолжува растот на каматните стапки на кредитите, но и на депозитите

Објавено

пред 4 години

на

Просечната каматна стапка на вкупните кредити, во февруари 2023 година, бележи месечно и годишно зголемување од 0,02 п.п. и 0,67 п.п., соодветно и изнесува 5,00%. Просечната каматна стапка на вкупните депозити изнесува 1,00%, што претставува месечен и годишен раст од 0,07 п.п. и 0,29 п.п, соодветно.

Во февруари 2023 година, просечната каматна стапка на новоодобрените кредити изнесува 5,20% и оствари месечен и годишен раст од 0,15 п.п. и 1,26 п.п., соодветно. Просечната каматна стапка на новопримените депозити е повисока на месечно и годишно ниво за 0,20 п.п. и 1,15 п.п., соодветно и изнесува 1,71%.

Просечната каматна стапка на вкупните кредити на корпоративниот сектор, во февруари, изнесува 4,63% и е повисока за 0,03 п.п. споредено со претходниот месец. Нагорната промена во целост произлегува од зголемените каматни стапки на денарските кредити без валутна клаузула (за 0,05 п.п.), во услови на остварен пад на каматните стапки на денарските кредити со валутна клаузула (за 0,01 п.п.), при непроменети каматни стапки на кредитите во странска валута. Анализирано на годишна основа, каматната стапка на вкупните кредити на корпоративниот сектор е зголемена за 1,18 п.п.

Овој месец, каматната стапка на новоодобрените кредити на корпоративниот сектор, забележа месечно зголемување од 0,03 п.п. и изнесува 5,22%. Притоа, зголемувањето се должи на повисоките каматни стапки на денарските кредити со валутна клаузула и кредитите во странска валута (за 0,45 п.п. и 0,18 п.п., соодветно), во услови на пад на каматните стапки на денарските кредити без валутна клаузула (за 0,13 п.п.). Споредено со февруари минатата година, оваа каматна стапка бележи годишен раст од 1,74 п.п.

Просечната каматна стапка на вкупните депозити на корпоративниот сектор, во февруари, се зголеми за 0,40 п.п. во споредба со претходниот месец и изнесува 1,75%. Од аспект на валутната структура, месечното зголемување е резултат на растот кај сите компоненти: каматните стапки на депозитите во странска валута (за 1,01 п.п.) и каматните стапки на денарските депозити со и без валутна клаузула (за 0,10 п.п. и 0,09 п.п., соодветно). На годишно ниво, каматната стапка на вкупните депозити на корпоративниот сектор е повисока за 0,85 п.п.

Во февруари, каматната стапка на новопримените депозити на корпоративниот сектор изнесува 1,40%, што претставува месечен раст од 0,40 п.п. Притоа, растот е резултат на повисоките каматни стапки на денарските депозити со валутна клаузула (за 0,93 п.п), потоа следуваат каматните стапки на депозитите во странска валута (за 0,53 п.п), при раст и на каматните стапки на денарските депозити без валутна клаузула (за 0,28 п.п). Каматната стапка на новопримените депозити на корпоративниот сектор забележа годишно зголемување од 1,11 п.п.

Kаматната стапка на вкупните кредити на домаќинствата, во февруари, е непроменета во однос на претходниот месец и изнесува 5,34%. Анализирано на годишно ниво, оваа каматна стапка е повисока за 0,20 п.п.

Во февруари, просечната каматна стапка на новоодобрените кредити на домаќинствата изнесува 5,18% и бележи месечно зголемување од 0,37 п.п. Притоа, зголемувањето се објаснува со повисоките каматни стапки на денарските кредити без и со валутна клаузула (за 0,39 п.п. и 0,32 п.п., соодветно), во услови на забележан пад на каматните стапки на кредитите во странска валута (за 0,31 п.п). Каматната стапка на новоодобрените кредити на домаќинствата оствари раст од 0,64 п.п., на годишна основа.

Каматната стапка на вкупните депозити на домаќинствата, во февруари, оствари месечен раст од 0,04 п.п. и изнесува 0,92%. Позитивната промена се должи на зголемувањето на каматните стапки на денарските депозити без валутна клаузула и депозитите во странска валута (за 0,04 п.п. и 0,03 п.п., соодветно), во услови на забележан пад на каматните стапки на денарските депозити со валутна клаузула (за 0,01 п.п.). На годишно ниво, оваа каматна стапка е повисока за 0,23 п.п.

Во февруари, каматната стапка на новопримените депозити на домаќинствата, изнесува 1,86% и во однос на претходниот месец е зголемена за 0,15 п.п. Растот во целост се должи на повисоките каматни стапки на денарските депозити без валутна клаузула (за 0,25 п.п.), во услови на остварен пад на каматните стапки на депозитите во странска валута (за 0,06 п.п.). Овој месец, кај банките и штедилниците не се евидентирани новопримени денарски депозити со валутна клаузула. Каматната стапка на новопримените депозити на домаќинствата е зголемена за 1,21 п.п. споредено со февруари минатата година.

Слични Теми:

Банки

Стопанска банка го отвори новото седиште

Објавено

пред 9 часа

на

Стопанска банка свечено го отвори своето ново седиште во Скопје, инвестиција вредна 50 милиони евра, со што банката означи почеток на ново поглавје во својата повеќе од осумдецениска историја.

На гала-церемонијата присуствувале околу 300 гости, а настанот се одржа под мотото „Обележје за иднината. Уметност во создавање на утрешнината“. Свеченоста вклучуваше музика, театар, танц, гастрономија и визуелна уметност, со што беше нагласена долгогодишната поврзаност на банката со уметноста и заедницата.

Стопанска банка е основана во 1944 година како прва банка во земјата. Новото седиште, според раководството, претставува дел од пошироката трансформација на банката и треба да создаде современа работна средина која ќе ги поддржи идниот развој, иновациите и одржливиот раст.

Генералната извршна директорка и претседателка на Управниот одбор на Стопанска банка, Хрисула Кутуди, истакна дека во реализацијата на проектот се вложени значителна визија, труд и посветеност.

Таа нагласи дека новата деловна зграда не е само современ архитектонски објект, туку простор кој треба да ја поттикнува креативноста, соработката и иновациите, како и да создава дополнителна вредност за клиентите, партнерите, вработените и заедницата.

На свеченоста присуствуваше и највисокото раководство на Националната банка на Грција, што, според банката, го потврдува стратешкото значење на Стопанска банка во рамки на NBG Групацијата.

Претседателот на NBG Групацијата, Гикас Хардувелис, оцени дека новото седиште претставува ново обележје на Скопје и симбол на вредностите што ги споделуваат Стопанска банка и НБГ Групацијата – доверба, банкарство насочено кон клиентите, приспособување кон технолошките промени и поддршка на одржливиот економски раст.

Генералниот извршен директор на NBG Групацијата, Павлос Милонас, пак, посочи дека новото седиште е значајна пресвртница во процесот на трансформација на банката и дека во следниот период се очекуваат нови иновации во банкарството и финансиските услуги.

На отворањето присуствуваше и министерката за финансии Гордана Димитриеска-Кочоска, која порача дека стабилната и предвидлива регулаторна рамка е еден од клучните предуслови за развојот на финансискиот и банкарскиот сектор.

Според неа, силниот и модерен банкарски систем има важна улога во создавањето услови за економски раст и развој, а институциите треба да продолжат со креирање политики кои ќе обезбедуваат сигурност, доверба и предвидливост за финансиските институции, граѓаните и компаниите.

Седиште на 17.893 квадратни метри

Новото седиште на Стопанска банка се простира на површина од 17.893 квадратни метри и располага со 11 ката современ деловен простор.

Во објектот ќе работат повеќе од 500 вработени, а во неговите рамки се сместени и современ дата-центар, банкарска филијала со целосен опсег на услуги, ATM зона, брокерски услуги, трезорски капацитети, како и конференциски и едукативни простории.

Според податоците на банката, на крајот на 2025 година Стопанска банка управувала со вкупна актива од 157,2 милијарди денари, односно околу 2,6 милијарди евра.

Кредитите кон клиентите изнесувале 108,9 милијарди денари, а депозитите 119,8 милијарди денари. Во текот на 2025 година, кредитното портфолио и депозитите пораснале за 10%, додека вкупната актива забележала раст од 9,1%.

Банката располага со мрежа од 55 филијали и 173 банкомати, а бројот на физички и корпоративни клиенти се приближува до половина милион.

Со отворањето на новото седиште, Стопанска банка го продолжува развојот од нова деловна адреса која, според раководството, треба да стане центар на нејзината идна трансформација и модернизација.

Продолжи со читање

Банки

Претставници на АЛТА банка на одбележувањето на 25 години КИБС

Објавено

пред 10 часа

на

Претставници на АЛТА банка присуствуваа на свеченото одбележување на 25-годишниот јубилеј на КИБС.

Од банката посочуваат дека настанот бил можност да се истакне значењето на континуираната соработка и партнерските односи во финансискиот сектор.

Присуството на претставниците на АЛТА банка на јубилејното одбележување уште еднаш ја нагласува важноста на институционалната соработка и поврзаноста меѓу учесниците во финансискиот систем.

Продолжи со читање

Банки

Народната банка ги заострува условите за кредитирање на граѓаните

Објавено

пред 11 часа

на

Народната банка воведува построги макропрудентни мерки за кредитирањето на физичките лица, со кои се намалува дозволеното ниво на задолженост на граѓаните и се скратува максималниот рок за отплата на дел од кредитите. Новите правила ќе почнат да се применуваат од 1 декември 2026 година.

Според одлуката на Извршниот одбор на Народната банка, максималниот однос меѓу месечните кредитни обврски и приходите на кредитокорисникот, познат како ДСТИ, се намалува за пет процентни поени.

Кај кредитите во денари, максималниот ДСТИ ќе изнесува 45%, наместо досегашните 50%, додека кај кредитите со валутна компонента лимитот се намалува од 45% на 40%. Тоа значи дека банките при одобрувањето кредити ќе треба да водат сметка месечните отплати на клиентите да не го надминуваат утврдениот процент од нивните месечни приходи.

Исклучок остануваат граѓаните кои за првпат купуваат сопствено живеалиште. За нив и натаму ќе важат досегашните лимити од 50% за денарските кредити и 45% за кредитите со валутна компонента.

Промени се предвидени и кај роковите за отплата. Максималниот рок за станбените кредити се скратува од 30 на 25 години, додека кај хипотекарните потрошувачки кредити ќе се намали од 20 на 15 години. За кредитите наменети за прво купување сопствено живеалиште максималниот рок останува 30 години.

Од Народната банка посочуваат дека мерките се носат превентивно, во услови кога банкарскиот систем е здрав и стабилен и нема присутни системски ризици. Истовремено, кредитирањето на населението продолжува да расте.

Во првото полугодие од 2026 година, кредитите на физичките лица бележат годишен раст од 12,2%, во споредба со 11,2% во 2025 година. Најголема динамика има кај станбените кредити, чиј годишен раст достигнал 16,6%.

Народната банка оценува дека ваквата динамика бара навремено ограничување на можните ризици од прекумерно задолжување на домаќинствата, со цел да се зачува одржливоста на кредитирањето и финансиската стабилност.

Макропрудентните ограничувања за кредитирањето на физичките лица првпат беа воведени во јули 2023 година, а дополнително беа зајакнати во декември 2025 година. Според централната банка, досегашната примена на мерките придонела за подобрување на структурата на новото кредитирање и за намалување на кредитирањето на домаќинствата со повисок должнички товар.

Со новите измени и натаму се задржува поповолниот регулаторен третман за граѓаните кои првпат решаваат станбено прашање.

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange