Вчера НЛБ Банка Скопје ја лансираше услугата Apple Pay со што стана првата банка на пазарот која на своите клиенти им го овозможи овој сервис. НЛБ Групацијата истовремено ја лансираше Apple Pay и во своите банки во Босна и Херцеговина и Косово – последните пазари на НЛБ каде што оваа услуга сè уште не беше достапна, овозможувајќи ја Apple Pay за сите НЛБ клиенти во регионот на Југоисточна Европа.

„Ова е значајна пресвртница која го одразува нашиот стремеж кон иновации и длабоката посветеност на НЛБ Групацијата кон регионот на Југоисточна Европа. Ова е повеќе од само технологија, ова е и пристап, вклученост и доверба. Ние го испорачуваме она што е најважно за нашите клиенти – едноставност, безбедност и брзина во секојдневните плаќања.“ – вели во своето видео-обраќање Антонио Аргир, член на Управниот одбор на НЛБ д.д.

Со оваа иницијатива, НЛБ Групацијата уште еднаш покажа дека е повеќе од финансиска институција, односно дека е двигател на промени, партнер кој ги отвора вратите на глобалните иновации за клиентите во регионот. Како што појаснува Аргир, зад овој успех стои долготрајна и стратешка заложба, интензивни преговори и постојано застапување на интересите на клиентите и пазарите пред глобалните технолошки партнери: „Се залагавме, преговаравме и конечно го убедивме Apple да ги отвори овие пазари. Ова е нашата улога, ова е нашето влијание. И додека од овој потег имаат корист сите банки во регионот, токму нашата визија и решителност го овозможија тоа.“ – заклучува Аргир.

Практично, НЛБ Групацијата одигра клучна улога, Apple да ги отвори пазарите на Македонија, Косово и Босна и Херцеговина, со што овозможи рамноправен пристап до напредни решенија за плаќање на милиони луѓе во регионот. 

Клиентите на НЛБ Банка Скопје кои со нетрпение ја очекуваа Apple Pay веќе од вчера можат да ги дигитализираат своите НЛБ кредитни и дебитни картички на Visa и Master Card и да плаќаат брзо, безбедно и удобно во продавници, преку апликации и онлајн.

НЛБ Банка ја активираше поддршката за Apple Pay во Македонија, овозможувајќи им на клиентите безбедно и лесно плаќање преку нивните iPhone или Apple Watch уреди.

Блаж Бродњак, извршен директор на НЛБ д.д., уште пред неколку недели на LinkedIn најави дека Apple Pay ќе биде достапен во регионот до крајот на јули — информација што денес се потврди со лансирањето и во Македонија. На прашање од корисници за достапноста во Северна Македонија, Бродњак одговори дека е „coming as well“, што денес официјално се реализира.

Доказ за активирањето на услугата пристигна и преку нотификација испратена до клиентите, каде што се потврдува дека картичките се успешно поврзани со Apple Pay и подготвени за користење.

Порталот Банкарство.мк уште претходно ексклузивно објави дека Apple Pay е во фаза на подготовки и дека неговото активирање се очекува на есен. Оваа прогноза се покажа како точна и навремена:

Apple Pay доаѓа во Македонија – Подготовките се во тек, стартот се очекува на есен

Од сега, корисниците на НЛБ Банка може да ги дигитализираат своите платежни картички во Wallet апликацијата на Apple и да уживаат во безконтактни и безбедни трансакции со само еден допир.

Процесот на активација и верификација се одвива преку апликацијата NLB Pay, каде што корисниците ги следат сите потребни чекори за успешно поврзување.

Иако услугата е веќе активна за дел од корисниците, сè уште нема официјална објава од НЛБ Банка, ниту пак од Apple, што се очекува во текот на деновите што следуваат.

Во моментот, Apple Pay е достапен само преку НЛБ Банка, додека другите банки во Македонија сè уште не ја имаат активирано оваа услуга. Сеуште недостасува најава од нивна страна за точен датум на поддршка, иако се очекува и тие да го следат истиот чекор во блиска иднина.

Visa веќе започна со промотивни активности за Apple Pay, поставувајќи билборди на неколку локации низ Скопје. Ова е јасен сигнал дека воведувањето на услугата е дел од поширока кампања за дигитализација на плаќањата, насочена кон подигнување на свесноста и поттикнување на користењето на безконтактни решенија кај потрошувачите.

Патувањето не мора да започне со гужви, редици и скапо кафе на аеродромите. Замислете да го започнете секој лет со мир, удобност и персонализиран третман – уште пред да се качите во авионот. Со Mastercard World кредитната платежна картичка од Халкбанк, вие не сте само патник, туку вие сте и привилегиран гостин.

Влезете во светот на ексклузивните Lounge Key салони ширум светот

Со Mastercard World кредитната картичка од Халкбанк, патувањето започнува уште во моментот кога влегувате во VIP зоната на аеродромот. Lounge Key е услуга која автоматски доаѓа со оваа картичка и ви овозможува пристап до над 1400 ексклузивни Lounge Key салони ширум светот, без потреба од дополнителна пријава и без непотребни процедури. Во овие салони ќе најдете сè што ви е потребно за мирен старт на патувањето, удобни места за седење, бесплатни освежувања и пијалаци, Wi-Fi, електрични приклучоци, весници, и она најважното, а тоа е мирот.

Споделување премиум привилегии

Корисникот на Mastercard World кредитната картичка покрај личната привилегија за пристап до Lounge Key салонот може да го придружува уште една личност.Без разлика дали патувате со партнер, пријател или колега, уживањето во удобноста на VIP просторијата го споделувате со некој близок.

Mastercard World е повеќе од картичка

Станува збор за платежна картичка која ви овозможува и брзи и безбедни плаќања. Располагате со можност за кредитен лимит до 1.200.000 денари, кој ви е достапен, тогаш кога најмногу ви треба, а месечната минимална отплата е само 10% од искористените средства. Може да купувате до 60 рати без камата кај трговци партнери на банката. Онлајн трансакциите се сигурни и без провизија. Во последната недела од секој месец, имате можност да подигнете готовина од банкоматите на Халкбанк, без провизија. Како дополнителна придобивка, добивате и 10% попуст при купување на полиси за доброволно осигурување од Халк Осигурување.

Како да станете дел од Mastercard World?

Аплицирајте во најблиската филијала или преку онлајн апликацијата на банката.

Со Lounge Key апликацијата го добивате светот на дланка, каде и да сте

Симнете ја бесплатната апликација Lounge Key (iOS и Android) и откријте ги сите VIP зони, условите за пристап и креирајте сопствен профил за уште полесно патување.

Уживајте во секој чекор од патувањето

Секое патување треба да започне со чувство на контрола, мир и удобност. Без разлика дали патувате често или повремено, за работа или задоволство, Lounge Key пристапот ви овозможува да го доживеете вистинското премиум искуство, уште пред да се качите во авионот.