Останато
Пантелеон ГС – Македонска компанија која обединува млади и талентирани луѓе кои од земјава работат за американскиот пазар

Македонија е земја која често се споменува како голем извозник на квалитетен и образован кадар за земјите од Западна Европа и Северна Америка, поради што огромен број млади веќе по завршувањето на образованието размислуваат како да најдат работа во странство и да ја напуштат земјата. Во последните години, се отворија повеќе компании кои нудат аутсорсинг на домашен кадар за странските пазари, а притоа им отвораат шанси на заинтересираните македонски професионалци да работат за големи глобални компании и проекти. Една од нив е Пантелеон ГС, компанија која започна со работа во 2020 година и оттогаш бележи постојан раст на бројот на вработени и клиенти.
Кога во 2020 година започна како стартап компанија, Пантелеон ГС го одбра патот на квалитетна работа и обучување на способен кадар, со цел постојан раст и задоволување на високите барања на високопрофилните клиенти. Стратешката определба на компанијата да привлече и да вработи амбициозни млади професионалци се покажува како успешна одлука за сите страни, бидејќи а) тие добиваат квалитетен кадар; 2) создаваат повеќе работни места, што резултира во повеќе можности за домашните професионалци; 3) клиентите добиваат квалитетен и обучен кадар.
Токму во овој поглед, Пантелеон ГС се разликува од повеќето компании на нашиот пазар. Наместо да им нуди на младите потенцијални вработени само шанса за преселба и работа во странство, Пантелеон ГС создава тим кој работи локално и придонесува кон локалната економија, а притоа добива можност да се надградува во текот на самата работа и да стекне значајни квалификации и искуство од работа со некои од најдобрите компании во индустријата.
Специфичната гранка на Пантелеон ГС ѝ овозможува да нуди аутсорсинг услуги каде се нудат само умствените капацитети и компаниските пракси, на тој начин задржувајќи ги вработените во рамки на Македонија, со што и директно придонесува кон домашната економија. Дополнително, искуството кое овие луѓе го стекнуваат при работата со странски професионалци е непроценливо, бидејќи отвора нов свет на знаења кои се едноставно различни од она што го знаеме и можат да бидат од корист во идните професионални ангажмани.
Компанијата се придржува кон мотото „Нашите луѓе се нашиот бренд“, кое ја потенцира заложбата на компанијата да биде работно место во кое вработените ќе бидат задоволни, успешни, ќе напредуваат и ќе уживаат во работата. Така, Пантелеон ГС не само што обезбедува нови и модерни физички простории за работа, низа на лични бенефити и услуги, туку се залага и финансиските пакети кои ги нуди да бидат компетитиви, па дури и натпросечни во поглед на индустријата.
„Се залагаме за отворена комуникација на сите нивоа во компанијата, преку политика на отворени врати, што на секој вработен му овозможува директен и непречен пристап до членовите на врвниот менаџмент на дневно ниво. Ова сметаме дека е особено важно за градење на квалитетна комуникација внатре во компанијата и одржување на долготрајни релации“, вели Влатко Палчевски, Административен Директор на Пантелеон ГС.
Често се соочуваме со дилеми околу работните можности достапни на домашниот пазар на труд, особено во поглед на перспективата и финансиската сигурност. Пантелеон ГС е една од ретките компании кои на македонска територија им овозможуваат на амбициозни професионалци да го пронајдат „својот повик“ и да се одлучат за кариера работејќи со финансиски компании за факторинг, лизинг, осигурување и финансирање, брокерска компанија, мрежа за продажба на возила, компанија за регрутација, маркетинг и многу други, со конкурентни и натпросечни финансиски примања. Намерата и целта на Пантелеон ГС е да остави значаен белег на домашниот пазар преку креирање на нови вредности кои ќе бидат трајни и да ја приближи Македонија кон најразвиените светски пазари.
Берза
Кирил Хомиаков од Binance за новиот историски максимум на Биткоинот

На 22 мај 2025 година, Биткоин достигна нов историски максимум, надминувајќи ја границата од 111.000 долари. Овој настан претставува важен пресврт за крипто индустријата и потврда за растечкиот интерес на инвеститорите кон дигиталните средства како одржлив елемент на модерниот финансиски систем.
Со овој нов врв, пазарната капитализација на Биткоин надмина 2,165 трилиони долари, а неговиот удел во вкупната крипто пазарна капитализација достигна 63%, овозможувајќи му на BTC да го надмине Amazon и да влезе во топ 5 најголеми средства во светот. Вкупната крипто пазарна капитализација се искачи на 3,54 трилиони долари. Дневниот раст на вредноста на BTC надмина 4%, што исто така ја одразува зајакнатата позиција на криптовалутата во глобалната економија.
Кирил Хомиаков, регионален директор за Централна и Источна Европа и Централна Азија во Binance, истакнува: „Не го гледаме овој раст како краткорочен скок, туку како резултат на долгорочни промени во структурата на пазарот. Влезот на големи институционални инвеститори и примената на стратешки пристапи значително го менуваат начинот на кој се перцепира Биткоинот. Тој повеќе не е алтернативна актива, туку основа на нова финансиска парадигма“.
Важен аспект е што сегашната динамика на раст се базира на цврсти технички и фундаментални основи. Аналитичарите од CryptoQuant забележаа зголемување од 3 милијарди долари во реализираната капитализација на Биткоин за само 24 часа — бројка што може да укаже на почеток на одржлив „bullish“ импулс. За разлика од претходните циклуси, овој пат главни двигатели се институционалните инвеститори и долгорочните стратегии.
Големи играчи како MicroStrategy, Metaplanet и Twenty One Capital активно ги зголемуваат своите резерви на Биткоин. Само Strategy неодамна купи 7.390 BTC, со што нејзините вкупни средства достигнаа 576.230 BTC.
„Веќе не зборуваме за шпекулативни циклуси. Сведоци сме на влез на капитал што доаѓа со јасна стратегија – преку методи како што се просекување на цената во долари и долгорочно планирање на портфолиото. Ваквата стабилна динамика го поддржува растот на цените и ја намалува волатилноста, што е клучно за довербата на пазарот“, додава Хомиаков.
Постигнувањето на нов историски максимум доби дополнително симболично значење со тоа што се совпадна со Bitcoin Pizza Day — денот кога пред 15 години се случи првата
реална трансакција со Биткоин. Оттогаш, овој датум служи како потсетник колку далеку е дојдена индустријата — и колку високо може да порасне нешто што еднаш чинело само неколку долари.
„Во Binance, ваквите настани не ги гледаме само како пазарни индикатори, туку и показатели за зрелоста на крипто индустријата и зголемената доверба од милиони корисници ширум светот. Ги гледаме тековните трендови позитивно и забележуваме знаци на формирање на одржлив тренд на раст — Bull Market. Под овие услови, сосема е возможно пазарот повторно да ги надмине своите историски врвови“, заклучува Хомиаков.
Останато
Професори, уметници, стопанственици со значајни остварувања ќе говорот на „Чувари на мудроста“

Професори, уметници, стопанственици, личности со богата животна и професионална трага ќе бидат говорници на конференцијата „Чувари на мудроста“, која трета година по ред, традиционално ја организира Халкбанк. Девет успешни и влијателни професионалци во различни области, распоредени во три панели, ќе ги пренесат своите искуства, знаења и приказни на студенти, млади претприемачи, културни работници и претставници на стартап компании.
Првиот панел, насловен „Уметност на живеењето – на сцената и во реалноста“ е посветен на уметноста како вештина на изразување и творење, но и на носење животни одлуки. На оваа тема ќе говорат академик Влада Урошевиќ, истакнат македонски писател, кој сè уште е активен и во десеттата деценија од животот и Снежана Конеска Руси, една од најангажираните македонски актерки, која неодамна ја доби наградата за животно дело на театарскиот фестивал „Војдан Чернодрински“.
Вториот панел, „Курикулум на животниот и професионален развој“ ќе обедини професор, академик, стопанственик и поранешен Гувернер. Професорот по економски науки, академик Абдулменаф Беџети, професорот по административно право и јавна администрација, Борче Давитковски и професорот Љубе Трпески, кој во својата кариера беше професор на Економскиот факултет во Скопје, министер и Гувернер на Народната Банка ќе одржат едно поинакво предавање пред студентите. Дел од дискусијата ќе биде и Муарем Муртезани, истакнат стопанственик, кој од бизнис аспект ќе се надоврзе на дискусијата за предизвиците на патот на динамичниот животен и професионален развој на секој човек.
Третиот панел ќе го долови шармот на музиката како професија, животна определба и ритам на животот. На тема „Живот во ритам на музиката“ пред студентите и младите ќе говорат легендарниот музички новинар и диџеј, Драган Б. Костиќ, доајенката на македонската народна музика,Блага Петреска и велешкиот Страдивари – светски познатиот изработувачот на виолини, Светозар Богданоски.
Панелите ќе бидат во формат на форуми и сите присутни ќе можат да постават прашања и да ги споделат своите размислувања со говорниците.
Конференцијата „Чувари на мудроста“ ќе се одржи на 28 мај(среда), на Економскиот факултет во Скопје, во Амфитеатар 1. Настанот е бесплатен и отворен за сите, но заради ограничениот капацитет, неопходно е пријавување на присуството со пополнување онлајн формулар за регистрација.
Банки
Чие е ова време? „PenZy vs. GenZy“ на Халкбанк во потрага поодговорот на вечното прашање

Постојат ли воопшто „старите добри времиња“? Ќе дојдат ли некои нови подобри или веќе ги живееме? Носталгија или оптимизам за иднината – што е посилно?
Ќе се разберат ли некогаш генерациите што ретко зборуваат заеднички јазик?
Халкбанк заедно со популарните јутјубери Бајкерот и Кросфитерот се во потрага по одговорот на овие прашања, поставени во форма на дискусија во која сите страни се еднакво вклучени.
На каналот на Јутјуб на Бајкерот и Кросфитерот се наоѓа првата епизода од серијалот „PenZy vs. GenZy“ – отворена и искрена дискусија на теми што вклучуваат животни перспективи, генерациски разлики (и сличности), итн.
Овој серијал, поддржан од Халкбанк, вклучува гостувања на етаблирани личности од македонската сцена – претставници на т.н. генерација PenZy, како и млади перспективни претставници од т.н. генерација Gen Z.
„PenZy vs. GenZy“ – во самото име се наоѓа објаснувањето на идејата зад овој проект. Централен мотив на овие живи дискусии е прашањето: чие е ова време? Златните времиња се студентските денови, или пензионерските? Дали романтизираме кога мислиме на минатото? Еден куп прашања, за кои љубопитно ги чекаме одговорите и од сè срце уживаме во отворениот разговор помеѓу генерациите што навидум тешко комуницираат меѓу себе. Или, можеби, и тоа е уште еден мит што вреди да се разниша? Се надеваме дека безбедниот и отворен простор што Халкбанк го креира заедно со Бајкерот и Кросфитерот ќе биде местото каде што ќе се сретнат младоста и мудроста, а и каде што ќе дојдеме до одговорите на овие прашања.

„Ова е твое време“ е токму и името на актуелната финансиска иницијатива на Халкбанк, со која секој пензионер може да ужива во златните поволности на пакетот ПЕНЗИ, кои вклучуваат:
- Исплата на пензија пред секој први во месецот;
- Подарок за секој нов корисник;
- Повлекување готовина од сите банкомати во земјата – без провизија;
- Бесплатна дебитна картичка MasterCard;
- Бесплатно е-банкарство и СМС-инфо.
Повеќе информации за пакетот ПЕНЗИ може да добиете во најблиската филијала на Халкбанк, како и на веб-страницата на Банката.
- Банкипред 2 недели
НЛБ Банка Скопје e првата банка во земјата со формална апликација кон СЕПА, единствената област за плаќање во евра
- Банкипред 1 месец
Шпаркасе Банка наскоро започнува со изградба на нова Централа во Скопје
- Интервјуапред 2 месеци
Интервју | ЕМИЛИЈА НАЦЕВСКА: Вклучувањето на Македонија во СЕПА отвора ново поглавје во меѓународните плаќања
- Советипред 2 месеци
Водич за станбени кредити – Дел 1: Што треба да знаете пред да аплицирате?
- Банкипред 3 недели
ПРВ КВАРТАЛ ОД СОНИШТАТА ЗА КОМЕРЦИЈАЛНА БАНКА – добивката зголемена за речиси 20,1%!
- Колумнипред 2 месеци
Кон дигиталната ера: Електронскиот потпис, норма и неопходност на модерното банкарство
- Вработувањепред 2 месеци
Комерцијална банка вработува Помлад соработник за администрирање кредити и гаранции
- Банкипред 3 недели
Стопанска банка АД – Скопје во првиот квартал од 2025 година оствари добивка од 13,5 милиони евра!