Капитал банка АД Скопје има потреба од вработување на 1 лице на позицијата Офис менаџер на Управен одбор.

Опис на позицијата

Во потрага сме по организирана, професионална и дискретна личност за позицијата Офис менаџер на Бордот на извршни директори (Управен одбор), која ќе обезбеди целосна административна и логистичка поддршка на Управниот одбор, со акцент на ефикасна организација, доверливост и комуникација.

Клучни одговорности

• Организирање и координација на состаноци на Управниот одбор (агенда, записници, логистичка поддршка)
• Управување со календари и комуникација со членовите на Управниот одбор
• Писмена и усна комуникација со извршниот менаџмент и надворешни заинтересирани страни
• Архивирање и управување со доверливи документи и одлуки
• Организација на службени патувања и протоколарни активности
• Следење и евидентирање на спроведување на заклучоци и задачи од состаноци

Барани квалификации

• Високо образование од економски или правен смер
• Минимум 3 години релевантно работно искуство на слична позиција
• Одлично познавање на MS Office пакетот (Word, Excel, Outlook, PowerPoint)
• Познавање на деловен англиски јазик – усмено и писмено (задолжително)
• Организираност, дискреција, внимание на детали и способност за самостојна работа

Доколку сакате да ја креирате иднината на мала и динамична банка, доколку имате желба, знаење и ентузијазам да се приклучите на тимoт Капитал Банка, испратете ја Вашата биографија на следнава електронска адреса: [email protected].

Задолжително да се наведе за која позиција се аплицира.

Вашето резиме ќе биде внесено во базата на податоци и во случај на потреба од соодветен кадар, Банката врз основа на тековните потреби ќе ве контактира.

Огласот ќе биде активен 10 дена од датумот на објавување. Изборот на кандидатите ќе се врши во рок од 10 дена од истекувањето на огласот, во зависност од бројот на пријавените кандидати. Ќе бидат контактирани само кандидатите со уредни и навремени апликации кои одговараат на условите наведени во огласот.Апликацијата за вработување ќе биде третирана како доверлива. Според Законот за заштита на личните податоци, со самото доставување на Вашата апликација за работа за потребите на Банката, согласен/на си твоите лични податоци да бидат користени во процесот на селекција на кадри. Освен за наведениот случај, Вашите лични податоци нема да бидат користени за ниту една друга цел ниту, пак, достапни на трети лица. Повеќе информации за обработката на Вашите лични податоци ќе најдете во Политиката за приватност.

Врз основа на член 48 став 2, а во врска со член 49 став 3, член 50 и член 50-а од Законот за Народната банка на Република Северна Македонија („Службен весник на Република Македонија“ бр.158/10, 123/12, 43/14, 153/15, 6/16 и 83/18 и„Службен весник на Република Северна Македонија“ бр.110/21, 74/24 и 16/25), Народната банка на Република Северна Македонија распишува

ЈАВЕН ОГЛАС за избор на двајца кандидати за вицегувернери на Народната банка на Република Северна Македонија

 I.Критериуми за избор  

1.Кандидатите за вицегувернери треба да ги исполнуваат следниве критериуми:

–       да бидат лица државјани на Република Северна Македонија и да имаат соодветна репутација;

–       да имаат најмалку високо образование, 240 кредити според ЕКТС или завршен VII/1 степен на образование и соодветно професионално или академско искуство на полето на економијата, финансиите, банкарството или правото;

–       да не се должници во стечајна или ликвидациона постапка;

–       да не им е изречена прекршочна санкција, забрана за вршење професија, дејност или должност и

–       да не им е изречена споредна казна забрана за добивање дозвола за основање и работа на банка или друга финансиска институција, одземање на дозвола за основање и работа на банка или друга финансиска институција, забрана за основање на нови правни лица и привремена или трајна забрана за вршење дејност од областа на финансиите и банкарството.

II.Услови за избор

2.Кандидатите за вицегувернери покрај горенаведените критериуми, треба да ги исполнуваат и следниве услови:

2.1.да поседуваат еден од следниве меѓународно признати сертификати или уверенија за активно познавање на англискиот јазик не постар од 5 години:

–       ТОЕФЕЛ ИБТ најмалку 74 бода,

–       ИЕЛТС (IELTS) – најмалку 6 бода,

–       ИЛЕЦ (ILEC) (Cambridge English: Legal) – најмалку Б2 (B2) ниво,

–       ФЦЕ (FCE) (Cambridge English: First) – положен 

–       БУЛАТС (BULATS) – најмалку 60 бода или

–       АПТИС (APTIS) – најмалку ниво Б2 (B2)

3.За исполнување на горенаведените критериуми и услови, кандидатите кон пријавата која е објавена на интернет страната на Народната банка на Република Северна Македонија потребно е да достават: 

-кратка биографија во која ќе бидат содржани податоци за претходното професионално или академско искуство на полето на економијата, финансиите, банкарството или правото; 

-потврда за државјанство издадена од надлежен орган на Рeпублика Северна Македонија (не постара од 6 месеци пред денот на поднесувањето на пријавата);

-диплома или уверение за завршено високо образование, најмалку 240 кредити според ЕКТС или завршен VII/1 степен на образование;

-изјава за исполнување на критериумот од точка 1 алинеја 3 (заверена кај овластено лице – нотар);

-потврда за неизречена прекршочна санкција, забрана за вршење професија, дејност или должност (не постара од 6 месеци пред денот на поднесувањето на пријавата) издадена од Централниот регистар на Република Северна Македонија или надлежен суд според местото на раѓање;

-изјава за исполнување на критериумот од точка 1 алинеја 5 (заверена кај овластено лице – нотар) и

-меѓународно признат сертификат или уверение за активно познавање на англискиот јазик не постар од 5 години.

Сите потврди, дипломата или уверението за завршено високо образование меѓународно признатиот сертификат или уверение за активно познавање на англискиот јазик, треба да бидат во оригинал или копија заверена кај овластено лице (нотар).

4.Рокот за доставување на пријави со потребните документи изнесува 30 дена, сметано од денот на објавувањето на огласот.

5.Изборот на кандидати за вицегувернери на Народната банка на Република Северна Македонија ќе се изврши во рок од 45 дена по истекот на рокот за пријавување.

6.Ненавремените и некомплетни пријави и документација нема да бидат разгледувани.

7.Пријавата со потребната документација да се достават до Архивата на Народната банка на Република Северна Македонија, Бул. „Кузман Јосифовски Питу“  бр.1 – Скопје.  

Врз основа на член 11 став (7) од Законот за буџети („Службен весник на Република Северна Македонија“ бр. 203/22, 76/24 и 272/24), Народната банка на Република Северна Македонија распишува

ЈАВЕН ОГЛАС
за пријавување на заинтересирани лица за избор на еден (1) предлог – член од Народната банка на Република Северна Македонија во Фискалниот совет

1. ВОВЕД

Фискалниот совет е независно тело кое врши активности од својот делокруг и надлежност, определени со Законот за буџети („Службен весник на Република Северна Македонија” бр.203/22, 76/24 и 272/24) и за својата работа одговара пред Собранието на Република Северна Македонија.

2. ПРЕДМЕТ НА РАБОТА НА ФИСКАЛНИОТ СОВЕТ

Согласно членот 11 од Законот за буџети, Фискалниот совет на независна, објективна и професионална основа, изработува анализи и мислења за:

·         макроекономските и фискалните претпоставки користени за изработка на Буџетот на државата и фискалната стратегија;

·         фискалната стратегија, Буџетот на државата, Измената и дополнувањето на Буџетот на државата, Полугодишниот извештај за реализација на буџетот, Завршната сметка на Буџетот и друга документација поднесена пред Собранието на Република Северна Македонија или објавена согласно со Законот за буџети;

·         фискалните ризици и веројатноста на исполнување на Буџетот на државата и фискалната стратегија;

·         исполнувањето на фискалните правила од Законот за буџети, како и за ризиците за отстапување од фискалните правила;

·         настанувањето на исклучителни околности кои водат до привремено отстапување од примената на фискалните правила согласно со членот 10 став (6) од Законот за буџети, како и за условите за привремено отстапување за инвестиции согласно со членот 10 став (7) од Законот за буџети;

·         спроведувањето корективни мерки наведени во членот 10 ставови (4) и (8) од Законот за буџети.

Фискалниот совет може, на сопствена инцијатива, односно на барање на Владата на Република Северна Македонија или Собранието на Република Северна Македонија да изработи и анализи и мислења за фискалните ефекти на одделни предлог-закони, како и за други прашања во делот на фискалната политика и управувањето со јавните финансии.

Анализите и мислењата на Фискалниот совет се составен дел на соодветните документи при поднесувањето до Владата на Република Северна Македонија или Собранието на Република Северна Македонија на разгледување и усвојување. Доколку постојат забелешки во анализите и мислењата на Фискалниот совет, Владата на Република Северна Македонија, преку Министерството за финансии, задолжително треба да подготви одговор во кој ќе се образложат причините за отстапувањата од анализите и мислењата на Фискалниот совет, кој е, исто така, составен дел на соодветниот документ.

3. ОДГОВОРНОСТ НА ЧЛЕНОВИТЕ ЗА НИВНАТА РАБОТА ВО ФИСКАЛНИОТ СОВЕТ

Фискалниот совет за својата работа одговара пред Собранието на Република Северна Македонија.

Членовите на Фискалниот совет во својата работа дејствуваат самостојно, независно и непристрасно во согласност со највисоките професионални и етички стандарди. Ставовите кои членовите ги изнесуваат во работата на Фискалниот совет или при јавни настапи поврзани со активностите на Фискалниот совет, не претставуваат став на институциите кои ги предложиле или институциите со кои се поврзани.

4. НАДОМЕСТОК ЗА РАБОТАТА НА ЧЛЕН ВО ФИСКАЛНИОТ СОВЕТ

Сите членови на Фискалниот совет ги вршат своите активности во Советот без засновање работен однос. За нивната активност во Фискалниот совет им се утврдува месечен надоместок на нето-основа во висина од две нето просечни плати исплатени во Република Северна Македонија во текот на претходната година.

5. МАНДАТ НА ЧЛЕНОТ НА ФИСКАЛНИОТ СОВЕТ КОЈ Е ИЗБРАН ПО ПРЕДЛОГ ОД НАРОДНАТА БАНКА НА РЕПУБЛИКА СЕВЕРНА МАКЕДОНИЈА

Членовите на Фискалниот совет ги именува Собранието на Република Северна Македонија. Мандатот на членовите на Фискалниот совет е шест години, без право на повторен избор.

Сите останати прашања поврзани со статусот на членовите, надлежностите и работењето на Фискалниот совет се уредени со Законот за буџети.

6. УСЛОВИ КОИ ТРЕБА ДА ГИ ИСПОЛНУВААТ ЛИЦАТА ЗАИНТЕРЕСИРАНИ ДА БИДАТ ПРЕДЛОЖЕНИ ЗА ЧЛЕН НА ФИСКАЛНИОТ СОВЕТ НА ПРЕДЛОГ НА НАРОДНАТА БАНКА НА РЕПУБЛИКА СЕВЕРНА МАКЕДОНИЈА 

Член на Фискалниот совет може да биде лице:

1)    кое е државјанин на Република Северна Македонија;

2)    кое има соодветна репутација, најмалку високо образование и најмалку десет години соодветно професионално или академско искуство на полето на економијата, јавните финансии, сметководство и ревизијата или друга сродна област;

3)    на кое со правосилна судска пресуда не му е изречена казна или прекршочна санкција, забрана за вршење професија, дејност или должност;

4)    кое не е пратеник во Собранието на Република Северна Македонија;

5)    кое не е член на Владата на Република Северна Македонија;

6)    кое не е вработено во буџетски корисник или во друг јавен субјект на државно или на локално ниво, освен по исклучок уреден со одредбата од член 11 став (10) точка 4 од Законот за буџети, односно ќе се смета дека лицето го исполнува овој услов ако истото е универзитетски професор или вработен, односно ангажиран во научно-истражувачка институција или времено ангажиран во меѓународна финансиска институција;

7)    кое не е член на органи на политичка партија; и

8)    кое не било носител на јавна функција во претходните пет години.

7. ДОКУМЕНТИ КОИ ТРЕБА ДА ГИ ПОДНЕСАТ ЗАИНТЕРЕСИРАНИТЕ ЛИЦА КАКО ДОКАЗ ДЕКА ГИ ИСПОЛНУВААТ УСЛОВИТЕ ДА БИДАТ ПРЕДМЕТ НА РАЗГЛЕДУВАЊЕ ЗА ИЗБОР НА ПРЕДЛОГ ЧЛЕН НА ФИСКАЛНИОТ СОВЕТ ПО ПРЕДЛОГ НА НАРОДНАТА БАНКА НА РЕПУБЛИКА СЕВЕРНА МАКЕДОНИЈА

1)    Уверение за државјанство на Република Северна Македонија (оригинал или заверено на нотар);

2)    Уверение или диплома за завршено високо образование (оригинал или заверено на нотар), Лична биографија (CV) и Мотивационо писмо (во хартиена форма и своерачно потпишани) во кои треба да бидат наведени активностите со кои е остварено соодветно, професионално или академско искуство на полето на економијата, јавните финансии, сметководство и ревизијата или друга сродна област кои ќе се евалуираат преку професионално институционално искуство, академска работа, публикации во сферата и нивна научна вредност, работа врз научни и апликативни проекти и друг вид сврзана интелектуална работа;

3)    Потврда од казнена евиденција дека не е изречена казна што се состои во забрана за вршење професија, дејност или должност, која ја издава надлежен суд според местото на раѓање;

4)    Потврда дека со правосилна судска пресуда не му е изречена прекршочна санкција забрана за вршење професија, дејност или должност, која ја издава Централниот регистар на Република Северна Македонија или надлежен суд според местото на раѓање;

5)    Изјава (заверена на нотар) со која лицето изјавува дека:

–        не е пратеник во Собранието на Република Северна Македонија,

–        не е член на Владата на Република Северна Македонија,

–        не е член на органи на политичка партија,

–        не било носител на јавна функција во претходните пет години со исклучок на член на Фискалниот совет

–        не е вработено во буџетски корисник или во друг јавен субјект на државно или на локално ниво.

Во случај ако за лицето по однос на алинеја 5 од оваа точка важи исклучокот уреден со одредбата од член 11 став (10) точка 4 од Законот за буџети, во изјавата треба да биде наведено истото како фактичка состојба и во прилог кон Изјавата заверена на нотар, лицето треба да достави потврда (во оригинал или заверена на нотар) дека е универзитетски професор од соодветниот Универзитет, или потврда (во оригинал или заверена на нотар) дека е вработен односно ангажиран од научно–истражувачка институција или времено ангажиран од меѓународна финансиска институција.

Народната банка на Република Северна Македонија за целите на проверка на веродостојноста на поднесените документи односно дадени изјави од заинтересираните лица, може службено да комуницира со надлежните органи и правни лица.

8. ДОСТАВА НА ДОКУМЕНТАЦИЈА

Заинтересираните лица аплицираат со доставување на документите наведени во Дел 7 од Јавниот оглас во хартиена форма во непроѕирен плик на кој во горниот лев агол треба да пишува: „НЕ ОТВОРАЈ“ додека во долниот десен агол треба да пишува:

„За Јавен оглас број 1/2025“

Друг текст пликот не смее да содржи.

Пликот треба да биде доставен по пошта до Архивата на Народната банка на Република Северна Македонија, на адреса:

„Народна банка на Република Северна Македонија, бул. „Кузман Јосифовски Питу“ број 1, 1000 Скопје“

Доставата на документацијата задолжително мора да биде по пошта заради запазување на висок степен на интегритет и доверливост, заради што за целите на овој Јавен оглас доставата по електронски пат или лична достава се неприфатливи.

9. КРАЕН РОК ЗА ПОДНЕСУВАЊЕ ДОКУМЕНТАЦИЈА ЗА АПЛИЦИРАЊЕ ПО НАВЕДЕНИОТ ОГЛАС: 15 календарски денови од денот на објавување  на огласот.

Дополнителни прашања по однос на технички аспекти за наведениот Јавен оглас може да се достават на адреса на [email protected] при што во насловот на електронската порака треба да биде наведено „Јавен оглас број 1/2025“, најдоцна три (3) дена пред крајниот рок за поднесување на документацијата за аплицирање по наведениот оглас.

10. ИЗБОР НА ЛИЦЕ КОЕ ЌЕ БИДЕ ПРЕДЛОЖЕНО ОД НАРОДНАТА БАНКА НА РЕПУБЛИКА СЕВЕРНА МАКЕДОНИЈА ЗА ЧЛЕН НА ФИСКАЛНИОТ СОВЕТ

          По истекот на рокот за аплицирање на овој Јавен оглас, во Народната банка на Република Северна Македонија ќе биде формирана Комисија којашто најпрво ќе ги разгледа пристигнатите апликации по однос на нивната форма и комплетност односно:   

–        Дали се формално исправни, односно поднесени во форма на затворен плик и означени како што е наведено во Дел 8;

–        Дали се навремени, односно доставени во рокот определен во Дел 9; и 

–        Дали се целосни, односно дали ја содржат целосната комплетна документација наведена во Дел 7 од овој Јавен оглас за докажување на исполнетоста на условите наведени во Дел 6.

Комисијата ќе изврши разгледување само на формално исправните, навремените и целосни апликации, и до Советот на Народната банка на Република Северна Македонија ќе достави список на лица коишто ги исполнуваат условите за предлог член во првиот состав на Фискалниот совет, по што Советот на Народната банка на Република Северна Македонија ќе донесе Одлука со предлог за именување на член на Фискалниот совет.