„Во услови на силна конкуренција за квалификувани кадри, приватното здравствено осигурување станува стандард, а не привилегија.“ – истакнува Марија Томеска, претседател на Управниот одбор на Еуролинк Осигурување, во новото издание на FinSight.

Компаниите во Македонија сè повеќе препознаваат дека квалитетната здравствена заштита е еден од најзначајните бенефити што директно влијае врз изборот на кандидатите, но и врз задржувањето на постојните вработени.

Овој тренд ја одразува промената во корпоративната култура: современите работодавачи инвестираат во пакети кои обезбедуваат сигурност, грижа и брз пристап до здравствени услуги, нешто што вработените го ценат сè повеќе.

Дополнително, според Томеска, растот на приватното здравствено осигурување го поттикнуваат два клучни фактори:

– Недостатоците и оптовареноста во државниот здравствен систем

– Зголемената свесност кај самите вработени, кои сè повеќе го препознаваат бенефитот од ПЗУ

Овие фактори укажуваат дека ПЗУ има значителен потенцијал за развој на домашниот пазар, а компаниите што навреме ќе ја препознаат оваа динамика стекнуваат сериозна конкурентска предност.

Во оваа епизода на FinSight, разговараме со Марија Томеска, Претседател на Управен одбор на Еуролинк Осигурување.

Разговараме за клучните движења во осигурителниот сектор:

🔹 Порастот на осигурувањето по различни типови и што го движи овој раст?

🔹 Зошто ПЗУ станува толку актуелно и кои се неговите главни придобивки?

🔹 Што може да направи клиентот ако не е задоволен од исплатената штета – сите опции за приговор?

🔹 Дали клиентските навики се менуваат и се зголемува интересот за онлајн полиси?

Дополнително, Марија споделува и еден неверојатен податок: најголемата исплатена штета во Еуролинк изнесува 1.200.000 евра и се однесува на одговорност кон трети лица.

Гледај ја епизодата и дознај повеќе за трендовите, предизвиците и иднината на осигурувањето!

Новинар: Наташа Мерсовска

Во најновото издание на FinSight разговараме со Сандра Томановиќ, директор на Дирекција за платни системи и поврзани услуги во КИБС АД Скопје, за најактуелните теми од светот на дигиталните плаќања и финтек трансформацијата.

Фокусот го ставаме на прашањата кои денес ја обликуваат иднината на банкарството:

🔹 Како инстант-плаќањата веќе го менуваат секојдневното користење на банкарските услуги?

🔹 Што донесува новата европска регулатива и кои се придобивките за корисниците, трговците и банките?

🔹 До каде е процесот на воведување на отворено банкарство (Open Banking) во Македонија и кога може да очекуваме негово практично функционирање?

Во интервјуто откриваме и значајни податоци за обемот на платни трансакции што поминуваат преку КИБС, како и трендовите што ги забележуваат во трансакциските и малопродажните плаќања.

Со јасни одговори, анализи и практични примери, Томановиќ нуди корисен увид за сите што сакаат да ја следат динамиката и брзиот развој на платните системи во земјава.

Следете ја емисијата FinSight и останете во тек со најважните финансиски и банкарски трендови во Македонија.

Новинар: Наташа Мерсовска