Connect with us

Банки

НЛБ Групацијата донира 350 илјади евра во Фондацијата на МБА „Заедно за едно“

Објавено

пред 2 дена

на

НЛБ Групацијата, најголемата банкарска и финансиска групација со седиште и ексклузивен стратешки интерес во регионот, донира средства за долгорочна поддршка на семејствата на настраданите и повредените во пожарот кој неодамна се случи во Кочани. Сите банки-членки на Групацијата контрибуираат со одреден износ, со што вкупниот износ на донацијата изнесува 350 илјади евра, средства кои треба да помогнат на погодените во справување со последиците од трагедијата. 

Средствата ќе бидат уплатени на сметката на неодамна основаната Фондација на Македонската банкарска асоцијација „ЗАЕДНО ЗА ЕДНО“, во која НЛБ Банка е еден од основачите, а чија основна цел е помош и поддршка во рехабилитацијата и медицинските третмани на повредените во пожарот, поддршка на менталното здравје на настраданите и нивните семејства, како и поддршка во образовниот процес и професионалната реинтеграција на лицата и семејствата кои се соочија со загуба.

„Длабоко жалиме за изгубените животи, Кочани е огромна трагедија. Во вакви моменти, важно е да се потсетиме на силата на заедништвото и на нашата подготвеност да се обединиме и да делуваме здружено и со сите капацитети. Впрочем, како основачи и донатори во Фондацијата на Македонската банкарска асоцијација која ја промовира солидарноста и општественатаодговорност на банкарскиот сектор тоа и го потврдуваме. Изразуваме огромна благодарност до нашата групација, НЛБ Групацијата, и сите нејзини членки кои давајќи придонес кон оваадонација уште еднаш ја потврдуваат својата посветеност кон регинот во кој делуваме.“ – изјави Тони Стојановски, Претседател на Управниот одбор на НЛБ Банка Скопје.  

„Неодамнешната трагедија од пожарот длабоко нѐпогоди сите нас – не само како банка, туку и како луѓе кои живеат и работат во овој регион. За нас, овој регион не е само точка на мапата – тој е и наш дом. И кога вашиот дом ‘ве боли’, правите сèшто можете да помогнете. НЛБ Групацијата ја дава оваа донација за закрепнување и надеж, затоа што ние не сме само банка туку сме и соседи, и партнери и дел од заедницата. И секогаш ќе бидеме тука да помогнеме и да придонесеме, и во моменти на раст и во моменти на тага“– истакнува Блаж Бродњак, Главен извршен директор на НЛБ Групацијата.

Непосредно по трагедијата, НЛБ Банка Скопје донираше и средства преку сметката на солидарноста на Црвениот крст на Република Северна Македонија, давајќи поддршка на организацијата која уште веднаш ги стави во функција сите механизми за материјална и хуманитарна помош на повредените и семејствата на настраданите, и сите свои расположливи капацитети за поддршка на институциите во справување со последиците од страотниот пожар.

Слични Теми:

Банки

Соопштение од Стопанска банка АД – Скопје: Неработни денови за велигденските празници

Објавено

пред 19 часа

на

Стопанска банка АД – Скопје ги информира своите клиенти дека поради претстојните велигденски празници, филијалите на Банката нема да работат на следните денови:

  • Петок, 18 април 2025 година – Велики Петок
  • Понеделник, 21 април 2025 година – Втор ден на Велигден

За време на празниците, на располагање ќе бидат сите i-bank дигитални услуги, вклучувајќи ги мобилното и електронското банкарство (m-banking и e-banking), банкоматите на Стопанска банка, како и широката партнерска мрежа на трговци кои прифаќаат картички издадени од Банката.

ЗАБЕЛЕШКА: Согласно официјалниот календар, МИПС плаќањата ќе бидат достапни само во петок, 18 април 2025 година.

Раководството и вработените на Стопанска банка АД – Скопје на сите клиенти и соработници им ги честитаат велигденските празници, со желби за здравје, среќа и благосостојба.

Продолжи со читање

Банки

ЕЦБ СО КЛУЧЕН ПОТЕГ – Намалување на каматните стапки поради економска неизвесност!

Објавено

пред 20 часа

на

Европската централна банка (ЕЦБ) направи уште еден пресврт во својата монетарна политика, намалувајќи ја основната каматна стапка за 25 базични поени, на ниво од 2,25%. Ова е прво намалување од максимумот од 4% во 2023 година и доаѓа во време на зголемена глобална неизвесност и економски тензии.

Одлуката беше очекувана од финансиските пазари со 94% веројатност за намалување пред седницата. Сега фокусот се пренасочува кон понатамошните чекори на Европската централна банка, како и сигналите што ќе ги испрати за движењето на таканаречената „неутрална стапка“, односно нивото на каматна стапка кое не ја стимулира, ниту ја ограничува економијата.

Аналитичарите посочуваат дека главна причина за ваквиот потег се заострените глобални трговски тензии, кои создадоа несигурност и ги намалија изгледите за раст на Еврозоната. Иако дел од тарифните мерки на САД и одговорите на другите економии се привремено замрзнати, пазарот и натаму е чувствителен на секој сигнал кој може да укаже на забавување на глобалниот раст.

Во својата изјава, ЕЦБ нотира дека „економијата на еврозоната покажува одредена отпорност, но зголемената неизвесност и трговските тензии го зголемуваат ризикот од забавување на растот“. Според Банката, овие фактори може дополнително да ја нарушат довербата на потрошувачите и компаниите, како и да создадат затегнувања во финансиските услови.

Инвеститорите и финансиските пазари сега со големо внимание ги следат изјавите на претседателката Кристин Лагард и Управниот совет на ЕЦБ, особено во однос на потенцијалната флексибилност на политиката и можноста за натамошно олеснување, па дури и позиционирање под неутралната стапка во следните 6 до 12 месеци.

Овој потег на ЕЦБ може да има значајни импликации за пазарите на капитал, девизниот курс на еврото, како и за кредитните услови во Еврозоната. Финансиските институции, инвеститорите и носителите на економски политики внимателно ќе ги анализираат сигналите што ќе ги испрати ЕЦБ во наредниот период.

Продолжи со читање

Банки

Известување од Халкбанк АД Скопје за работното време за Велигденските празници

Објавено

пред 22 часа

на

Халкбанк АД Скопје ги информира своите клиенти дека на 18 и 21 април 2025 година (петок и понеделник), по повод Велигденските празници, филијалите на Банката нема да работат.

Притоа, експозитурите Рамстор, Ретаил Поинт Парк и Џевахир ќе продолжат со работа согласно тековниот распоред и ќе бидат отворени според следното работно време:

🔹 Експозитура Рамстор: 10:00 – 17:00 часот;
🔹 Експозитура Ретаил Поинт Парк: 09:00 – 17:00 часот;
🔹 Експозитура Џевахир: 10:00 – 17:00 часот.

Клиентите можат и понатаму да ги користат електронските канали за банкарски услуги – мобилното и електронското банкарство, како и мрежата на банкомати на Халкбанк.

Среќни Велигденски празници од тимот на Халкбанк АД Скопје!

Продолжи со читање

Популарно