Банки
Халкбанк го посветува месецот на штедење на финанскиска едукација за деца и млади
Буквар за финансиска писменост на деца и млади, видеа за финансиска едукација, мобилна учиница Халки се само дел од активностите кои ќе ги спроведе Халкбанк во текот на месецот на штедење – октомври. Целта на оваа кампања на банката е да им помогне на најмладите членови на нашето општество да стекнат основни знаења за најважните финансиски поими и да ги разберат позитивните аспекти на детското штедење.
„Наша обврска како банка е да им помогнеме на децата да научат нешто повеќе на оваа тема, која е особено важна, а не е доволно застапена во формалното образование. Токму затоа го одбравме октомври, меѓународниот месец на штедењето за да креираме неколку интересни активности и практично на забавен и интерактивен начин да придонесеме за поголема финансиска писменост. Важно е децата да се што е можно повеќе едуцирани, но и за нас банките, важно е да градиме добро информирани нови генерации“, вели Маја Наумовска Савеска од Халкбанк.
Букварот за финансиска писменост ќе содржи 31 термин, по еден за секоја буква од азбуката, преку кои децата од школска возраст ќе можат да научат што значат зборовите кои најчесто се користат во финансиската област. Во активностите ќе се вклучи и слончето Халки, препознатливиот симбол на детското штедење, кој ќе учествува во мобилните училници што ќе се организираат во неколку градови – Битола, Гевгелија и Куманово. Кампањата за финансиска писменост на деца и млади ќе заврши со низа активности во Градскиот парк во Скопје, кои ќе се одржат на 31 октомври, Меѓународниот ден на штедењето.
Дополнително, ќе биде распишан и литературен конкурс за деца, за најдобар краток расказ на тема „Мојата желба го обиколи светот“. На конкурсот право на учество ќе имаат сите ученици од петто до деветто одделение од основните училишта во Македонија. Најдобрите пет раскази ќе добијат Халки штедни книшки и почетна сума за штедење.
Слончето Халки и Халкбанк се верни пријатели на децата и младите и постојано спроведуваат општествено одговорни активности за нивна поддршка, кои главно се насочени кон едукација на децата и поттикнување на нивната креативност и творечка енергија. Како дел од овие активности, досега се организирани повеќе од 100 работилници низ целата држава, на кои имаат учествувано илјадници деца.
Атлантик Група со двоцифрен раст на приходите и добивката во првото полугодие, ги зголеми очекувањата за 2026 година
Професорите по економија во Македонија основаа национално професионално здружение
Наградна игра за млади со ZIPP картичката од Комерцијална банка
Apple постави нов рекорд: Пазарната вредност на компанијата надмина 5 трилиони долари!
Еврото го губи нагорниот моментум во однос на доларот
Филомена Пљакоска Аспровска во FinSight: Дали мобилниот телефон ќе стане нашиот единствен паричник?
Дигитализацијата и довербата се двигатели на новото банкарство – Беркан Имери во FinSight
Халкбанк отвори повик за летна пракса за студенти и млади
Иднината на банкарството е во доброто корисничко искуство
Финансиските друштва пред нови правила: Кредитите ќе се исплаќаат само на трансакциска сметка
Банки
Наградна игра за млади со ZIPP картичката од Комерцијална банка
Клиентите на возраст од 18 до 29 години кои се корисници на Zipp Mastercard Debit World картичката од Комерцијална банка, со секоја трансакција учествуваат во Наградната игра ZIPP & WIN и добиваат можност да станат добитници на електричен MATE велосипед или 30.000 денари на нивната Zipp сметка.
Во периодот до 10 септември 2026 година, секоја трансакција со Zipp картичката направена во земјата со физичка картичка, преку телефон или смарт часовник, носи по една шанса (еден код) за освојување на една од наградите.
Колку повеќе трансакции, толку повеќе шанси за освојување на една од наградите.
Извлекувањето на добитниците ќе се одржи на 14 септември 2026 година.
Сите детали и правилата за Наградната игра се достапни на следниот линк.
Банки
Стопанска банка со добивка од 1,41 милијарда денари во првото полугодие
Стопанска банка АД – Скопје во првите шест месеци од 2026 година остварила добивка пред оданочување од 1,412 милијарди денари, што претставува намалување од 30 отсто во споредба со истиот период минатата година.
Според консолидираните неревидирани финансиски извештаи, позитивниот финансиски резултат пред оданочување и резервации изнесувал 1,781 милијарда денари и бил за 31 отсто понизок на годишно ниво.
Од Банката наведуваат дека намалувањето се должи на регулаторните и пазарните услови, пониските каматни стапки и каматни приходи, намалените провизии од платниот промет и меѓународните трансакции, како и на еднократните приходи наплатени во 2025 година од претходно отпишани побарувања.
Во првото полугодие Банката издвоила 368,4 милиони денари за исправка на вредноста на финансиските средства и за посебна резерва за вонбилансна изложеност.
Вкупната актива на Банката на 30 јуни 2026 година изнесувала 159,035 милијарди денари, при што е забележан органски раст.
Консолидираните извештаи ги опфаќаат финансиските резултати на Стопанска банка АД – Скопје и на Стопанска лизинг ДООЕЛ Скопје.
Банки
Халкбанк нуди кредитна картичка со патничко осигурување и асистенција на пат
Халкбанк АД Скопје ја промовира Visa Travel кредитната картичка, наменета за корисниците кои сакаат дополнителна сигурност и поволности за време на патувањата.
Со картичката корисниците добиваат асистенција на пат, како и патничко осигурување со покритие во времетраење од десет дена.
Дополнително, на корисниците им се овозможува попуст од 10 проценти при купување полиси за доброволно осигурување од Халк Осигурување.
Повеќе информации за условите и поволностите се достапни на интернет-страницата на Халкбанк.
Атлантик Група со двоцифрен раст на приходите и добивката во првото полугодие, ги зголеми очекувањата за 2026 година
Професорите по економија во Македонија основаа национално професионално здружение
Наградна игра за млади со ZIPP картичката од Комерцијална банка
Apple постави нов рекорд: Пазарната вредност на компанијата надмина 5 трилиони долари!
Еврото го губи нагорниот моментум во однос на доларот
Филомена Пљакоска Аспровска во FinSight: Дали мобилниот телефон ќе стане нашиот единствен паричник?
Дигитализацијата и довербата се двигатели на новото банкарство – Беркан Имери во FinSight
Халкбанк отвори повик за летна пракса за студенти и млади
Иднината на банкарството е во доброто корисничко искуство
Финансиските друштва пред нови правила: Кредитите ќе се исплаќаат само на трансакциска сметка
-
Интервјуапред 2 месециFinSight | Нина Ангеловска Станков: Во политиката аргументот не е крај на разговорот – туку негов почеток
-
Интервјуапред 2 месеци„Ништо случајно“: Нина Ангеловска за бизнисот, животните лекции и патот кој ја обликувал нејзината кариера
-
Интервјуапред 2 месециФиломена Пљакоска Аспровска во FinSight: Дали мобилниот телефон ќе стане нашиот единствен паричник?
-
Банкипред 2 месециНа музиката ѝ е место и меѓу банкарските шалтери – Young Dadi со ексклузивен popup настап за клиентите на Халкбанк
-
Бизниспред 2 месециОд полноќ нови цени на горивата: Бензините поевтинија, дизелот поскапе
-
Интервјуапред 1 месецДигитализацијата и довербата се двигатели на новото банкарство – Беркан Имери во FinSight
-
Берзапред 2 месециРКЕ донесе одлука: Дизелот поевтинува за 6,5 денари по литар, најголем пад на цената во последните месеци
-
Кариерапред 2 месециНЛБ Банка вработува банкарски советник во Штип, рокот за пријавување е 10 јуни
