Банки
Глигорова: Постојано се јакне капацитетот за стрес-тестирање на банките
„Народната банка постојано вложува ресурси во јакнењето на сопствениот капацитет, но што е уште поважно и во капацитетот на банките за стрес-тестирање. Toa e една од главните алатки за утврдување и управување со ризиците и ранливостите во профилот на ризик или деловниот модел на банките. Тие не се само една вежба којашто треба да ја вршат банките заради исполнување на обврските пропишани од регулативата или супервизорите. Банките треба да спроведуваат низа различни стрес-тестирања, покривајќи низа различни сценарија, земајќи ги предвид врските меѓу одделните ризици и условите на пазарот. Најважно е банките потоа да ги искористат резултатите од стрес-тестирањето.“ Ова го истакна Викторија Глигорова, генералната директорка на Секторот за супервизија во Народната банка, во интервју дадено за електронскиот билтен на Македонската банкарска асоцијација.
Говорејќи за потребата од редовно вршење стрес-тестирање од страна на банките коешто супервизорите го користат како една од алатките за оцена на отпорноста на банките на различни шокови, Глигорова се осврна на Базелските принципи за ефикасна банкарска супервизија, нагласувајќи дека „со нив се укажува дека е потребно стрес-тестирањето да биде составен дел од целокупната култура на управување, вклучително и управувањето со ризиците во банките, а резултатите од стрес-тестирањето треба да влијаат врз донесувањето одлуки, вклучително и врз стратегиските деловни одлуки на највисоко ниво.“
Генералната директорка на Секторот за супервизија истакнува дека банките го вградуваат стрес-тестирањето во системот за управување со ризиците, бидејќи укажува на можните негативни исходи од изложеноста на банките на различни ризици и им дава информации на банките и супервизорите за финансиските ресурси коишто би биле потребни за да се апсорбираат загубите доколку се случат такви шокови.
Глигорова додава: „Во следниот период една од областите во кои ќе бидеме насочени е стрес-тестирањето поврзано со „зеленото финансирање“, што секако е во согласност и со тековните напори на ова поле на меѓународно ниво.“
Интервјуто можете да го прочитате на следната ВРСКА.
Лагард: Повоениот европски модел на раст го губи здивот, иднината е во единствениот пазар
Американскиот долг надмина 40 трилиони долари, за една деценија повеќе од двојно зголемен
Еврото продолжи да зајакнува во однос на доларот
Халк Осигурување со порака до патниците: Сигурност за секоја следна авантура
Генералниот извршен директор на ТТК Банка купи 1.009 акции
Иднината на банкарството е во доброто корисничко искуство
Стопанска банка со промотивна камата од 4,9 отсто за Mastercard Platinum картичката
Премиум дебитната картичка на Стопанска банка овозможува пристап до над 1.800 аеродромски деловни зони
Нулта толеранција за измами: Владата усвои нова Стратегија за заштита на финансиските интереси на ЕУ во земјава до 2030 година
НЛБ Банка ја продолжи понудата за промотивен депозит на 25 месеци
Банки
Генералниот извршен директор на ТТК Банка купи 1.009 акции
Генералниот извршен директор на ТТК Банка АД Скопје, Драгољуб Арсовски, купил 1.009 акции на банката, се наведува во објавата за трансакцијата.
Датумот на порамнување на трансакцијата е 19 август 2026 година. Со последното купување, Арсовски поседува 2,1 отсто од вкупниот број акции издадени од ТТК Банка.
Информацијата е објавена во образецот за купување и продавање акции на друштвото од страна на членови на Управниот или Надзорниот одбор, односно членови на Одборот на директори.
Извор: Македонска берза – berza.mk
Банки
Халкбанк со пакет за поддршка на жените претприемачки
Халкбанк АД Скопје нуди посебен пакет наменет за жени претприемачки, со поволности кои треба да им овозможат полесно започнување и развој на сопствен бизнис.
Во рамки на пакетот е предвидена можност за бизнис кредит до 500.000 евра, како и платежна сметка без трошоци за нејзино водење.
Корисничките на пакетот добиваат и електронско банкарство без надомест, како и дополнителни поволности наменети за поддршка на развојот на нивниот бизнис.
Од Халкбанк посочуваат дека целта на понудата е жените претприемачки да добијат поголема сигурност и повеќе можности за реализација на своите деловни идеи.
Банки
Стопанска банка го проширува Надзорниот одбор: Божиновска – Лазаревска именувана за независен член
Стопанска банка АД – Скопје ја информираше јавноста дека Зорица Божиновска – Лазаревска е именувана за независен член на Надзорниот одбор на Банката, со мандат од четири години.
Именувањето е донесено согласно одлуката на Собранието на акционери на Стопанска банка, по добиената согласност, односно Решението на Извршниот одбор на Народната банка.
Со новото именување, Божиновска – Лазаревска ќе има улога во работата на Надзорниот одбор во својство на независен член, во согласност со регулаторната рамка и принципите на корпоративно управување во банкарскиот сектор.
Нејзиниот мандат е со времетраење од четири години.
Именувањето претставува дел од воспоставената структура на корпоративно управување на Стопанска банка, во која независните членови на Надзорниот одбор имаат значајна улога во обезбедувањето независен надзор и носењето одлуки во интерес на Банката и нејзините акционери.
Божиновска – Лазаревска е редовен професор на Катедрата за сметководство и ревизија при УКИМ. Со Катедрата, како и со вториот циклус студии на студиската програма сметководство и ревизија раководи од 2013 година.
Лагард: Повоениот европски модел на раст го губи здивот, иднината е во единствениот пазар
Американскиот долг надмина 40 трилиони долари, за една деценија повеќе од двојно зголемен
Еврото продолжи да зајакнува во однос на доларот
Халк Осигурување со порака до патниците: Сигурност за секоја следна авантура
Генералниот извршен директор на ТТК Банка купи 1.009 акции
Иднината на банкарството е во доброто корисничко искуство
Стопанска банка со промотивна камата од 4,9 отсто за Mastercard Platinum картичката
Премиум дебитната картичка на Стопанска банка овозможува пристап до над 1.800 аеродромски деловни зони
Нулта толеранција за измами: Владата усвои нова Стратегија за заштита на финансиските интереси на ЕУ во земјава до 2030 година
НЛБ Банка ја продолжи понудата за промотивен депозит на 25 месеци
-
Продуктипред 1 месецИднината на банкарството е во доброто корисничко искуство
-
Останатопред 2 месециОд јули почнува исплатата на К-15, минималниот износ е 19.116 денари
-
Банкипред 2 месециИсплатата на јунските пензии преку Стопанска банка почнува на 1 јули
-
Банкипред 2 месециКомерцијална банка почнува со исплата на јунските пензии од 1 јули
-
Кариерапред 2 месециНЛБ Банка вработува банкарски советник во Струмица
-
Банкипред 1 месец
Стопанска банка со промотивна камата од 4,9 отсто за Mastercard Platinum картичката
-
Кариерапред 2 месециАЛТА Банка објави оглас за вработување во секторот за организација и ИТ
-
Банкипред 2 месециЈунските пензии достапни за пензионерите корисници на Халкбанк
