Binance Research, аналитичката единица на компанијата Binance, го објави извештајот Tariff Escalation and Crypto Markets: Impact Analysis, кој го истражува влијанието на растечката глобална протекционистичка политика, со фокус на новите американски царини од 10% до 54% за увоз од Кина врз макроекономските услови и пазарот на криптовалути.

Овие мерки претставуваат најагресивно зголемување на царините од 1930 година до денес и најавуваат можна нова фаза на трговски војни. Извештајот предупредува дека ваквите економски услови би можеле да предизвикаат раст на инфлацијата, забавување на економскиот раст и дополнителен притисок врз Централните банки, како што е Federal Reserve – САД. Се посочува и ризик од стагфлација — ситуација каде што инфлацијата расте, а економијата стагнира, што претставува предизвик за монетарната политика.

Во ваква нестабилна средина, пазарите на криптовалути покажаа зголемена нестабилност, со пад на вкупната пазарна капитализација од 25,9%. Особено погодени беа сектори како AI токени, Memecoins (криптовалути инспирирани од интернет мемиња, кои често имаат шпекулативна вредност) и Layer 2 решенија (технички решенија за зголемување на брзината и ефикасноста на постоечки блокчејн мрежи).

Истовремено, извештајот забележува промена во корелацијата на биткоин со традиционалните финансиски средства како акциите и златото, што укажува на потенцијална трансформација на неговата улога во глобалниот финансиски систем.

И покрај краткорочниот пад, Binance Research укажува дека дигиталните средства би можеле да ја зацврстат својата позиција како несуверени складишта на вредност во време на глобална нестабилност.

Главниот извршен директор на Binance, Ричард Тенг, нагласи дека иако криптовалутите се однесуваат како ризични средства во периоди на неизвесност, токму ваквите макроекономски услови би можеле да ја засилат нивната привлечност со текот на времето.

„Трговските тензии внесуваат нестабилност, но во исто време го потенцираат
значењето на децентрализираните средства во неизвесни времиња“, истакна Тенг.

„Краткорочно, ваквите макро шокови често предизвикуваат ‘risk-off’ реакција кај
инвеститорите, кои се повлекуваат додека ги следат случувањата поврзани со економскиот раст, монетарната политика и глобалната трговија. Но, на долг рок,
ваквото окружување може да го засили интересот за крипто како несуверена
форма на складирање вредност. Многу долгорочни инвеститори и понатаму го
гледаат биткоин и другите дигитални средства како отпорни алтернативи во
периоди на економска нестабилност и променливи политички насоки.“, додаде Ричард Тенг.

Целиот извештај е достапен на: Binance Research – Tariff Escalation and Crypto Markets

Американскиот Сенат официјално го потврди Пол Аткинс како нов претседател на Комисијата за хартии од вредност (SEC), со 52 гласа „за“ и 44 „против“, во гласање што главно се одвиваше по партиски линии. Аткинс, познат по својата про-крипто ориентација и како фаворит на поранешниот претседател Доналд Трамп, предизвика силни реакции во финансиските и крипто кругови со своето назначување.

Од Волстрит до Вашингтон: Кој е Пол Аткинс?

Пол Аткинс не е нов во светот на финансиската регулација. Тој беше комесар на SEC од 2002 до 2008 година, вклучувајќи го и периодот на глобалната финансиска криза. По напуштањето на функцијата, го основа Patomak Global Partners, финансиска консултантска фирма фокусирана на усогласеност и управување со ризици. Во крипто заедницата, Аткинс е познат како ко-претседател на Token Alliance, голема организација за застапување на дигитални средства, која ја водеше од 2017 до 2024 година. 

Промена на раководството: Аткинс го заменува Уједа

Аткинс го заменува Марк Уједа, кој служеше како вршител на должноста претседател на SEC од јануари, по оставката на Гери Генслер. Генслеровиот мандат беше обележан со бројни тужби и репресивни мерки против крипто компаниите. Во спротивност, Аткинс изјави пред Сенатот дека негов приоритет ќе биде „изградба на рационална, стабилна регулаторна рамка за дигиталните средства“, што сигнализира значителна промена во политиката и нуди надеж за крипто секторот.

Синхронизација меѓу Белата куќа и Сенатот: Враќање на про-крипто политиките

Претседателот на Банкарскиот комитет на Сенатот, Тим Скот, го поздрави назначувањето на Аткинс, изразувајќи очекување дека новиот претседател на SEC ќе ја обнови про-крипто ориентацијата видена за време на претходниот мандат на Трамп. Под водство на Трамп, SEC воспостави Крипто работна група за соработка со индустриски лидери и усвои покооперативен пристап кон блокчејн стартапите.

Финансиски обелоденувања го одложија гласањето

Потврдата на Аткинс беше одложена поради задолжителни финансиски обелоденувања, кои открија негови врски со милијардерска фамилија. Во 1990 година, Аткинс се ожени со Сара Хамфрис Аткинс, наследничка на TAMKO Building Products LLC, која во 2023 година пријави приход од 1,2 милијарди долари. Според Forbes, парот има комбинирано нето богатство од најмалку 327 милиони долари. Дополнително, неговите обелоденувања покажаа крипто инвестиции во вредност до 6 милиони долари, вклучувајќи удели во Anchorage Digital и Securitize.

Што да се очекува од Аткинс?

Со длабоко искуство и силни врски со Волстрит и крипто заедницата, Аткинс влегува во SEC со јасна мисија:

„Да се создаде предвидлива и принципиелна регулаторна основа за дигиталната економија.“

За крипто проектите и инвеститорите, ова може да значи крај на регулаторната несигурност и почеток на нова ера каде што SEC се гледа не само како спроведувач, туку и како партнер во обликувањето на иднината.

Во Македонија бројот на корисници на водечката светска платформа за размена на криптовалути Binance е за 40 проценти повисок во споредба со 2023 година, а околу 11 проценти од македонската популација се корисници на крипто валути.

Ова беше соопштено вчера во Скопје, во преполната сала на собирот за вмрежување што го организираше Binance, каде што присуствуваа повеќе од 400 луѓе заинтересирани да се сретнат со претставниците на Binance, да научат нешто повеќе за криптовалутите, да ги истражат најновите трендови во индустријата и да разговараат за иднината на дигиталните средства.

„Успехот на Binance не беше ништо помалку од магија. Нашиот екосистем расте и горди сме што сме ја имаме довербата од корисници низ целата планета. Воедно, сметам дека е извонредно тоа што македонските граѓани одлично го разбираат криптото, особено ако се спореди со одредени држави од регионот“, изјави Сандро Слукан, маркетинг лидер во Binance.

Полина Бротиер, маркетинг менаџер во Binance, пред присутните го претстави eкосистемот на платформата за тргување, a акцент беше ставен и на тоа дека нивни топ приоритети се безбедноста и транспарентноста.

„Постојано организираме тренинзи, а фокусирани сме и на донаторски проекти, како на пример за поплавите во Босна и Херцеговина, за Украина беа изработени специјални крипто картички од Binance, помагавме и кога се случуваа поплавите во Италија. Освен што помагаме на многу луѓе во многу држави, се фокусираме и на едукативниот дел, преку формирање на Академијата Binance, која овозможува бесплатна и локална едукација за блокчејн технологијата. Таму се објавени 800 написи на 31 јазик, а корисниците имаат пристап и до бесплатни видео курсеви“, изјави Бротиер.

На големиот собир беше претставена и Angels програмата, каде што можеа да се слушнат и сведоштва од корисници во однос на вмрежувањето, организирањето тренинзи, настани и вебинари кои овозможуваат корисниците да го продлабочат своето знаење за берзата за размена на криптовалути.

Стотиците учесници на собирот воедно имаа можност да учествуваат во наградна игра и да го тестираат своето знаење за Binance, како и можност да разговaраат со претставниците на најголемата платформа за тргување со криптовалути.

Вчерашниот собир беше уникатна можност на едно место да се соберат крипто- ентузијастите, експертите од оваа индустрија и инвеститорите заинтересирани за дигиталните средства и за блокчејн технологијата.

Според годишниот извештај на Binance за 2024 година, платформата има над 260 милиони регистрирани корисници до крајот на годината, што ја истакнува значајната експанзија и популарност на оваа платформа во крипто индустријата.​