Connect with us
no baners

Компании

Правилната имплементација на инстант плаќањата во Македонија од страна на КИБС АД потврдена и од најновата студија на Светска банка

Објавено

пред 11 месеци

на

Во рамките на проектот FASTT (Frictionless Affordable Safe Timely Transactions), Светска банка ја објави својата студија „Прирачник за централните банки за успешно имплементирање на брзите плаќања“ (Fast Payments Championship Toolkit for Central Banks). Притоа беше истакнат значителниот придонес на КИБС АД Скопје, како еден од учесниците во подготовката на оваа студија, која се очекува да биде драгоцена алатка на централните банки при имплементација и развој на инстант (брзи) плаќања, како клучен двигател кон финансиска инклузија и дигитализација на економијата.

Студијата содржи комбинација на научни истражувања и дискусии со централните банки и приватните оператори од различни земји и законодавства за предизвиците и факторите што придонесуваат за успешност на проектите со цел имплементирање и развој на инстант плаќањата, фокусирајќи се на најдобрите практики што им стојат на располагање на централните банки. Притоа, идентификувани се пет области на дејствување:

  1. Дефинирање на целите што треба да се постигнат со воведување на инстант плаќањата
    во рамките на пошироката платежна стратегија за сегментот население и притоа
    позиционирање на улогата на централната банка;
  2. Приклучување на сите релевантни учесници и градење посветеност во рамките на заедничката визија;
  3. Градење амбиент во кој одлуките за дизајн и имплементација на решенијата се носат со учество и динамичка дискусија на сите засегнати страни;
  4. Поставување сеопфатна комуникациска стратегија за зголемување на свесноста и едукација како на крајните корисници, така и на трговците, со крајна цел ‒ широко прифаќање на платежните услуги од учесниците на пазарот;
  5. Обезбедување континуирана експертска и техничка поддршка во текот на целото времетраење на проектот.

Како оператор на платен систем, КИБС АД Скопје е единствената приватна институција што е вклучена во студијата со цел давање сеопфатен експертски придонес во однос на тоа како се спроведуваат активностите во контекст на пазарни иницијативи за развој на системи за инстант плаќања.

Значајно место во студијата зазема анализата на расходи и приходи (cost-benefit analysis) за подолг временски период, која е подготвена од КИБС АД Скопје пред почетокот на проектот, а во која се земени предвид не само органскиот раст на дигиталните праќања, туку и потенцијалот на инстант плаќањата за конверзија на дел од сивата економија во формални платежни канали. Искуствата што КИБС ги собра од земјите од регионот и Европа му помогнаа за дизајнирање на решението, идентификување на главните предизвици и фактори за успех, како и за поставување конзистентни цели. Исто така, истакнато е дека од значење е редовната комуникација со Министерството за финансии и другите владини институции како учесници во постојниот платен систем КИБС, со цел подобра координација и соработка.

КИБС континуирано посветено работи во насока на имплементирање на најсовремените дигитални решенија во платежната инфраструктура. Таков е и проектот за инстант плаќања, кој е во завршна фаза и подразбира имплементација на две платформи поврзани меѓу себе: платформа за централно решение за извршување на инстант плаќањата и платформа што ќе овозможи канали за иницирање и прифаќање инстант плаќања од крајните корисници.

Со воведувањето на инстант плаќањата во земјата, КИБС не само што значително ќе ја подобри платежната инфраструктура од аспект на нудење брзи плаќања што се реализираат во реално време (примачот ги добива средствата за помалку од 10 секунди) и кои се извршуваат 24/7/365 дена во годината, туку влијанието е уште посеопфатно и мултидимензионално за економијата во целина. Па така, компаниите, особено значајно за малите и средни претпријатија, си ја подобруваат ликвидносната позиција со цел наплата без одложување и ја намалуваат потребата од краткорочни ликвидносни позајмици, се отвораат можности за поефикасна наплата на фактури, сметки и обврски кон државните институции и поефикасно обезбедување услуги за граѓаните и стопанството, се зголемува бројот на учесници во финансиските текови со цел достапност на плаќањата и со тоа се намалува готовината во оптек, а и трансакциските трошоци поврзани со неа. Оттука, влијанието на намалување на сивата економија очигледно има далекосежен импакт врз вкупната фискална економија и финансискиот екосистем.

Целата студија може да се погледне на линкот: FPS Championing Handbook_Final June 2024.pdf (worldbank.org).

Слични Теми:

Бизнис

Зајакнување на финансиската едукација: Минт Кредит дел од работилницатана Светска банка и Народната банка

Објавено

пред 2 недели

на

Минт кредит со учество на работилницата за кампањи за финансиска едукација, која се одржа на 16-ти јуни во организација на Светската банка и Народната банка на Република Северна Македонија.

Учеството на наш претсавник беше од клучно значење за исполнување на целите на нашето финансико друштво, во насока на препознавање на важната улога на финасиската едукација, а во насока накако директни даватели на финансиски услуги за граѓаните.

„Ваквиот тип на настани е посебно важен за нас како финасиски друштва, бидејќи во голема мера ни дава насоки како да го дисеминираме процесот до нашите клиенти. Како директни учесници во финасиските процеси, ние во Минт Кредит, посветуваме големо внимание на финасиската едукација за нашите клиенти, а ова беше одлична можност за запознавање со новите светски трендови како и размена на искуства.“ – изјави Марјан Вучковиќ, маркетинг менаџер.

Работилницата, која ја предводеше Арон Кореневски, експерт за односи со јавност од Канцеларијата за односи со јавност и корпоративни односи на Светската банка во Вашингтон, им овозможи на учесниците да се стекнат со нови знаења и вештини за дизајнирање и имплементација на ефективни кампањи за подигнување на финансиската свест од комуникациска перспектива.

Присуството на претставниците од финансиските друштва, заедно со учесници од централната банка, банкарскиот сектор и невладини организации, овозможи плодна дискусија и размена на искуства за предизвиците и можностите за унапредување на финансиската писменост во земјата.

Нивниот ангажман е од суштинско значење за приближување на комплексните финансиски теми до пошироката јавност.

ПР објава

Продолжи со читање

Бизнис

Флекс Кредит и СОС Детско село продолжуваат со успешната соработка трета година по ред!

Објавено

пред 1 месец

на

Флекс Кредит и СОС Детско село на 7 мај, во просториите на Флекс Кредит, го потпишаа договорот за понатамошна соработка. Со тоа, двете организации по трет пат го формализираат своето партнерство, потврдувајќи ја заедничката посветеност на поддршка на децата без родителска грижа и социјалното загрозени семејства.

Оваа година, првиот дел од договорот предвидува финансиска поддршка во износ од 300.000 денари, наменета за директно финансирање на програмските активности на СОС Детско село. Покрај оваа донација, Флекс Кредит останува посветен партнер и преку дополнителни ангажмани и иницијативи кои, иако не се изразени со конкретна финансиска вредност, имаат длабоко и долгорочно влијание врз заедницата.

„Секоја година, ова партнерство станува посилно и поисполнето. За нас во Флекс Кредит, општествената одговорност не е само обврска, туку искрена и долгорочна посветеност кон иднината на децата. Горди сме што СОС Детско село е наш доверлив и посветен партнер“, изјави генералната директорка на Флекс Кредит, Јоана Спасовска.

Соработката помеѓу Флекс Кредит и СОС Детско село претставува пример за одржливо и искрено партнерство меѓу приватниот сектор и граѓанските организации, насочено кон создавање подобри услови за раст и развој на децата во Северна Македонија.

Продолжи со читање

Бизнис

Новите производи се тука! Mint Bonus со нови изненадувања за лојалните клиенти

Објавено

пред 2 месеци

на

Дали знаете дека секоја Ваша активност на Mint App ви носи поени? Не зборуваме само за заштеди и поволности – туку за вистински поени кои можете да ги искористите за некој од производите на Mint Store!

Од технологија, па сè до дресови на омилени спортски клубови, ваучери и корисни додатоци за секојдневието – Mint Bonus е Вашата врата до производи кои вредат!

Како функционира Mint Bonus?

Секоја Ваша интеракција со Mint Credit, Mint Ins, и Mint Travel (сите достапни на едно место преку Mint App), како и P2P.mk Ви носи Mint Coins – поени за лојалност кои ги собирате без никаква дополнителна обврска. Потоа, во Mint Store, тие поени можете даги искористите за некој од многуте достапни производи.

Што сè е достапно на Mint Store?

Технологија за гејмери и љубители на новитети

Забава со стил

Стил и удобност

Авто-додатоци и освежување

Заштитна прекривка за шофершајбна – зима или лето, Вашето возило ќе биде заштитено за само 450 Mint Coins.
Навлажнувач и освежувач на воздух – свежина и комфорт во домот или канцеларијата за 450 Mint Coins.
Освежувач Mint Fintech Group – свежина во вашиот автомобил за 100 Mint Coins.
Ракавица за чистење снег и мраз – бидете спремни за ненајдените врнежи

Спортска опрема

Официјални дресови само за вистинските фанови!

Останати Mint Bonus производи

Ваучери што вредат

Ваучери за практична помош за Вашите инвестиции, патувања и осигурувања.

Mint Credit ваучери:

Mint Ins ваучери:

Mint Travel ваучери:

MINT SN ваучери:

P2P.mk ваучери:

ЈК Травел ваучери:

Не чекајте! Изберете го Вашиот омилен производ денес!

Mint Bonus е повеќе од програма за лојалност – тоа е Вашата мотивирачка сила да штедите, инвестирате, патувате и добивате назад. Влезете во светот на програма за лојалност што Ве почитува како корисник и исполнете го секојдневието со производи кои носат радост!

Разгледајте ги производите на Mint Store и искористете ги Вашите Mint Coins уште денес!

ПР објава

Продолжи со читање

Популарно

no baners