Азиските берзи забележаа раст во четврток, поттикнати од силниот инвестициски ентузијазам околу секторот за вештачка интелигенција, додека глобалните пазари внимателно го следат самитот меѓу американскиот претседател Доналд Трамп и кинескиот претседател Си Џинпинг во Пекинг.

Инвеститорите позитивно реагираа на отсуството на нови трговски или геополитички тензии, што дополнително ги поддржа технолошките акции. Јапонскиот индекс „Nikkei 225“ достигна ново рекордно ниво, додека јужнокорејскиот „SK Hynix“, еден од милениците на вештачката интелигенција во Азија, продолжи со силниот раст, поддржан од глобалната побарувачка поврзана со вештачката интелигенција. „SK Hynix“ е на работ да достигне пазарна капитализација од 1 трилион долари, станувајќи втора јужнокорејска фирма по „Samsung“ што се пробива во клубот од трилиони долари. Акциите на „SK Hynix“ пораснаа за над 200% оваа година.

Европските фјучерси укажуваа на силно отворање, додека фјучерси за американските акции пораснаа за 0,13%.

На девизните пазари, кинескиот јуан се искачи на највисоко ниво во последните три години во однос на доларот, додека аналитичарите оценуваат дека стабилните односи меѓу САД и Кина засега го намалуваат ризикот за пазарите.

Сепак, инвеститорите остануваат претпазливи поради геополитичките тензии на Блискиот Исток и високите цени на енергенсите, кои повторно ги отвораат прашањата за инфлацијата и идните потези на централните банки.

Во меѓувреме, фјучерсите за суровата нафта „Брент“ беа малку повисоки на 105,89 долари за барел, додека фјучерсите за американската нафта „WTI“ достигнаа 101,33 долари за барел , далеку над нивоата пред војната.

Американскиот долар забележа раст во четврток, поддржан од повисоките приноси на американските државни обврзници и очекувањата дека Федералните резерви би можеле повторно да ги зголемат каматните стапки до крајот на годината.

Во фокусот на глобалните пазари е дводневниот самит меѓу американскиот претседател Доналд Трамп и кинескиот претседател Си Џинпинг во Пекинг, каде главни теми се трговските односи меѓу двете најголеми светски економии и прашањето за Тајван.

Кинескиот јуан се задржа близу највисокото ниво во последните три години, додека аналитичарите оценуваат дека стабилниот курс би можел позитивно да влијае врз текот на разговорите меѓу САД и Кина.

На девизните пазари, еврото се тргуваше околу 1,17 долари, а британската фунта остана под притисок поради политичките неизвесности во Велика Британија. Индексот на доларот, кој го мери движењето на американската валута во однос на кошничка светски валути, бележи раст од над 0,6% на неделно ниво.

Во меѓувреме, јапонскиот јен доби поддршка по сигналите од Централната банка на Јапонија дека е можно зголемување на каматните стапки доколку економските услови останат стабилни.

Цените на нафтата забележаа пад во средата, прекинувајќи го тридневниот раст, додека инвеститорите внимателно ги следат случувањата околу нестабилното примирје на Блискиот Исток и најавената средба меѓу американскиот претседател Доналд Трамп и кинескиот претседател Си Џипинг во Пекинг.

Фјучерсите на суровата нафта од типот „Брент“ се намалија за 1,1% на 106,55 долари за барел, додека американската „WTI“ нафта падна на 101,02 долари за барел. И покрај корекцијата, цените остануваат на високо ниво поради стравувањата од прекин во снабдувањето и неизвесноста околу Ормутскиот теснец, низ кој поминува значителен дел од глобалната трговија со нафта и течен природен гас.

Аналитичарите оценуваат дека пазарот останува исклучително чувствителен на геополитичките случувања, а секоја нова ескалација би можела повторно да ги турне цените нагоре.

Во меѓувреме, повисоките цени на енергенсите дополнително ја засилуваат инфлацијата во САД, што ги поддржува очекувањата дека Федералните резерви ќе ги задржи или дополнително ќе ги зголеми каматните стапки подолг период.

Дополнителен притисок врз пазарите создава и падот на американските залихи на сурова нафта, што укажува на продолжени тензии во глобалното снабдување со енергенси.