ПроКредит Банка направи уште еден чекор во дигитализација на своите процеси со цел на своите клиенти да им понуди уште побрзи, поедноставни и побезбедни услуги.  

Банката воведува нова услуга – отворање на платежна сметка и услуги без потреба од посета на банка, по пат на електронска идентификација и дигитално потпишување на договори преку апликацијата OneID. Ова значи дека секое физичко лице кое за прв пат отвора сметка во банката може тоа да го направи целосно онлајн, од било која локација и во било кое време.

„Како пионери во дигитализација во банкарството, остануваме посветени на иновации и континуирано унапредување на услугите и дигиталните решенија, следејќи ја динамиката и потребите на современите клиенти кои ценат едноставни, флексибилни, брзи и безбедни решенија. 

Како одговор на тоа, имплементиравме нова функционалност со која отворањето сметка преку веб-страницата на Банката ќе биде уште полесно и побрзо. Со интегрирање на услугите кои ги нуди OneID мобилната апликација, идентификувањето ќе се спроведува преку шема за електронска идентификација, а потпишувањето договори ќе се спроведува со користење на квалификуван дигитален потпис, обезбедувајќи беспрекорно и ефикасно искуство.” – велат од ПроКредит Банка. 

OneID е услуга на KIBSTrust која ПроКредит банка ја интегрираше во своите процеси, која гарантира високо ниво на безбедност и заштита на податоците на клиентите. Дополнително, услугата е потполно бесплатна за сите корисници.  

ПроКредит Банка ги поканува сите клиенти да ја доживеат иднината на банкарството со насмевка, благодарение на ова безбедно, едноставно и целосно дигитално решение.

Дознајте повеќе на следниот линк: ProCredit Bank – Електронска идентификација со OneID (pcb.mk)