Осум години по своето основање, Binance останува глобален лидер во светот на криптовалутите – со речиси 280 милиони корисници и присуство во над 100 земји. Со стабилен раст и константна адаптација на нови технологии, платформата го одбележа овој јубилеј преку директна AMA (Ask Me Anything) сесија со извршниот директор на Binance, Ричард Тенг, каде што беа истакнати најважните достигнувања, но и планови за иднината.

„Сè што правиме, го правиме за нашата заедница“, изјави Тенг, додавајќи: „Таа доверба не ја земаме здраво за готово. Заедницата е срцето на Binance“.

Транспарентност и безбедност како приоритет

Тенг вели дека во време на голема нестабилност и пад на довербата во крипто-светот, Binance останала доследна на транспарентноста, секој месец објавувајќи докази за резерви со користење на напредна zk-SNARK технологија, овозможувајќи секој корисник самостојно да ги верификува средствата на платформата.

„Ние не само што зборуваме за доверба, ние ја градиме. Нашата Proof-of-Reserves иницијатива е пример за тоа што значи вистинска транспарентност“, истакна Тенг.

Во 2024 година, Binance го редизајнираше својот Pro режим за тргување, овозможувајќи персонализирано корисничко искуство, поддржано од вештачка интелигенција. Целта е јасна – поедноставување на тргувањето и подобрување на пристапноста за сите профили на корисници.

„Сакаме Binance да биде интуитивен и корисен за секого – од почетници до институционални инвеститори“, вели Тенг.

Дополнително, растот на Binance не застанува само кај индивидуалните корисници. Во минатата година, бројот на институционални клиенти пораснал за речиси 100%, со силна побарувачка за решенија како fund accounts и Binance Wealth, наменети за професионално управување со крипто средства.

„Институционалниот интерес е поголем од кога било досега – и ние сме подготвени да го поддржиме“, изјави Тенг.

Со создавањето на Secure Asset Fund вреден 1 милијарда долари, Binance испрати силна порака – безбедноста на средствата не е дискутабилна.

Платформата воведе и деветстепена анти-scam одбрана, како и интензивна соработка со надлежните институции ширум светот.

„Сакаме нашите корисници да чувствуваат дека Binance е нивниот безбеден простор“, вели Тенг и додава: „Но сакаме и да ги едуцираме, за и самите бидат отпорни на измами.“

Поглед кон иднината

Зборувајќи за иднината, Тенг потенцираше дека вештачката интелигенција ќе игра клучна улога во поддршката на трговците, како и во внатрешната оператива, но човекот ќе остане во центарот на одлучувањето.

„Вештачката интелигенција е моќен сојузник, но не и замена за човечката проценка. Ние ја користиме технологијата за да го зајакнеме корисникот, не да го замениме“, вели Тенг.

Во својата завршна порака, тој упати благодарност до сите кои ја поддржуваат
Binance во изминатите осум години:

„Ова патување не е наше, туку заедничко. Благодарност до секој од речиси 280 милиони корисници – вашата поддршка ни е двигател за секој следен чекор“.

Binance го надмина рекордот од 275 милиони корисници, што е речиси на исто ниво со Netflix, една од најпознатите платформи во светот. За разлика од видео стримингот, криптото не е ниту целосно мејнстрим, иако е на сигурен пат. 

За нешто помалку од осум години, Binance прерасна од идеја во една од најшироко користените финансиски платформи во светот. Колку за пример, на повеќето компании им требаат децении за да го достигнат ова ниво, користејќи ги традиционалните платформи кои се градат на веќе познати однесувања и постоечки системи, додека Binance изгради нешто ново од темел и го прошири со огромна брзина.

Имено, Binance доби 80 милиони нови корисници само од јануари 2024 година – тоа се приближно 156 000 регистрации секој ден, или околу 1,8 нови корисници секоја секунда.

На почетокот на 2019 година, PayPal – по речиси две децении во играта – ја премина истата граница. Тоа беше значаен момент за платформата што помогна во воведувањето на ерата на дигиталните плаќања. Но, подемот на PayPal беше вкоренет во САД, еден од најразвиените и дигитално поврзаните пазари во светот. Тоа го олесни движењето на парите што луѓето веќе ги разбираа – долари, евра, пезоси – преку системи на кои веќе им веруваа.

Binance, од друга страна, не само што го подобруваше начинот на движење на парите туку воведуваше сосема нов вид пари. Крипто не доаѓаше со централна банка или со експлицитен, сеопфатен прирачник. Binance бараше од луѓето повторно да размислат што би можеле да бидат парите – да истражуваат, да учат, да веруваат, а потоа да дејствуваат. Понатаму, Binance најде привлечност на пазарите кои честопати беа занемарени од традиционалните финансии – места каде што пристапот до глобалниот финансиски систем не беше стандардно решение, туку пробив.

Алатка за секојдневниот живот

Binance Pay постепено ја претвора крипто-валутата од инвестиција во нешто многу попрактично: алатка за секојдневниот живот.

Месецов, Binance Pay се интегрираше со Pix, националниот систем за плаќање на Бразил. Ова значи дека Бразилците сега можат да вршат плаќања во реално време од крипто во реална валута директно од апликацијата Binance – лесно како плаќање со готовина.

Binance Pay оди и подалеку од практичноста. На пример, минатата година, Binance Pay помогна да се спаси живот со овозможување на прекуграничен медицински трансфер помеѓу Франција и Алжир – заобиколувајќи ги банкарските доцнења во време кога секоја секунда беше важна. Кога поплавите го опустошија Рио Гранде до Сул, Binance Payпомогна во испораката на итна помош, доставувајќи средства до погодените заедници побрзо отколку што традиционалните системи можеа да управуваат.

Без разлика дали станува збор за намирници или за надминување на криза, вредноста на крипто-валутата повеќе не е само теоретска. Таа е реална, сигурна и веќе прави разлика – од секојдневниот живот до моментите што се најважни.

Споредбата со Твитер (X)

Twitter (сегашно X) достигна 275 милиони корисници околу својата осма година, исто како Binance. Но, природата на тој број раскажува две многу различни приказни. На социјалните платформи како Twitter, луѓето скролаат, објавуваат и се ангажираат со содржина. 

На Binance, луѓето вршат трансакции. Тие купуваат, продаваат, испраќаат и складираат вистинска вредност. Луѓето го вложуваат не само своето време, туку и своите средства во Binance. Тоа е подлабок ангажман и бара повисоки влогови.

Оваа разлика е клучна. Кога 275 милиони луѓе се приклучуваат на социјална мрежа, тоа ја мери културната релевантност. Кога 275 милиони луѓе се приклучуваат на финансиска платформа, тоа сигнализира верба воплатформата, производот и иднината на парите. 

На 22 мај 2025 година, Биткоин достигна нов историски максимум, надминувајќи ја границата од 111.000 долари. Овој настан претставува важен пресврт за крипто индустријата и потврда за растечкиот интерес на инвеститорите кон дигиталните средства како одржлив елемент на модерниот финансиски систем.

Со овој нов врв, пазарната капитализација на Биткоин надмина 2,165 трилиони долари, а неговиот удел во вкупната крипто пазарна капитализација достигна 63%, овозможувајќи му на BTC да го надмине Amazon и да влезе во топ 5 најголеми средства во светот. Вкупната крипто пазарна капитализација се искачи на 3,54 трилиони долари. Дневниот раст на вредноста на BTC надмина 4%, што исто така ја одразува зајакнатата позиција на криптовалутата во глобалната економија.

Кирил Хомиаков, регионален директор за Централна и Источна Европа и Централна Азија во Binance, истакнува: „Не го гледаме овој раст како краткорочен скок, туку како резултат на долгорочни промени во структурата на пазарот. Влезот на големи институционални инвеститори и примената на стратешки пристапи значително го менуваат начинот на кој се перцепира Биткоинот. Тој повеќе не е алтернативна актива, туку основа на нова финансиска парадигма“.

Важен аспект е што сегашната динамика на раст се базира на цврсти технички и фундаментални основи. Аналитичарите од CryptoQuant забележаа зголемување од 3 милијарди долари во реализираната капитализација на Биткоин за само 24 часа — бројка што може да укаже на почеток на одржлив „bullish“ импулс. За разлика од претходните циклуси, овој пат главни двигатели се институционалните инвеститори и долгорочните стратегии.

Големи играчи како MicroStrategy, Metaplanet и Twenty One Capital активно ги зголемуваат своите резерви на Биткоин. Само Strategy неодамна купи 7.390 BTC, со што нејзините вкупни средства достигнаа 576.230 BTC.

„Веќе не зборуваме за шпекулативни циклуси. Сведоци сме на влез на капитал што доаѓа со јасна стратегија – преку методи како што се просекување на цената во долари и долгорочно планирање на портфолиото. Ваквата стабилна динамика го поддржува растот на цените и ја намалува волатилноста, што е клучно за довербата на пазарот“, додава Хомиаков.

Постигнувањето на нов историски максимум доби дополнително симболично значење со тоа што се совпадна со Bitcoin Pizza Day — денот кога пред 15 години се случи првата
реална трансакција со Биткоин. Оттогаш, овој датум служи како потсетник колку далеку е дојдена индустријата — и колку високо може да порасне нешто што еднаш чинело само неколку долари.

„Во Binance, ваквите настани не ги гледаме само како пазарни индикатори, туку и показатели за зрелоста на крипто индустријата и зголемената доверба од милиони корисници ширум светот. Ги гледаме тековните трендови позитивно и забележуваме знаци на формирање на одржлив тренд на раст — Bull Market. Под овие услови, сосема е возможно пазарот повторно да ги надмине своите историски врвови“, заклучува Хомиаков.