Криптовалути
Дали тргувањето и поседувањето на криптовалути е легално во Македонија и како може да се легализираат парите добиени од капитални добивки од криптовалути?
Криптовалутите се дигитални или виртуелни средства кои користат криптографија за обезбедување на трансакциите, контролирање на создавањето на нови единици и проверка на преносот на средства. Тие функционираат независно од традиционалните банки или централните власти и се базирани на технологијата наречена блокчејн (blockchain).
Блокчејн технологијата е децентрализирана дигитална книга (ledger) која ги снима сите трансакции со криптовалути на повеќе компјутери ширум светот. Секој запис (блок) содржи група на трансакции, а блоковите се поврзани заедно во линиска низа (chain), формирајќи „блокчејн“. Бидејќи блокчејнот е децентрализиран, нема потреба од централен авторитет за верификација на трансакциите. Ова ја зголемува безбедноста и транспарентноста.
Криптовалутите може да се користат за купување на производи и услуги, инвестиции, или тргување на берзи за криптовалути. Тргувањето со криптовалути функционира слично како и тргувањето со акции или валути. Корисниците можат да ги купат или продадат криптовалутите на разни платформи по различни цени во зависност од побарувачката и понудата.
И додека сме сведоци дека е се поголема адаптацијата на криптовалутите во реалниот свет, се поставува прашањето дали во Македонија тргувањето и поседувањето криптовалути е легално и законски?
Во нашата држава тргувањето и поседувањето на криптовалути или виртуелни средства е легално, додека законски е парцијално регулирано со Законот за спречување на перење пари. Во моментов, земјата нема конкретна регулатива што ги забранува криптовалутите, но исто така нема и детален закон што директно го регулира нивното користење. Ова значи дека граѓаните можат да купуваат, продаваат и тргуваат со криптовалути на сопствен ризик.
Што се однесува до легализацијата на парите добиени од криптовалути, ако во сегашната легислатива се прифати терминот виртуелни средства кои претставуваат нематеријален имот и не претставуваат платежно средство тогаш постои даночна регулација преку постојниот закон за персонален данок односно личен данок на доход. Остварените добивки се третираат како капитални добивки идентично како и останатите хартии од вредност како што се акции и слично.
Легализирањето на остварените добивки од продажбата на криптовалути обично се прави преку декларирање на тие средства пред даночните власти. Еве ги основните чекори:
- Декларирање на добивките: Во Северна Македонија, капиталните добивки (вклучувајќи ги и оние од криптовалути) се предмет на оданочување. Потребно е да ги пријавите добивките во годишната даночна пријава што ја доставувате до Управата за јавни приходи (УЈП).
- Плаќање данок: Во моментов, даночната стапка за капитални добивки во Северна Македонија е 15%. Оваа даночна стапка се плаќа само на остварените капитални добивки, но не и на вложените средства. Сепак, треба да се консултирате со даночен советник или да ја проверите веб-страницата на УЈП за да добиете најнови информации.
- Документација: Зачувајте ја целата документација за вашите трансакции со криптовалути, вклучувајќи ги потврдите за купување и продажба, бидејќи тоа ќе ви помогне да ги докажете вашите добивки и да го пресметате данокот кој треба да го платите со цел парите кои ги имате добиени по основ на капитална добивка да можете целосно да ги легализирате и да ги префрлите на вашата трансакциска сметка во банка.
Криптовалути
Путин го потпиша законот за легализирање на “crypto-mining” во Русија
Рускиот претседател Владимир Путин официјално потпиша закон со кој се легализира ископувањето криптовалути во Русија. Според извештајот на руската новинска агенција ТАСС, законот воведува неколку клучни концепти, вклучувајќи ископување дигитални валути, пулови (mining pools) и оператори за блокчејн инфраструктура. “Crypto-mining” активностите сега се признати од Русија како дел од прометот, а не како дел од издавањето на дигитални валута.
Новото законодавство прецизира дека само руски правни лица и индивидуални претприемачи регистрирани во владата ќе смеат да се занимаваат со ископување на криптовалути. Сепак, индивидуалните мајнери можат да учествуваат без регистрација, под услов нивната потрошувачка на енергија да остане во границите поставени од владата.
Дополнително, законот дозволува тргување со странски дигитални финансиски средства на руски блокчејн платформи. Сепак, Банката на Русија го задржува овластувањето да забрани пласирање на одредени средства доколку се сметаат за закана за финансиската стабилност на земјата.
Според ТАСС, за време на неодамнешниот владин состанок, претседателот Путин нагласил дека Русија треба „да го искористи моментот“ за воспоставувањето правна рамка и легислатива за дигиталните и криптовалутите. Тој го истакна потенцијалот на дигиталните валути кои значително можат да придонесат за економскиот развој на Русија, нагласувајќи ја потребата од соодветна регулатива и инфраструктура.
Криптовалути
Запленети криптовалути вредни 6,5 милиони фунти!?
Ирската полиција заплени криптовалути во вредност од 6,5 милиони фунти и уапси двајца мажи и една жена по претрес на куќа во Даблин, објавија ирските медиуми.
Запленувањето е дел од истрагата за продажба на нелегален материјал преку „даркнет“ и перење пари, јавува “BBC“.
Ирското полициско биро за сајбер криминал (GNCCB) соопшти дека се конфискувани „значителни средства“, вклучувајќи ги криптовалутите биткоин и монеро, часовници во вредност од 120.000 и 100.000 фунти, како и две возила во вредност од 220.000 и 190.000 фунти.
Криптовалути
БИТКОИНОТ ЌЕ ДОСТИГНЕ ДО 100.000 ДОЛАРИ – Криптозимата заврши!?
Најпознатата криптовалута биткоин би можела да достигне вредност од 100.000 долари до крајот на 2024 година.(повеќе…)
- Банкипред 2 месеци
Промени во Управниот одбор на една од најголемите банки во земјава!?
- Банкипред 2 месеци
Промени во Управниот одбор на ПроКредит Банка
- Вработувањепред 2 месеци
Оглас за вработување во НЛБ Банка АД Скопје
- Банкипред 1 месец
Главната економистка на Народната банка, Крстевска: Преку поддршка на зелените кредити и одговорното инвестирање на девизните резерви даваме придонес за зелените финансии
- Банкипред 2 месеци
Диомидис Николетопулос останува на челната позиција во Стопанска банка АД – Скопје
- Криптовалутипред 2 месеци
Путин го потпиша законот за легализирање на “crypto-mining” во Русија
- Продуктипред 2 месеци
Централна кооперативна банка воведе најповолни промотивни услови на пазарот за девизни дознаки во евра
- Банкипред 3 дена
ЕДЕН РИТАМ, ЕДЕН ТИМ! – Шпаркасе Банка преку дружба, забава и позитивна атмосфера ја потврди одличната синергија помеѓу своите вработени