Сите деца на возраст од 9 до 15 години сега може да имаат своја банкарска картичка која ќе им помогне да научат одговорно да располагаат со парите и да штедат, но и да им се најде во ситуации кога итно им требаат пари, а родителите не се дома. Првата картичка за деца во земјава, која ја воведе Халкбанк пред неколку недели, е корисно и практично решение и за најмалдите и за нивните родители.

Дебитната картичка Халки може да се добие преку брза и едноставна процедура во која било филијала на Халкбанк во Македонија со присуство на двајцата родители/старатели. Таа овозможува низа предности и поволности за брзи, едноставни и безбедни трансакции преку интернет и во малопродажба. Особено е важно што, за разлика од користењето готовина, родителите имаат целосна контрола колку средства троши нивното дете и за која намена.

Во продолжение наведуваме дел од главните карактеристики на Mastercard Junior
картичката на Халкбанк наменета за деца на возраст од 9 до 15 години.

• Нула денари трошоци за отворање, водење и одржување сметка
• Бесплатни СМС известувања за родителот/старателот за секоја трансакција
• Можност за одредување лимит на дневна сума на платежната картичка
• Повлекување готовина без надоместок од сите банкомати во земјата и странство
• Бесплатен трансфер на средства од сметката на родителот на сметката на детето
• Можност за дигитализирање на картичката на Apple Pay/Google Pay/Fidesmo Pay
• Без надоместок за издавање на платежната картичка до 31.03.2026 година

Еден од најголемите бенефити од користењето сопствена картичка е поттикнувањето финансиска писменост на децата. На овој начин тие може да научат како да располагаат со месечен буџет, да штедат, да плаќаат безбедно на интернет и генерално како одговорно да ги трошат финансиските средства.

Исто така, поседувањето картичка овозможува префрлање пари од сметката на родителот на сметката на детето за само неколку минути. Ова е особено корисно кога родителот е на работа или на патување, а на детето итно му требаат пари за некоја намена или кога едноставно заборавило да понесе готовина со себе.

Во време на дигитализација и брз начин на живот, Халки картичката за деца е иновативно и корисно решение креирано за специфичните потреби и на децата и на родителите. Халкбанк постојано работи и инвестира во зголемување на финансиската писменост на децата, а оваа активност е дел токму од тие напори на банката.

Халкбанк воведува уште еден иновативен производ – прва банкарска картичка наменета за деца на возраст од 9 до 15 години. Овој производ е креиран за специфичните потреби на децата, кој ним ќе им помогне да стекнат корисни финансиски навики, а на родителите да имаат поголема контрола врз тоа каде и колку трошат нивните деца.

Станува збор за Mastercard Junior дебитна картичка, која е прва во земјава наменета за деца и тинејџери на возраст до 15 години. Картичката се поврзува со сметка на детето, но за сета документација, следење на трошењето и поставување ограничување на сумите за плаќање е одговорен родителот или старателот.

„Нашата цел е на децата да им овозможиме сопствена картичка, преку која ќе стекнат чувство дека располагаат со реална сума пари. На тој начин ќе учат како одговорно да го менаџираат својот џепарлак, да вршат сигурни и безбедни плаќања и постепено да развиваат навики за штедење. Родителите, пак, имаат целосна контрола врз користењето на картичката од страна на своите деца и добиваат СМС известување за секоја нивна трансакција. Веруваме дека ова претставува иновативен и веќе нужен пристап за поттикнување финансиска писменост и одговорност кај најмладите“, вели Маја Наумовска Савеска, директор на корпоративни и маркетинг комуникации во Халкбанк.

Халки картичката нуди низа поволности – повлекување готовина без надоместок од сите банкомати во Македонија и во странство, бесплатен трансфер на средства од сметката на родителот или старателот на сметката на детето и можност за дигитализирање на картичката на Google Pay или Apple Pay.

„Со ваквиот пристап, децата се навикнуваат, изучуваат и се подготвуваат за користење на бенефициите што ги овозможува дигиталниот свет. Ова е особено важно имајќи предвид дека токму децата кои сега се на оваа возраст, се очекува да бидат идни двигатели во забрзувањето на дигитализацијата на општеството“, изјави Атила Селим, директор на Дирекцијата за дигитално банкарство во Халкбанк.

Сите заинтересирани за новата Халки картичка, може да аплицираат во која било филијала на Халкбанк. Корисниците на првите 60 издадени Mastercard Junior дебитни картички, на подарок ќе добијат и детска алка за дигитално плаќање. Отворањето и водењето платежна сметка за малолетни лица е бесплатно, додека сите што ќе аплицираат за Халки картичка до крајот на март 2026 година, ќе бидат ослободени и од трошоците за издавање на картичката.

Повеќе светски истражувања укажуваат дека основните знаења за парите децата ги стекнуваат до 7-годишна возраст, додека од 8 до 15 години веќе треба да научат како да управуваат со мали суми и да штедат за да можат да остварат некои цели кои бараат повеќе финансиски средства.

Халкбанк преку повеќе различни активности работи на финансиска едукација на децата и младите. Банката го издаде првиот Буквар за финансиска писменост за деца, а организира и повеќе креативни работилници преку кои децата учат за придобивките од штедењето.

НЛБ Банка, како банка-лидер во дигитализацијата на банкарските услуги во земјава, за првпат на пазарот воведува „Digital first“ – иновативна услуга која обезбедува вистинско дигитално банкарско искуство. Со „Digital first“, клиентите можат да ја добијат својата нова платежна картичка во дигитална форма веднаш по нејзиното одобрување, имајќи ги своите финансиски средства на дофат на рака, без одложување. Со ова, физичката картичка станува опционална и повеќе не е предуслов за почеток на користење.

Откако преку СМС порака ќе го добие четирицифрениот ПИН код, клиентот може веднаш, преку NLB Pay апликацијата, да ја додаде својата дигитална картичка во дигиталните паричници Apple Pay, GPay, Garmin pay, Apple wallet, по што истата е веднаш функционална и достапна за плаќање на ПОС терминали, онлајн, како и за подигнување на готовина од банкомати.

Со „Digital First“, НЛБ Банка е уште еден чекор поблиску до обезбедување севкупно дигитално банкарско искуство. Следејќи ги глобалните трендови и поставувајќи стандарди на домашниот пазар, НЛБ уште еднаш ја потврдува својата посветеност кон иновации и обезбедување врвно корисничко искуство за своите клиенти.

Услугата „Digital first“ е достапна за сите клиенти, нови, но и постоечки клиенти кои ќе аплицираат за нова или дополнителна картичка.

НЛБ Групација воведува нов стандард во регионот

Воведувањето на услугата „Digital first“ е дел од пошироката стратегија на НЛБ Групацијата за развој на современи, едноставни и ефикасни решенија за плаќање, за сите свои клиенти во регионот. НЛБ Банка Скопје е меѓу првите банки-членки која ја воведува услугата веднаш по NLB d.d. Истовремено, услугата ја лансираат банките-членки во Косово и двете банки во Босна и Херцеговина, а во јануари, услугата ќе биде достапна и за клиентите на НЛБ во Црна Гора и Србија.

НЛБ Групацијата е првата во регионот што им овозможува на своите клиенти да ја добијат картичката во дигитален паричник веднаш и без чекање, што е исклучителна предност. НЛБ Групацијата одигра и клучна улога, Apple да ги отвори пазарите на Македонија, Косово и Босна и Херцеговина, со што овозможи рамноправен пристап до напредни решенија за плаќање на милиони луѓе во регионот.

Сето ова ја одразува нејзината амбиција да биде водечка и најиновативна финансиска Групација во Југоисточна Европа, двигател на промени и партнер кој ги отвора вратите на глобалните иновации за клиентите во регионот.